2 iziKronike 4:1 - IsiZulu 2020

¹ Wakha i-althare lethusi: ubude balo bungamakhubhithi angama-20, ububanzi balo bungamakhubhithi angama-20, nokuphakama kwalo kungamakhubhithi alishumi.

IBHAYIBHELI ELINGCWELE

¹ Wenza i-altare lethusi; ubude balo babuyizingalo ezingamashumi amabili, nobubanzi balo babuyizingalo ezingamashumi amabili, nokuphakama kwalo kwakuyizingalo eziyishumi.

Contemporary Zulu Bible 2024

¹ Wenza i-altare lethusi, ubude balo babuyizingalo ezingamashumi amabili, nobubanzi balo buyizingalo ezingamashumi amabili, nokuphakama kwalo kwakuyizingalo eziyishumi.

2 iziKronike 4:1 ပူးပေါင်းရင်းမြစ်များ

1 AmaKhosi 8:22

USolomoni wema phambi kwe-althare likaSimakade, phambi kwalo lonke ibandla lakwa-Israyeli, welulela izandla zakhe ngasezulwini,

1 AmaKhosi 8:64

Ngalona lolo suku inkosi yangcwelisa ingaphakathi legceke elalingaphambi kwendlu kaSimakade, yanikela lapho ngomnikelo wokushiswa, ngomnikelo wempuphu, nangamanoni eminikelo yokuthula, lokhu i-althare lethusi elaliphambi kukaSimakade lalilincane ukuba liwamukele umnikelo wokushiswa, nomnikelo wempuphu, namanoni eminikelo yokuthula.

1 AmaKhosi 9:25

USolomoni wayenikela kathathu ngonyaka ngeminikelo yokushiswa nangeminikelo yokuthula e-althare ayelakhele uSimakade, eshisa impepho kanye neminikelo phambi kukaSimakade. Wayeseqedile ukwakha indlu.

2 iziKronike 1:5

I-althare lethusi elalenziwe nguBhezaleli, indodana ka-Uri kaHure, nalo wayelibeke phambi kwethabanakeli likaSimakade. USolomoni nebandla baya kulo ukuyobuza kuSimakade.

2 iziKronike 15:8

Kwathi ukuba u-Asa awezwe lawo mazwi nesiphrofetho sika-Odedi umphrofethi, waqina idolo, wazisusa izinengiso ezweni lonke kwaJuda nakwaBhenjamini, nasemizini yonke ayeyidle kwelezintaba kwa-Efrayimi, wavusa i-althare likaSimakade elaliphambi kompheme kaSimakade.

2 iziKronike 29:18

Basuka bangena phakathi ukuyokhuluma nenkosi uHezekiya, bathi: “Siyihlambulule yonke indlu kaSimakade, i-althare leminikelo yokushiswa, zonke izinto zayo, netafula lezinkwa zokubukwa.

2 iziKronike 7:7

USolomoni wangcwelisa ingaphakathi legceke elaliphambi kwendlu kaSimakade, wanikela lapho ngeminikelo yokushiswa namanoni eminikelo yokuthula, ngokuba i-althare lethusi ayelenzile uSolomoni lalingeke lanele ukwenzela umnikelo wokushiswa, owokusanhlamvu namanoni.

2 iziKronike 8:12

USolomoni wanikela lapho ngeminikelo yokushiswa kuSimakade, e-althare likaSimakade ayelakhe phambi kompheme,