2 iziKronike 18:31 - IsiZulu 2020

³¹ Kwathi lapho izinduna zezinqola zimbona uJehoshafathi, zathi: “Lo yinkosi yakwa-Israyeli.” Zaphambuka ukuba zilwe nayo, kepha uJehoshafathi wamemeza, uSimakade wamsiza. UNkulunkulu wabasusa kuye.

IBHAYIBHELI ELINGCWELE

³¹ Kwathi lapho izinduna zezinqola sezibonile uJehoshafati, zathi: “Yena uyinkosi yakwa-Israyeli;” zase ziphenduka ukuba zilwe nayo, kepha uJehoshafati wamemeza, uJehova wamsiza; uNkulunkulu wazimukisa kuye.

Contemporary Zulu Bible 2024

³¹ Lapho izinduna zezinqola zibona uJehoshafati zathi: “Lo uyinkosi yakwa-Israyeli.” Bamhaqa ukulwa, kepha uJehoshafati wakhala, uJehova wamsiza; uNkulunkulu wabancenga ukuthi basuke kuye.

2 iziKronike 18:31 ပူးပေါင်းရင်းမြစ်များ

1 iziKronike 5:20

Ngesikhathi ethola usizo lokulwa nabo, amaHagiri anikelwa ezandleni zawo nabo bonke ababenawo, ngokuba akhala kuNkulunkulu empini, amncenga, ngoba ayemethemba.

2 iziKronike 13:14

Lapho abakwaJuda bebheka emuva; bheka, kwakukhona amabutho phambi kwabo nasemuva kwabo. Bakhala kuSimakade, abaphristi bashaya amacilongo.

2 iziKronike 13:15

Abantu bakwaJuda base benza isaho, bekhuza iziqubulo zempi, kwathi lapho abakwaJuda bekhamuluka, uNkulunkulu washaya uJerobhowamu no-Israyeli wonke phambi kuka-Abhiya noJuda.

2 iziKronike 14:11

U-Asa wakhala kuSimakade uNkulunkulu wakhe, wathi: “Simakade, akekho ngaphandle kwakho ongasiza nongenamandla phakathi kwabaningi. Sisize, Simakade Nkulunkulu wethu, ngokuba sethembele kuwe, siphumile egameni lakho ukuzobhekana nalolu quqaba. Simakade, Wena unguNkulunkulu wethu, mawungahlulwa muntu.”

2 iziKronike 18:30

Inkosi yase-Aramu yayizidonse ngendlebe izinduna zezinqola zayo, yathi: “Ningalwi namuntu noma ngomncane noma ngomdala, kodwa nenkosi yakwa-Israyeli kuphela.”

2 iziKronike 18:32

Kwathi izinduna zezinqola sezibonile ukuthi akasiyo inkosi yakwa-Israyeli, zabuya ekumlandeleni.

2 iziKronike 26:7

UNkulunkulu wamsiza kumaFilisti, nakwabase-Arabhiya ababehlala eGuri Bhari nakumaMehuni.

U-Ezra 1:1

Ngonyaka wokuqala kaKhoresi, inkosi yasePheresiya, ukuze kugcwaliseke izwi likaSimakade alikhuluma ngoJeremiya, uSimakade wavusa umoya kaKhoresi, inkosi yasePheresiya, yase ishaya umthetho kuwo wonke umbuso wayo, yakhipha isimemezelo esibhaliweyo, esasithi:

U-Ezra 7:27

Makadunyiswe uSimakade, uNkulunkulu wokhokho bethu, obeke into enje enhliziyweni yenkosi, ukuba ihlobise indlu kaSimakade eJerusalema ngale ndlela,

UNehemiya 1:11

Nkosi, ake ubeke indlebe yakho emthandazweni wenceku yakho nasemithandazweni yezinceku zakho ezikuthokozelayo ukudumisa iGama lakho. Iphumelelise inceku yakho namuhla, uyiphe umusa phambi kwalo muntu.” Ngaleso sikhathi ngangingumphathindebe wenkosi.

AmaHubo 118:13

Ungihlohlolozile ukuze ngiwe, kodwa uSimakade uyangisiza.

AmaHubo 34:7

Ingelosi kaSimakade ikanisa nxazonke kulabo abamesabayo, ibakhulule.

AmaHubo 46:1

UNkulunkulu uyisiphephelo sethu namandla ethu, ufunyaniswa elusizo impela ekuhluphekeni.

AmaHubo 46:11

USimakade Wamabandla unathi, uNkulunkulu kaJakobe uyinqaba yethu. Sela

AmaHubo 56:10

KuNkulunkulu, engiyakulidumisa izwi lakhe, kuSimakade, engiyakulidumisa izwi lakhe.

AmaHubo 94:17

Ukuba uSimakade ubengesilo usizo lwami, umphefumulo wami ubuyakushesha ukuhlala endaweni yabafileyo.

UEksodusi 14:10

Kwathi lapho uFaro esesondela, abantu bakwa-Israyeli baphakamisa amehlo abo bababona abaseGibhithe bebalandela, besaba kakhulu abantu bakwa-Israyeli, base bekhala kuSimakade.

IzAga 16:7

Lapho uSimakade ethokozile ngezindlela zomuntu, wenza izitha zakhe zihlalisane ngokuthula naye.

IzAga 21:1

Inhliziyo yenkosi injengemifula yamanzi esandleni sikaSimakade, uyiphendula iye noma kuphi lapho ethanda khona.