2 iziKronike 8:14 - IsiZulu 2020

¹⁴ Njengokomthetho kayise uDavide, abaphristi wabamisa ngokwezigaba zabo enkonzweni, nabaLevi ezikhundleni zabo, ukuba badumise, bakhonze phambi kwabaphristi njengemfanelo imihla ngemihla. Abalindimasango nabo wabamisa ngezigaba zabo emasangweni; kulelo nakulelo sango, ngokuba uDavide, umuntu kaNkulunkulu, wayeyale ukuba kube kanjalo.

IBHAYIBHELI ELINGCWELE

¹⁴ Wamisa njengomthetho kaDavide uyise izigaba zabapristi enkonzweni yabo, namaLevi ezikhundleni zawo ukuba adumise, akhonze phambi kwabapristi njengokudingekayo imihla ngemihla, nabalindisango ngezigaba zabo emasangweni ngamasango, ngokuba uDavide umuntu kaNkulunkulu wayeyale kanjalo.

Contemporary Zulu Bible 2024

¹⁴ Njengesimiso sikayise uDavide, wamisa izigaba zabapristi enkonzweni yabo, namaLevi ezikhulwini zabo ukuba badumise, bakhonze phambi kwabapristi njengenkonzo yezinsuku zonke, nabalindisango ngokwenkonzo yabo isevisi. Emigwaqweni kuwo onke amasango, ngokuba wamyala kanjalo uDavide umuntu kaNkulunkulu.

2 iziKronike 8:14 ပူးပေါင်းရင်းမြစ်များ

2 Samuweli 23:2

“UMoya kaNkulunkulu wakhuluma ngami; izwi lakhe lalisolimini lwami.

1 AmaKhosi 13:1

Kwavela ngaleso sikhathi kwaJuda umuntu kaNkulunkulu, ethunywe nguSimakade, waya eBhethele. UJerobhowamu wayemi e-althare ukuba ashise impepho.

1 iziKronike 16:37

UDavide wayeseshiya u-Asafa nabafowabo phambi komphongolo wesivumelwano sikaSimakade ukuba bakhonze njalo phambi komphongolo, ngokwenza imisebenzi yemihla ngemihla.

1 iziKronike 16:42

UHemani noJeduthumi babephethe amacilongo namasimbali okushaywa, nezinye izinsimbi zokubethwa kudunyiswa uNkulunkulu. Amadodana kaJeduthumi aqokwa amiswa ngasesangweni.

1 iziKronike 23:1

UDavide wayesemdala esenelisiwe yizinsuku; wambeka uSolomoni, indodana yakhe, ukuba abe yinkosi kwa-Israyeli.

1 iziKronike 24:1

Nazi izigaba ozalweni luka-Aroni. Amadodana ka-Aroni: nguNadabi, u-Abhihu, u-Eleyazare no-Ithamari.

1 iziKronike 24:3

UDavide, uZadoki, omunye wozalo luka-Eleyazare, no-Ahimeleki, wozalo luka-Ithamari, babehlukanisa ngezigaba zabo, ngokomsebenzi wabo.

1 iziKronike 25:1

UDavide nabakhuzi bempi behlukanisela umsebenzi amanye amadodana ka-Asafa, nakaHemani nakaJeduthuni; ayezophrofetha ngamahabhu, ngezingubhu, nangamasimbali. Abantu ababezokwenza umsebenzi wenkonzo babeyileli nani, bemi kanje:

1 iziKronike 26:1

Nazi izigaba zabalindimasango: kumaKhorahi: nguMeshelemiya, indodana kaKhore emadodaneni ka-Asafa.

1 iziKronike 28:19

UDavide washo wathi: “Konke lokho ngikubhalile ngiqondiswa nguSimakade, yebo, wonke umsebenzi walo mfanekiso.”

1 iziKronike 9:17

Abalindisango kwakunguShalumi, u-Akubhi, uThalimoni, u-Ahimani, nabafowabo; uShalumi wayeyinhloko.

1 iziKronike 9:24

Kwakukhona abalindisango ezinhlangothini zozine: ngasempumalanga, entshonalanga, enyakatho, nangaseningizimu.

2 iziKronike 23:19

Wabeka abalindimasango emasangweni endlu kaSimakade, ukuze kungangeni ongcolile noma ngabe ungcoliswe yini.

2 iziKronike 23:4

Nakhu-ke okumele nikwenze: ingxenye eyodwa yokuthathu yalabo abangena ngesabatha, abangabaphristi, nabaLevi, iyakuba ngabalindimasango.

2 iziKronike 29:25

Wamisa abaLevi endlini kaSimakade bephethe amasimbali, izingubhu namahabhu njengalokhu uDavide noGadi, umboni wenkosi, noNathani umphrofethi, babeyalezile, ngokuba isiyalezo sasivela kuSimakade ngomlomo wabaphrofethi bakhe.

2 iziKronike 31:2

UHezekiya wabeka abaphristi nabaLevi ngezigaba zabo, kwaba yilowo nalowo ngokomsebenzi wakhe, njengabaphristi nabaLevi beminikelo yokushiswa neyokuthula, ukuba bakhonze, babonge, badumise emasangweni enkambu kaSimakade.

2 iziKronike 35:10

Yalungiswa-ke inkonzo: abaphristi bema ezindaweni zabo, nabaLevi bema ngezigaba zabo njengesiyalezo senkosi.

2 iziKronike 35:15

Abahlabeleli, amadodana ka-Asafa, babesendaweni yabo njengokomyalo kaDavide, u-Asafa, uHemani noJeduthuni, umboni wenkosi; abalindimasango babengasesangweni; sasingekho isidingo sokuba basuke emsebenzini wabo, ngokuba abafowabo, abaLevi, babebalungisele.

2 iziKronike 35:4

Zilungiseni ngokwezindlu zokhokho nangokwezigaba zenu, njengokubhala kukaDavide, inkosi yakwa-Israyeli, nanjengokubhala kukaSolomoni, indodana yakhe,

2 iziKronike 5:11

Kwathi lapho abaphristi sebephumile endaweni engcwele, ngokuba bonke abaphristi ababelapho babezingcwelisile, kungabhekwanga izigaba zabo,

2 iziKronike 8:15

Kabazange baphambuke emiyalweni yenkosi, kubaphristi nakubaLevi, nakokuphathelene nengcebo.

U-Ezra 6:18

Babuye babeka abaphristi nabaLevi ngokwemikhakha yabo, ukuze baqhube inkonzo kaNkulunkulu eJerusalema, njengoba kulotshiwe encwadini kaMose.

UNehemiya 12:24

Izinhloko zabaLevi nazi: uHashabhiya, uSherebhiya noJeshuwa, indodana kaKadimiyeli, nabafowabo bebhekene nabo bedumisa, bebonga njengemiyalo kaDavide, umuntu kaNkulunkulu, isigaba sibhekene nesigaba.

UNehemiya 12:25

UMathaniya, uBhakibhukiya, u-Obhadiya, uMeshulamu, uThalimoni no-Akhubhi babengabalindisango, belinda izindlu zokubekelela ngasemasangweni.

UNehemiya 12:36

nabafowabo uShemaya, u-Azareli, uMilalayi, uGilalayi, uMahayi, uNethaneli, uJuda noHanani, bephethe izinto zokubethwa zikaDavide, umuntu kaNkulunkulu; u-Ezra, umbhali, engaphambi kwabo.

NgokukaLuka 1:5

Kwakukhona emihleni kaHerode inkosi yaseJudiya, umphristi othile, ogama lakhe nguZakhariya, esigabeni sika-Abhiya, nomkakhe engowamadodakazi ka-Aroni, igama lakhe ngu-Elizabethe.

NgokukaLuka 1:8

Kwathi-ke uZakhariya enza umsebenzi wakhe wobuphristi phambi kukaNkulunkulu, njengokuhlelwa kwesikhathi sesigaba ayekuso,

IzEnzo 13:22

Esemsusile esihlalweni, wabavusela uDavide abe yinkosi, afakaza ngaye ukuthi: ‘Ngimfumene uDavide indodana kaJesayi, umuntu ongowenhliziyo yami, oyakwenza yonke intando yami.’

IzEnzo 13:36

“Ngokuba uDavide esekhonzile icebo likaNkulunkulu esizukulwaneni sakhe, walala ubuthongo, wabekwa kokhokho bakhe, wabona ukubola.

UDuteronomi 33:1

Nasi isibusiso uMose, umuntu kaNkulunkulu, abusisa ngaso abantu bakwa-Israyeli, engakafi;