1 Samuweli 2:10 - IsiZulu 2020

¹⁰ Abamelana noSimakade bayakuphahlazwa; uyakuduma phezu kwabo esezulwini. USimakade uyakwehlulela amajukujuku omhlaba, aphe inkosi yakhe amandla, ogcotshiweyo wakhe amphakamise.”

IBHAYIBHELI ELINGCWELE

¹⁰ Abalwa noJehova bayakuphahlazwa; uyakuduma ezulwini phezu kwabo; uJehova uyakwahlulela amajukujuku omhlaba, anike inkosi yakhe amandla, aphakamise uphondo logcotshiweyo wakhe.”

Contemporary Zulu Bible 2024

¹⁰ Abamelene noJehova bayochotshozwa; esezulwini uyakuduma phezu kwabo; uJehova uyakwahlulela imikhawulo yomhlaba; iyakunika inkosi yayo amandla, iphakamise uphondo logcotshiweyo wayo.

1 Samuweli 2:10 ပူးပေါင်းရင်းမြစ်များ

2 Samuweli 22:14

USimakade waduma ezulwini; Ophezukonke walizwakalisa izwi lakhe.

2 Samuweli 7:13

Nguye oyakukwakhela iGama lami indlu; ngiyakusiqinisa isihlalo sombuso wakhe kuze kube phakade.

2 Samuweli 7:8

“Ngalokho uyakusho kanje encekwini yami, uDavide, uthi: ‘Usho kanje uSimakade Wamabandla, uthi: “Mina ngakuthatha edlelweni, ekweluseni izimvu, ukuba ube ngumbusi wabantu bami kwa-Israyeli.

UJobe 40:9

Unengalo njengoNkulunkulu yini na? Ungaduma yini ngezwi elinjengelakhe na?

AmaHubo 132:17

“Ngiyakuhlumisa uphondo lukaDavide, ogcotshiweyo wami ngimlungisele isibani.

AmaHubo 148:14

Useluphakamisile udumo lwabantu bakhe, ngalokho-ke abethembekileyo bakhe bayamdumisa, abantu bakwa-Israyeli; abantu abaseduze naye. Haleluya!

AmaHubo 2:2

Amakhosi omhlaba ayazihlanganisa, nababusi baceba icebo ngogcotshiweyo kaSimakade, bathi:

AmaHubo 2:6

“Mina ngiyibekile inkosi yami, entabeni yami engcwele iZiyoni.”

AmaHubo 2:9

Uyakubaphula ngentonga yensimbi, ubaphihlize njengokhamba lombumbi.”

AmaHubo 20:6

Manje sengiyaqonda ukuthi uSimakade uyamsindisa ogcotshiweyo wakhe: uyamphendula esezulwini lakhe elingcwele ngamandla okusindisa asesandleni sakhe sokunene.

AmaHubo 20:7

Abanye bagabe ngezinqola zempi, abanye ngamahhashi, kodwa thina sethembele egameni likaSimakade uNkulunkulu wethu.

AmaHubo 21:1

Simakade, inkosi iyethaba ngamandla akho; ithokoza kakhulu ngokuyihlenga kwakho.

AmaHubo 28:8

USimakade ungamandla abantu bakhe. Uyinqaba eyinsindiso yogcotshiweyo wakhe.

AmaHubo 45:7

Uthanda ukulunga, uzonde ububi. Yingakho uNkulunkulu, uNkulunkulu wakho, ekugcobe ngamafutha entokozo ngaphezulu kwabangani bakho.

AmaHubo 89:17

ngokuba Wena uyinkazimulo yamandla abo, udumo lwethu luyophakama ngomusa wakho.

AmaHubo 89:24

Ukwethembeka kwami nomusa wami kuyakuba naye, egameni lami luyakuphakama udumo lwakhe.

AmaHubo 89:25

Ngiyakubeka isandla sakhe phezu kolwandle, esokunene sakhe phezu kwemifula.

AmaHubo 96:13

phambi kukaSimakade, ngokuba uyeza, impela uyeza ukuzokwehlulela umhlaba. Uzowehlulela ngobuqotho umhlaba, nezizwe ngokwethembeka kwakhe.

AmaHubo 98:9

phambi kukaSimakade, ngokuba uyeza, uzokwehlulela umhlaba. Uzolehlulela ngokulunga izwe, nezizwe ngobuqotho.

UEksodusi 15:6

“Isandla sakho sokunene Simakade siyakhazimula ngamandla, isandla sakho sokunene Simakade sifihlize isitha.

UmShumayeli 11:9

Jabula nsizwa ebusheni bakho, inhliziyo yakho ayikujabulise ezinsukwini zobusha bakho. Landela izindlela zenhliziyo yakho, nakho konke okubonwa ngamehlo akho, kodwa khumbula ukuthi uNkulunkulu uzokwehlulela ngazo zonke lezo zinto.

UmShumayeli 12:14

Ngokuba uNkulunkulu uyoyisa yonke imisebenzi ekwahluleleni, nazo zonke izimfihlo, noma ngabe zinhle noma zimbi.

U-Isaya 29:6

USimakade Wamabandla uyokuhambela ngokushesha nangokuduma, nangokuzamazama, nangomsindo omkhulu, nangesivunguvungu, nangesiphepho nangelangabi lomlilo oqothulayo.

U-Isaya 32:1

Kuyoba khona inkosi eyobusa ngokulunga, nezikhulu zibuse ngobulungiswa.

U-Isaya 45:24

Kuyothiwa ngami: ‘KukuSimakade kuphela ukulunga namandla.’ ” Bonke ababemthukuthelele bayakufika kuye, bajabhe.

UHezekeli 29:21

“ ‘Ngalolo lusuku ngizokwenza abendlu yakwa-Israyeli badlondlobale ngamandla, ngikuvumele ukuba ukhulume kubo, bazokwazi ukuthi nginguSimakade.’ ”

Mathewu 25:34

“INkosi iyakuthi kwabangakwesokunene sayo: ‘Zanini nina enibusiswe nguBaba, nidle ifa lombuso eniwulungiselweyo, selokhu kwasekelwa umhlaba.

Mathewu 28:18

UJesu wasondela, wakhuluma kubo, wathi: “Ngiphiwe amandla wonke ezulwini nasemhlabeni.

NgokukaLuka 1:69

Yasiphakamisela uphondo lwensindiso endlini kaDavide, inceku yayo,

NgokukaLuka 19:27

Kepha lezo zitha zami ezazingathandi ukuba ngizibuse, ziletheni lapha, nizibulale ngizibonela ngawami.”

IzEnzo 10:38

Lelo lizwi lalithi: uNkulunkulu wamgcoba uJesu waseNazaretha ngoMoya oNgcwele nangamadla, owahamba enza okuhle, ephilisa bonke ababephansi kwamandla kaSathane, ngokuba uNkulunkulu wayenaye.

IzEnzo 4:27

“Ngokuba kuwo lo muzi, uHerode, uPhontiyu Pilatu, nabezizwe nabantu bakwa-Israyeli bahlangana bamelana neNceku yakho engcwele, uJesu owamgcobayo,

2 kwabaseKorinte 5:10

Ngokuba thina sonke simelwe ukuba sibonakaliswe phambi kwesihlalo sikaKhristu sokwehlulela, ukuze yilowo nalowo amukeliswe njengalokho akwenzileyo esesemzimbeni; noma okuhle noma okubi.

AbAhluleli 5:31

“Simakade, sengathi zingabhubha zonke izitha zakho! Kodwa abakuthandayo mabafane nelanga liphuma ngamandla alo.” Izwe lalinokuthula iminyaka engama-40.

1 Samuweli 12:13

Manje nansi-ke inkosi eniyikhethileyo neniyicelileyo; niyabona-ke, uSimakade unibekele inkosi ukuba inibuse.

1 Samuweli 12:17

Angithi namuhla yisikhathi sokuvuna ukolo na? Ngizokhuleka kuSimakade ukuba alethe ukuduma nemvula, ukuze nazi, nibone ukuthi bukhulu kangakanani ububi enibenzile emehlweni kaSimakade ngokucela inkosi.”

1 Samuweli 12:18

Ngalolo lusuku uSamuweli wathandaza kuSimakade, uSimakade waletha ukuduma nemvula; bonke abantu besaba kakhulu uSimakade noSamuweli.

1 Samuweli 12:3

Bhekani, ngilapha: fakazani ngami phambi kukaSimakade naphambi kogcotshiweyo wakhe, ukuthi ngake ngathatha inkabi kabani, noma imbongolo kabani, ngubani engimqolile, ngicindezele bani futhi ngemukele ukufunjathiswa okuvela esandleni sikabani ukuze amehlo ami avalwe yikho na? Lokho ngiyakukubuyisela kini.”

1 Samuweli 15:28

USamuweli wathi kuye: “USimakade uwuklebhulile umbuso ka-Israyeli kuwe namuhla, wawunika umakhelwane wakho ongcono kunawe.

1 Samuweli 16:1

USimakade wathi kuSamuweli: “Uyakumkhalela kuze kube nina uSawule na? Ngimlahlile, ngeke esaba yinkosi phezu kuka-Israyeli. Gcwalisa uphondo lwakho ngamafutha, uhambe; ngikuthuma kuJese waseBhethlehema, ngokuba ngizibonele inkosi phakathi kwamadodana akhe.”

1 Samuweli 7:10

Kwathi uSamuweli esenza umnikelo wokushiswa, asondela amaFilisti ukuzolwa no-Israyeli. USimakade waduma ngezwi elikhulu ngalolo lusuku wamelana namaFilisti, wawafaka ukudideka, anqotshwa kanjalo ngu-Israyeli.