2 iziKronike 10:15 - IsiZulu 2020

¹⁵ Inkosi ayibalalelanga abantu, ngokuba lokho kwakuvela kuSimakade, ukuze uSimakade agcwalise izwi alikhuluma ngomlomo ka-Ahiya waseShilo kuJerobhowamu, indodana kaNebhathi.

IBHAYIBHELI ELINGCWELE

¹⁵ Inkosi ayibalalelanga abantu, ngokuba kwakuyisiyiba esivela kuNkulunkulu, ukuze uJehova amise izwi lakhe alikhulumayo ngesandla sika-Ahiya waseShilo kuJerobowamu indodana kaNebati.

Contemporary Zulu Bible 2024

¹⁵ Ngalokho inkosi ayizange ibalalele abantu, ngokuba le ndaba yayingekaNkulunkulu, ukuze uJehova afeze izwi lakhe alikhuluma ngesandla sika-Ahiya waseShilo kuJerobowamu indodana kaNebati.

2 iziKronike 10:15 ပူးပေါင်းရင်းမြစ်များ

2 Samuweli 17:14

U-Absalomu nabantu bonke bakwa-Israyeli bathi: “Iseluleko sikaHushayi, umArikhi, singcono kuneseluleko sika-Ahithofeli.” Ngokuba uSimakade wayenqumile ukuba kubhuntshe iseluleko esihle sika-Ahithofeli, ukuze uSimakade amehlisele okubi u-Absalomu.

1 AmaKhosi 12:15

Inkosi ayibalalelanga abantu ngokuba lokho kwakuvela kuSimakade, ukuze kufezeke izwi uSimakade alikhuluma ngomlomo ka-Ahiya waseShilo kuJerobhowamu, indodana kaNebhathi.

1 AmaKhosi 12:24

‘Usho kanje uSimakade, uthi: ningakhuphuki ukuyolwa nabafowenu abantu bakwa-Israyeli; phindelani emuva, kube yilowo nalowo endlini yakhe, ngokuba lokhu kuvela kimi.’ ” Balilalela izwi likaSimakade, baphindela emuva njengokusho kwakhe.

1 AmaKhosi 22:20

USimakade, wathi: ‘Ngubani oyakuyenga u-Ahabi ukuba enyuke afele eRamothi Gileyadi na?’ “Omunye washo komunye.

2 iziKronike 10:14

Yakhuluma kubo njengokwelulekwa yizinsizwa, yathi: “Ubaba wayenethwese ijoka elinzima, mina-ke ngizothasisela ejokeni lenu; ubaba wanishaya ngeziswebhu, mina ngizonishaya ngofezela.”

2 iziKronike 11:4

‘Usho kanje uSimakade, uthi: ningakhuphuki ukuyolwa nabafowenu, abantu bakwa-Israyeli; phindelani, kube yilowo nalowo endlini yakhe, ngokuba lokhu kuvela kimi.’ ” Balilalela izwi likaSimakade, baphindela emuva, kabamhlasela uJerobhowamu.

2 iziKronike 22:7

Ukubhubha kuka-Ahaziya kwakuvela kuNkulunkulu, ngokuya kukaJoramu, eyombona. Ngesikhathi efika lapho waphuma noJehoramu ukuyobona uJehu, indodana kaNimishi, owayegcotshwe nguSimakade ukuba ashabalalise indlu ka-Ahabi.

2 iziKronike 9:29

Ezinye izindaba zikaSolomoni, ezakuqala nezakamuva, azilotshiwe yini ezindabeni zikaNathani umphrofethi, nasesiphrofethweni sika-Ahaya waseShilo, nasemibonweni ka-Ido umboni ngoJerobhowamu indodana kaNebhathi na?

U-Isaya 19:14

USimakade uthelile phakathi kwalo umoya wokudideka, balenze iGibhithe ladiyazela kukho konke elikwenzayo, njengesidakwa sididizela ebuhlanzweni baso.

Johane 19:24

Ngakho-ke abonisana odwa athi ngalo: “Asingalidabuli, kodwa asenze unkatho, ukuze kubonakale ukuthi lizakuba ngelikabani.” Ukuze kugcwaliseke umbhalo othi: “Babelana ngezingubo zami, benza unkatho ngesembatho sami.” Amabutho akwenza-ke lokho.

IzEnzo 2:23

Yena lowo esenikelwe ngesu elimisiwe phambilini nangokwazi kukaNkulunkulu, nambethela ngezandla zabangenamthetho, nambulala.

IzEnzo 4:28

ukufeza lokho owawuyimisele ukuba ikwenze kwaphambilini, ngesandla nangecebo lakho ukuba kwenzeke.

UDuteronomi 2:30

Kodwa uSihoni, inkosi yaseHeshibhoni, akasivumelanga ukuba sidabule ezweni lakhe, ngokuba uSimakade uNkulunkulu wakho wawenza lukhuni umoya wakhe, wamenza waba nenkani enhliziyweni yakhe, ukuze amnikele esandleni sakho njenganamuhla.

AbAhluleli 14:4

Uyise nonina babengazi ukuthi lokhu kuvela kuSimakade, ngokuba wayefuna ithuba lokuthi alwe namaFilisti. Ngaleso sikhathi amaFilisti ayebusa phezu kuka-Israyeli.

1 Samuweli 2:25

Uma umuntu ona kumuntu, uNkulunkulu uyakumehlulela, kodwa uma umuntu ona kuSimakade, ngubani oyakumnxusela na?” Kepha awalalelanga izwi likayise ngokuba uSimakade wayefuna ukuwabulala.