2 iziKronike 22:11 - IsiZulu 2020

¹¹ UJehoshabheyathi, indodakazi yenkosi, yathatha uJowashi, indodana ka-Ahaziya, yameba emadodaneni enkosi ayebulawa, yamfihla ekamelweni lokulala, yena nomzanyana wakhe. UJehoshabheyathi, indodakazi yenkosi uJehoramu, umkaJehoyada, umphristi, wayengudadewabo ka-Ahaziya, wamfihla, akaze akwazi u-Athaliya ukumbulala.

IBHAYIBHELI ELINGCWELE

¹¹ Kodwa uJehoshabeyati, indodakazi yenkosi, wamthatha uJowashi indodana ka-Ahaziya, wameba phakathi kwamadodana enkosi abulawayo, wambeka nomzanyana wakhe ekamelweni lokulala. UJehoshabeyati, indodakazi yenkosi uJehoramu, umkaJehoyada umpristi – ngokuba wayengudadewabo ka-Ahaziya – wamfihla ebusweni buka-Athaliya, ukuze angambulali.

Contemporary Zulu Bible 2024

¹¹ Kepha uJehosabati, indodakazi yenkosi, wathatha uJowashi indodana ka-Ahaziya, wameba phakathi kwamadodana enkosi abulawayo, wamfaka yena nomlindi wakhe ekamelweni. UJosabati indodakazi yenkosi uJoramu umkaJehoyada umpristi (ngokuba wayengudadewabo ka-Ahaziya) wamfihla ku-Athaliya ukuba angambulali.

2 iziKronike 22:11 ပူးပေါင်းရင်းမြစ်များ

2 Samuweli 7:13

Nguye oyakukwakhela iGama lami indlu; ngiyakusiqinisa isihlalo sombuso wakhe kuze kube phakade.

1 AmaKhosi 15:4

Nokho ngenxa kaDavide, uSimakade uNkulunkulu wakhe wamnika isibani eJerusalema ngokuphakamisa indodana yakhe emva kwakhe, nangokuqinisa iJerusalema.

2 AmaKhosi 11:2

Kepha uJehoshebha, indodakazi yenkosi uJoramu, udadewabo ka-Ahaziya, wathatha uJowashi, indodana ka-Ahaziya. Wameba phakathi kwamadodana enkosi ayezobulawa, wamfihla nomzanyana wakhe ekamelweni. Wamfihla kanjalo ku-Athaliya ukuze angabulawa.

2 iziKronike 21:7

Kepha uSimakade akathandanga ukuyibhubhisa indlu kaDavide ngenxa yesivumelwano ayesenze noDavide, wayethe uyakumnika yena nozalo lwakhe isibani, izinsuku zonke.

2 iziKronike 22:10

Kwathi ukuba u-Athaliya, unina ka-Ahaziya, abone ukuthi indodana yakhe ifile, wasuka wabulala bonke abozalo lwasebukhosini bendlu yakwaJuda.

2 iziKronike 22:12

Wahlala nabo ebhacile endlini kaNkulunkulu iminyaka eyisithupha; ngesikhathi u-Athaliya ebusa ezweni.

2 iziKronike 23:1

Ngonyaka wesikhombisa uJehoyada waqunga isibindi, wathatha abakhuzi bempi bamakhulu, u-Azariya indodana kaJerohamu, u-Ishmayeli indodana kaJehohanani, u-Azariya indodana ka-Obhede, uMahaseya indodana ka-Adaya, no-Elishafathi indodana kaZikhiri, wenza isivumelwano nabo.

AmaHubo 33:10

USimakade ushafisa icebo labezizwe, afojise amacebo ezizwe.

AmaHubo 76:10

Ngokuba ulaka lomuntu luyakukudumisa, insalelo yolaka uyakuyibhinca.

UEksodusi 8:3

Umfula iNayili uzogcwala amasele, azokwenyuka, enyukele endlini yakho, nasekamelweni lakho, embhedeni wakho, nasemizini yezinceku zakho, neyabantu bakho, nakohhavini nasezitsheni zokuxovela inhlama.

IzAga 21:30

Akukho ukuhlakanipha, akukho ukuqonda, asikho iseluleko, okungamelana noSimakade.

U-Isaya 65:8

Usho kanje uSimakade, uthi: “Njengalokhu iwayini elisha litholwa ehlukuzweni lamagilebhisi, bese kuthiwa: ‘Ningaloni ngokuba kunesibusiso esikulo,’ ngiyokwenza kanjalo, ngenxa yenceku yami: angiyukubabulala bonke.

IzEnzo 4:28

ukufeza lokho owawuyimisele ukuba ikwenze kwaphambilini, ngesandla nangecebo lakho ukuba kwenzeke.