2 iziKronike 26:21 - IsiZulu 2020

²¹ U-Uziya, inkosi, waba nochoko waze waficwa lusuku lokufa kwakhe. Wayehlala endlini eyehlukanisiwe kwezinye, ngokuba enochoko. Wanqatshelwa ukuba angene endlini kaSimakade, ngokuba wayenochoko. UJothamu, indodana yakhe, wengamela indlu yenkosi, futhi wehlulela abantu bezwe.

IBHAYIBHELI ELINGCWELE

²¹ U-Uziya, inkosi, wayesengonochoko kwaze kwafika usuku lokufa kwakhe, wahlala endlini eyahlukanisiweyo, lokhu engonochoko, ngokuba wanqunywa endlini kaJehova. UJothamu indodana yakhe wayephezu kwendlu yenkosi, ahlulela abantu bezwe.

Contemporary Zulu Bible 2024

²¹ Inkosi u-Uziya yayinochoko kwaze kwaba sosukwini lokufa kwayo, futhi wayehlala ezindlini eziningi ngoba yayinochoko; uJothamu indodana yakhe wayephezu kwendlu yenkosi, ahlulela abantu bezwe.

2 iziKronike 26:21 ပူးပေါင်းရင်းမြစ်များ

2 AmaKhosi 7:3

Kwakukhona esikhaleni sesango abantu abane abanochoko; bathi omunye komunye: “Sihlaleleni lapha sizoze sife na?

2 iziKronike 26:20

U-Azariya, umphristi omkhulu, nabo bonke abanye abaphristi bambuka; bheka, wayenochoko ebunzini lakhe. Bamkhipha lapho ngokushesha; naye uqobo washesha waphuma, ngokuba wabona ukuthi uSimakade umshayile.

2 iziKronike 27:1

UJothamu wayeneminyaka engama-25 ngesikhathi eba yinkosi. Wabusa iminyaka eli-16 eJerusalema. Igama likanina kwakunguJerusha, indodakazi kaZadoki.

ULevitikusi 13:46

Ungcolile ngaso sonke isikhathi. Uyohlala yedwa endlini yakhe engaphandle kwenkambu.

ULevitikusi 14:8

“Ohlanjululwayo uyohlanza izingubo zakhe, aphuce zonke izinwele zakhe, ageze ngamanzi, ahlambuluke. Emveni kwalokho uyakungena enkanjini, kodwa uyohlala ngaphandle kwethende lakhe izinsuku eziyisikhombisa.

UNumeri 12:15

UMiriyamu wavalelwa ngaphandle kwenkambu izinsuku eziyisikhombisa. Abantu abazange bahambe, waze wabuyiswa uMiriyamu.

UNumeri 5:4

Abantu bakwa-Israyeli benza kanjalo, babakhiphela ngaphandle kwenkambu; njengalokhu uSimakade ayekhulume noMose, benza kanjalo-ke abantu bakwa-Israyeli.