1 Samuweli 14:33 - IsiZulu 2020

³³ Abanye base bembikela uSawule, bathi: “Uyabona-ke, abantu sebonile kuSimakade badla okunegazi.” Wathi uSawule: “Nenze kabi, ngakho-ke namuhla gingqelani kimi itshe elikhulu.”

IBHAYIBHELI ELINGCWELE

³³ Base bemtshela uSawule, bethi: “Bheka, abantu bayona kuJehova ngokudla okunegazi.” Wathi: “Nenze kabi; gingqelani kimi itshe elikhulu namuhla.”

Contemporary Zulu Bible 2024

³³ Base bemtshela uSawule lokho, bathi: “Bheka, abantu bayona kuJehova ngokudla igazi.” Wathi: “Nenile; gingqela itshe elikhulu kimi namuhla.

1 Samuweli 14:33 ပူးပေါင်းရင်းမြစ်များ

UGenesise 9:4

Kepha ningalokothi nidle inyama enegazi, ngokuba umphefumulo usegazini layo.

ULevitikusi 17:10

“ ‘Yilowo nalowo muntu wendlu yakwa-Israyeli noma umfokazi ogogobele phakathi kwabo odla igazi noma yiliphi, ngiyomelana nalowo muntu odla igazi, ngimnqume kwabakubo.

ULevitikusi 19:26

“ ‘Aniyukudla lutho olunegazi, aniyukwenza imilingo, noma nihumushe izimpawu.

ULevitikusi 7:26

Aniyukulidla igazi, noma ngelenyoni noma ngelenkomo kunoma yiyiphi yezindlu zenu.

ULevitikusi 7:27

Oyodla igazi uyakunqunywa kubantu bakubo.’ ”

Mathewu 7:5

Mzenzisi, khipha kuqala ugongolo olusesweni lakho, yikhona-ke uzakubonisisa kahle ukuze ukhiphe uthi olusesweni lomfowenu.

IzEnzo 15:20

Kepha masibalobele ukuba bayeke amanyala ezithombe, nawobufebe, nawokudla inyama yesilwane esiklinyiwe, nokusenegazi.

KwabaseRoma 2:1

Ngakho-ke awunakuzilandulela wena muntu owehlulelayo, noma ngabe ungubani, ngokuba ngalokho owehlulela ngakho omunye, uzehlulela wena; ngokuba zona lezo zinto obehlulela ngazo, ingani wena kanye uyakwenza khona lokho.

UDuteronomi 12:16

Igazi kuphela eningayikulidla, kodwa niyakulichitha emhlabathini njengamanzi.

UDuteronomi 12:23

Qaphelani kuphela ukuba ningalidli igazi, ngokuba igazi lingumphefumulo. Aniyukuwudla umphefumulo kanye nenyama.

UDuteronomi 15:23

Igazi lalo kuphela ongeyukulidla; uyolithela emhlabathini njengamanzi.”

1 Samuweli 14:34

USawule wathi: “Hlakazekani phakathi kwabantu, nibatshele bonke, nithi: ‘Akube yilowo nalowo alethe kimi inkabi yakhe, omunye imvu yakhe, nikuhlabe lapha kule ndawo, nikudle, ningabe nisona kuSimakade ngokudla okunegazi.’ ” Abantu baletha, kwaba yilowo nalowo inkabi yakhe, bakuhlaba bona mathupha lapho.