2 iziKronike 32:27 - IsiZulu 2020

²⁷ UHezekiya wayecebile futhi enodumo olukhulu, wazakhela izindlu zesiliva, ezegolide, ezamatshe ayigugu, ezamakha, ezezihlangu nezazo zonke izinto ezinxanelekayo.

IBHAYIBHELI ELINGCWELE

²⁷ UHezekiya wayenengcebo nodumo oluningi kakhulu, wazenzela izindlu zesiliva, nezegolide, nezamatshe angamagugu, nezamakha, nezezihlangu, nezezinto zonke ezinxanelekayo,

Contemporary Zulu Bible 2024

²⁷ UHezekiya wayenengcebo nodumo oluningi kakhulu, wazenzela izinqolobane zesiliva nezegolide, namatshe ayigugu, neziqholo, nezihlangu, nazo zonke izinhlobo zezinto eziyigugu;

2 iziKronike 32:27 ပူးပေါင်းရင်းမြစ်များ

2 AmaKhosi 20:13

UHezekiya wabalalela, wababonisa yonke indlu yengcebo yakhe, isiliva, igolide, amakha, amafutha amahle, indlu yezikhali zakhe, nakho konke okwakutholakala engcebeni yakhe. Akukho lutho olwalusesigodlweni sakhe nasembusweni wakhe wonke angazange abakhombise lona.

1 iziKronike 29:28

Wafa esemdala, esenelisiwe yizinsuku nengcebo nodumo; uSolomoni, indodana yakhe, wabusa esikhundleni sakhe.

2 iziKronike 1:12

ngiyakukunika ukuhlakanipha nokwazi; ngiyakukunika nengcebo, imfuyo, nodumo angazange abe nakho amakhosi akwandulelayo, nalawo ayokulandela awayukuba nakho.”

2 iziKronike 17:5

Ngakho-ke uSimakade wawusimamisa umbuso esandleni sakhe, wonke uJuda wathela intela kuJehoshafathi; waba nodumo olukhulu nengcebo eningi.

2 iziKronike 32:26

UHezekiya wayithobisa inhliziyo yakhe eyayisikhukhumele, yena nezakhamuzi zaseJerusalema, ngakho-ke ulaka lukaSimakade alwehlelanga kubo emihleni kaHezekiya.

2 iziKronike 32:28

Wakha nezinqolobane zokusanhlamvu, ezewayini elisha, ezamafutha, izibaya zezinhlobo zonke zezilwane, nezindawo zezimvu.

2 iziKronike 9:27

Inkosi yenza ukuba isiliva lixhaphake njengamatshe eJerusalema, nemisedari yayenza yaba miningi njengemithombe ehlanzeni.

IzAga 10:22

Isibusiso sikaSimakade siyacebisa; akenezeleli usizi kuso.

UHezekeli 26:12

Bayakuwuphanga umcebo wakho, bayithathe njengempango impahla yakho ohweba ngayo. Bayakuzibhidliza izingange zakho, badilize izindlu zakho ezinhle, balahle amatshe akho, imithi yakho, nemfucuza yakho emanzini.

1 Samuweli 2:7

USimakade wenza abampofu bacebe; uyathobisa, bese ephakamisa.