2 iziKronike 15:16 - IsiZulu 2020

¹⁶ U-Asa wamsusa unina uMahakha ukuba abe yindlovukazi, ngokuba wayenzele u-Ashera isithombe esinengekayo. U-Asa wasigenca leso sithombe, wasiqotha sacoliseka, wasishisa ngasemfudlaneni iKidroni.

IBHAYIBHELI ELINGCWELE

¹⁶ Wamsusa uMahakha unina ka-Asa inkosi ebukhosikazini, ngokuba wayemenzele u-Ashera* isithombe esinengekayo; u-Asa wagawula isithombe sakhe, wasicolisisa, wasishisa ngasemfudlaneni iKidroni.

Contemporary Zulu Bible 2024

¹⁶ Futhi ngoMahaga, unina wenkosi u-Asa, wamsusa ekubeni yindlovukazi, ngoba wenza isithombe esibaziweyo ehlathini;

2 iziKronike 15:16 ပူးပေါင်းရင်းမြစ်များ

1 AmaKhosi 15:10

Wabusa iminyaka engama-41 eJerusalema; igama likanina kwakunguMahakha, indodakazi ka-Absalomu.

1 AmaKhosi 15:2

Wabusa iminyaka emithathu eJerusalema. Igama likanina kwakunguMahakha, indodakazi ka-Absalomu.

2 AmaKhosi 23:12

Ama-althare ayesophahleni lwekamelo eliphezulu lika-Ahazi, elalakhiwe ngamakhosi akwaJuda, nama-althare ayenziwe nguManase emagcekeni omabili endlu kaSimakade, inkosi yawadiliza, yasuka yagijima, yalahla umlotha emfudlaneni iKidroni.

2 AmaKhosi 23:15

I-althare elaliseBhethele, nendawo ephakemeyo eyenziwa nguJerobhowamu, indodana kaNebhathi, owonisa u-Israyeli, nalelo althare nendawo ephakemeyo yakudiliza, yayishisa indawo ephakemeyo, yayiqothisisa yaba ngumlotha, yashisa no-Ashera.

2 AmaKhosi 23:4

Inkosi yayala uHilikiya umphristi omkhulu, nabaphristi besigaba sesibili, abalindimnyango, ukuba bakhiphe ethempelini likaSimakade zonke izinto ezazenzelwe uBhali no-Ashera, nebandla lonke lasezulwini. Yazishisa ngaphandle kweJerusalema, emasimini aseKidroni, umlotha wakho wayiswa eBhethele.

2 AmaKhosi 23:6

Yamkhiphela ngaphandle kweJerusalema u-Ashera, endlini kaSimakade, yamshisa emfudlaneni iKidroni, yamgaya waba luthuli, yalahla umlotha wakhe emangcwabeni amadodana abantu.

2 iziKronike 15:17

Kepha izindawo eziphakemeyo akazisusanga kwa-Israyeli, nakuba inhliziyo ka-Asa yayiphelele zonke izinsuku zokuphila kwakhe.

2 iziKronike 29:16

Abaphristi bangena ngaphakathi endlini kaSimakade ukuba bayihlambulule, kwathi konke ukungcola abakuthola ethempelini likaSimakade bakukhiphela egcekeni lendlu kaSimakade. AbaLevi bakuthatha bakukhiphela ngaphandle, bakuyisa emfudlaneni iKidroni.

2 iziKronike 30:14

Bawasusa wonke amanye ama-althare ayeseJerusalema, nawo wonke ama-althare empepho bawasusa, bawaphonsa emfudlaneni iKidroni.

2 iziKronike 34:7

Wawadiliza ama-althare, wagenca o-Ashera nezithombe ezibaziweyo, wakuqotha kwaze kwawuthuli. Wonke ama-althare empepho ezweni lonke kwa-Israyeli wawanquma, wayesebuyela eJerusalema.

UEksodusi 32:20

Wathatha ithole ababelenzile, walishisa ngomlilo, waligaya lacoliseka laba luthuli, waluvuvuzela emanzini, wabaphuzisa wona abantu bakwa-Israyeli.

UEksodusi 34:13

Kepha niyobhidliza ama-althare abo, niphihlize izinsika zabo, nigawule o-Ashera babo.

ULevitikusi 26:30

Ngiyakuchitha izindawo zenu eziphakemeyo, ngibhidlize ama-althare enu empepho, izidumbu zenu ngizilahle phezu kwezithombe zenu ezifihlikileyo; umphefumulo wami uyonengwa yini.

UZakariya 13:3

Kuyakuthi uma omunye ephrofetha, uyise nonina abamzalayo bathi kuye: ‘Kufanele ufe, ngokuba uqambe amanga egameni likaSimakade,’ uyise nonina bayakumgwaza esaphrofetha.

NgokukaMarku 3:21

Abakubo, sebekuzwile lokho, baphuma ukuyomthatha, ngokuba bathi usangene.

Johane 18:1

UJesu esekukhulumile lokho, waphuma nabafundi bakhe; bawelela ngaphesheya komfudlana, iKhedroni. Kwakukhona lapho insimu angena kuyo nabafundi bakhe.

2 kwabaseKorinte 5:16

Kanjalo thina kusukela manje, asisazi muntu ngokwenyama; nakuba besimazi uKhristu ngokwenyama, nokho manje asisamazi.

UDuteronomi 33:9

owathi ngoyise nonina: ‘Angibabonanga,’ wangabanaka abafowabo, akaze abanakekela abantwana bakhe. Ngokuba baligcina izwi lakho, basigcina isivumelwano sakho.

UDuteronomi 7:5

Niyokwenza kanje kubo: niyakudiliza ama-althare abo, niphihlize izinsika zabo, ninqume o-Ashera babo, nishise ngomlilo izithombe zabo ezibaziweyo.

UDuteronomi 9:21

Ngase ngithatha isono senu, ithole enanilenzile, ngalishisa ngomlilo, ngaligxoba, ngaligayisisa laze laba njengothuli, ngaphonsa uthuli lwalo emfudlaneni owehla entabeni.