2 iziKronike 10:8 - IsiZulu 2020

⁸ Kepha akasishayanga mkhuba iseluleko sezingwevu ezazimeluleke ngaso, wayesecela iseluleko ezinsizweni ezaziyintanga yakhe, ezaziwa zivuka naye.

IBHAYIBHELI ELINGCWELE

⁸ Kepha walahla isiluleko samalunga ameluleke ngaso, welulekana nezinsizwa eziyintanga yakhe, ezazimi phambi kwakhe.

Contemporary Zulu Bible 2024

⁸ Kodwa wasishiya iseluleko amadoda amadala ayemnike sona, wacebisana nezinsizwa ayezonda ngazo ezazimi phambi kwakhe.

2 iziKronike 10:8 ပူးပေါင်းရင်းမြစ်များ

2 Samuweli 17:14

U-Absalomu nabantu bonke bakwa-Israyeli bathi: “Iseluleko sikaHushayi, umArikhi, singcono kuneseluleko sika-Ahithofeli.” Ngokuba uSimakade wayenqumile ukuba kubhuntshe iseluleko esihle sika-Ahithofeli, ukuze uSimakade amehlisele okubi u-Absalomu.

2 iziKronike 10:9

Wathi kuzo: “Nina ningeluleka ukuba ngibuyisele mpenduloni kulaba bantu abakhulume kimi ngokuthi: ‘Yenza lula ijoka uyihlo alibeka phezu kwethu,’ na?”

IzAga 1:25

Anizinakanga zonke izeluleko zami, anikwemukelanga ukusola kwami.

IzAga 13:20

Ohamba nabahlakaniphileyo uyakuhlakanipha, kepha ongumngani weziwula uyolimala.

IzAga 19:20

Yizwa iseluleko, wemukele ukuqondiswa, ukuze ekugcineni uhlakaniphe.

IzAga 25:12

Njengecici legolide nemvunulo yegolide elicolisekileyo, unjalo osola ohlakaniphileyo onendlebe elalelayo.

IzAga 27:10

Ungamlahli umngani wakho noma okayihlo; ungabalekeli endlini yomfowenu ngosuku lwenhlekelele. Ungcono umakhelwane oseduze kunesihlobo esihlala kude.

IzAga 9:9

Yala ohlakaniphileyo, uzohlakanipha kakhulu; ufundise olungileyo, uzothuthuka ngokuqonda.

UmShumayeli 10:16

Maye, kuwe lizwe elibuswa yinkosi esencane, izikhulu zakho zizitika ngedili kusuka ekuseni!

U-Isaya 30:1

USimakade uthi: “Maye, kubantwana abahlubukayo, abenza amacebo okungewona awami, abenza isivumelwano esiphambene nomoya wami, ukuze bathasisele isono phezu kwesinye.