2 Samuweli 19:20 - IsiZulu 2020

²⁰ Ngokuba inceku yakho iyazi ukuthi yonile; uyabona-ke, namuhla ngifikile, ngingowokuqala kubo bonke abendlu kaJosefa, ukwehla ngizohlangabeza inkosi yami, inkosi.”

IBHAYIBHELI ELINGCWELE

²⁰ Ngokuba inceku yakho iyazi ukuthi yonile; bheka, ngifikile namuhla ngingowokuqala wendlu yonke kaJosefa, ngehle ukuhlangabeza inkosi yami, inkosi.”

Contemporary Zulu Bible 2024

²⁰ Ngokuba inceku yakho iyazi ukuthi ngonile; bheka, ngifikile namuhla ngingowokuqala wendlu yonke kaJosefa ukwehla ukuyohlangabeza inkosi yami, inkosi.

2 Samuweli 19:20 ပူးပေါင်းရင်းမြစ်များ

UGenesise 48:14

Kepha u-Israyeli welula isandla sakhe sokunene wasibeka ekhanda lika-Efrayimi, owayengomncane, wabeka isandla sokhohlo ekhanda likaManase, ephambanisa izandla zakhe ukuze asibeke kuManase owayeyizibulo.

UGenesise 48:20

Ngakho-ke uJakobe wababusisa kanjalo ngalolo lusuku, ethi: “Ngawe u-Israyeli uyakubusisana athi: ‘UNkulunkulu makakwenze ufane no-Efrayimi noManase.’ ” UJakobe wambeka u-Efrayimi waba phambi kukaManase.

2 Samuweli 16:5

Kwathi lapho inkosi uDavide ifika eBhahurimi, kwaphuma omunye wabomndeni wendlu yenkosi uSawule, igama lakhe kunguShimeyi, indodana kaGera; wayehla enyuka ethuka inkosi.

2 Samuweli 19:21

U-Abhishayi, indodana kaZeruya, waphendula, wathi: “UShimeyi akayukubulawa yini ngalokho, njengoba wathuka ogcotshiweyo kaSimakade na?”

2 Samuweli 19:9

Bonke abantu phakathi kwazo zonke izizwana zakwa-Israyeli babephikisana, bethi: “Inkosi yasisindisa esandleni sezitha zethu, yasikhulula esandleni samaFilisti, manje ibalekile ezweni, ibalekela u-Absalomu.

1 AmaKhosi 12:20

Kwathi lapho u-Israyeli wonke esezwile ukuthi uJerobhowamu ubuyile, bathumela bambizela enhlanganweni, base bembeka inkosi phezu kuka-Israyeli wonke. Kwakungekho muntu omunye owalandela indlu kaDavide, ngaphandle kwesizwana sakwaJuda kuphela.

1 AmaKhosi 12:25

UJerobhowamu wakha iShekhemu ezintabeni kwa-Efrayimi, wahlala kulo; wedlula lapho wayokwakha nePhenuweli.

UJeremiya 22:23

Wena ohlala eLebhanoni, osidleke sakho sisemisedarini, uyobubula kanjani lapho sewuhelelwa, usunemihelo njengowesifazane obelethayo na?

Hoseya 5:15

Ngiyakuhamba, ngibuyele endaweni yami, bayoze balivume icala labo, bafune ubuso bami; kuyakuthi lapho sebesosizini bangifunisise.”

Hoseya 5:3

“Mina, ngiyamazi u-Efrayimi, no-Israyeli akafihlekile kimi, ngokuba manje, wena Efrayimi uzifebele, u-Israyeli wazingcolisa.”