1 Samuweli 28:15 - IsiZulu 2020

¹⁵ USamuweli wathi kuSawule: “Ungiphazamiselani ngokuthi ungenyuse na?” USawule waphendula wathi: “Ngihlupheke kakhulu, ngoba amaFilisti alwa nami; uNkulunkulu ungishiyile, akasangiphenduli ngabaphrofethi noma ngamaphupho, yingakho ngikubizile ukuze ungazise ukuthi kumele ngenzenjani.”

IBHAYIBHELI ELINGCWELE

¹⁵ USamuweli wathi kuSawule: “Unginyakaziselani ukuba ungenyuse na?” USawule waphendula wathi: “Ngihluphekile kakhulu, ngokuba amaFilisti ayalwa nami; uNkulunkulu ungishiyile, akasangiphenduli nangabaprofethi nangamaphupho; ngalokho ngikubizele ukuba ungazise ukuthi ngiyakwenze njani.”

Contemporary Zulu Bible 2024

¹⁵ USamuweli wasesithi kuSawuli: Ungihlupheleni ukungenyusa? USawuli wasesithi: Ngicindezelekile kakhulu; ngokuba amaFilisti ayalwa nami, kepha uNkulunkulu ungishiyile, akasangiphenduli ngabaprofethi nangamaphupho; ngakho-ke ngikubizile, ukuze ungazise okufanele ngikwenze.

1 Samuweli 28:15 ပူးပေါင်းရင်းမြစ်များ

AmaHubo 51:11

Ungangilahli ebusweni bakho, ungangemuki uMoya wakho oyiNgcwele.

IzAga 14:14

Umuntu ohlehlayo uyothola umvuzo wezindlela zakhe, kodwa olungileyo uvuna akutshalileyo.

Hoseya 9:12

Noma bangakhulisa izingane zabo, kodwa ngiyakubephuca zona zonke. Maye impela kubo, lapho ngibafulathela!

Mathewu 25:41

“Kepha iNkosi iyakuthi kwabangakwesokhohlo sayo: ‘Dedani kimi, nina baqalekisiweyo, niye emlilweni ophakade olungiselwe uSathane nezingelosi zakhe.

AbAhluleli 16:20

UDelila wayesethi: “AmaFilisti aphezu kwakho, Samsoni.” Lapho evuka ebuthongweni wathi: “Ngizophuma njengasesikhathini esedlule, ngizithintithe.” Wayengazi ukuthi uSimakade umshiyile.

1 Samuweli 18:12

USawule wamesaba uDavide, ngoba uSimakade wayenaye, kodwa esesukile kuye.

1 Samuweli 23:2

UDavide wabuza kuSimakade, wathi: “Ngihambe yini ngiyowabulala lawo maFilisti na?” USimakade wathi kuDavide: “Hamba uwabulale amaFilisti, usindise iKheyila.”

1 Samuweli 23:4

UDavide waphinda wabuza kuSimakade. USimakade wamphendula wathi: “Suka wehlele eKheyila, ngokuba amaFilisti ngizowanikela esandleni sakho.”

1 Samuweli 28:11

Wayesebuza owesifazane, ethi: “Ufuna ngikwenyusele bani na?” Wathi: “Ngenyusele uSamuweli.”

1 Samuweli 28:16

USamuweli wathi: “Pho ubuzelani kimi, njengoba uSimakade esekuphendukele, waba yisitha sakho na?

1 Samuweli 28:6

USawule wabuza kuSimakade, kodwa uSimakade akamphendulanga ngamaphupho, nge-Urimi noma nangabaphrofethi.

1 Samuweli 28:8

USawule wazifihla, wembatha ezinye izingubo, wahamba nabantu bakhe ababili, bafika kowesifazane ebusuku, wathi: “Ake ungibhulele ngedlozi, ungenyusele lowo engiyakumusho kuwe.”

1 Samuweli 30:6

UDavide wayekhathazekile kakhulu, ngoba abantu base bebhunga ngokumkhanda ngamatshe, lokhu izinhliziyo zabo bonke abantu zazinomunyu, ngenxa yamadodana namadodakazi abo. Kepha uDavide wathola amandla kuSimakade uNkulunkulu wakhe.