AbAhluleli 18:5 - IsiZulu 2020

⁵ Athi kuyo: “Ake usibuzele kuNkulunkulu ukuthi uhambo esiluthathile luzoba yimpumelelo yini, na?”

IBHAYIBHELI ELINGCWELE

⁵ Base bethi kuye: “Ake umbuze uNkulunkulu ukuze sazi uma indlela yethu esiyihambayo iyakuba nempumelelo.”

Contemporary Zulu Bible 2024

⁵ Basebesithi kuye: Cela iseluleko kuNkulunkulu, ukuze sazi ukuthi indlela esihamba ngayo izaphumelela yini.

AbAhluleli 18:5 ပူးပေါင်းရင်းမြစ်များ

1 AmaKhosi 22:5

UJehoshafathi nokho wathi enkosini yakwa-Israyeli: “Ake ubuze namuhla izwi likaSimakade.”

2 AmaKhosi 16:15

Inkosi u-Ahazi yamyala u-Uriya, umphristi, yathi: “E-althare elikhulu shisa umnikelo wokushiswa wasekuseni, umnikelo wokusanhlamvu wakusihlwa, umnikelo wokushiswa wenkosi, nomnikelo wayo wokusanhlamvu nomnikelo wokushiswa wabo bonke abantu abasezweni: umnikelo wabo wokusanhlamvu, neminikelo yabo yokuphuzwayo. Ulifafaze ngalo lonke igazi lomnikelo wokushiswa, nalo lonke igazi lomhlatshelo, kodwa i-althare lethusi lizokuba ngelami, ukubuza izinto kulo.”

U-Isaya 30:1

USimakade uthi: “Maye, kubantwana abahlubukayo, abenza amacebo okungewona awami, abenza isivumelwano esiphambene nomoya wami, ukuze bathasisele isono phezu kwesinye.

UHezekeli 21:21

Ngokuba inkosi yaseBhabhele isimi egumbini lezindlela, engosini yezindlela zombili, ukuba ibhule; ixhakazisa imicibisholo, ibuza amatherafi, ihlola esibindini.

Hoseya 4:12

Abantu bami babuza ukhuni olubaziweyo, induku yabo ibatshele, ngokuba umoya wobufebe ubadukisile, basuka phansi kukaNkulunkulu wabo ngenxa yokufeba.

IzEnzo 8:10

Babemnaka bonke, kusukela kwabancane kuya kwabadala, bethi: “Lo ungamandla kaNkulunkulu abizwa ngokuthi Makhulu.”

AbAhluleli 17:13

UMikha wayesethi: “Manje sengiyazi ukuthi uSimakade uzongenzela okuhle, ngoba senginomLevi ongumphristi wami.”

AbAhluleli 17:5

Leyo ndoda enguMikha yayinendlu enonkulunkulu, yenza ingubo yamahlombe netherafimi, yabeka enye yamadodana ayo ukuba ibe ngumphristi wayo.

AbAhluleli 18:14

Amadoda ayisihlanu ayekade ezohlola iLayishi athi kubafowabo: “Niyazi nje ukuthi kulezi zindlu kukhona ingubo yamahlombe, netherafimi nesithombe esibaziweyo nesibunjiweyo, na? Cabangisisani ukuthi nizokwenzenjani.”

AbAhluleli 18:4

Yathi kuwo: “UMikha ungenzele lokhu nalokhu, wangiqasha, futhi sengaba ngumphristi wakhe.”

AbAhluleli 18:6

Umphristi wathi kuwo: “Hambani ngokuthula. Uhambo eniluthathile luphansi kweso likaSimakade.”

1 Samuweli 9:9

Inceku yathi, kudala kwa-Israyeli noma ngubani owayeya ukuyobuza kuNkulunkulu, wayethi: “Woza siye kumboni.” Ngokuba lowo okuthiwa ngumphrofethi manje kuqala wayebizwa ngomboni.