1 iziKronike 5:20 - IsiZulu 2020

²⁰ Ngesikhathi ethola usizo lokulwa nabo, amaHagiri anikelwa ezandleni zawo nabo bonke ababenawo, ngokuba akhala kuNkulunkulu empini, amncenga, ngoba ayemethemba.

IBHAYIBHELI ELINGCWELE

²⁰ Asizwa ekulweni nabo, amaHagiri anikelwa ezandleni zawo nabo bonke ababe nawo, ngokuba akhala kuNkulunkulu empini, amncenga, ngokuba ayemethemba.

Contemporary Zulu Bible 2024

²⁰ Basizwa phezu kwabo, amaHagari anikelwa esandleni sabo nabo bonke ababe nabo; ngoba babethembele kuye.

1 iziKronike 5:20 ပူးပေါင်းရင်းမြစ်များ

UGenesise 25:21

U-Isaka wamkhulekela kuSimakade uRibheka umkakhe, ngokuba wayengabatholi abantwana, iNkosi yawuzwa umkhuleko wakhe, uRibheka wakhulelwa.

UGenesise 49:19

“UGadi uyogaselwa yiviyo, kodwa yena uyolihlasela selibaleka.

1 AmaKhosi 22:32

Kwathi lapho izinduna zezinqola sezimbonile uJehoshafathi, zathi: “Impela lo yinkosi yakwa-Israyeli.” Zaphambuka zalwa nayo, kodwa uJehoshafathi wamemeza.

1 iziKronike 5:21

Adla izinkomo zabo, amakamela ayizi-50 000, izimvu eziyizi-250 000, izimbongolo eziyizi-2 000, nabantu abayizi-100 000.

1 iziKronike 5:22

Kwawa abaningi bebulewe, ngoba impi yayingekaNkulunkulu. Ahlala endaweni yabo aze athunjwa.

2 iziKronike 13:18

Abakwa-Israyeli bathotshiswa ngaleso sikhathi, kodwa abakwaJuda banqoba, ngokuba babencike kuSimakade uNkulunkulu wokhokho babo.

2 iziKronike 18:31

Kwathi lapho izinduna zezinqola zimbona uJehoshafathi, zathi: “Lo yinkosi yakwa-Israyeli.” Zaphambuka ukuba zilwe nayo, kepha uJehoshafathi wamemeza, uSimakade wamsiza. UNkulunkulu wabasusa kuye.

2 iziKronike 20:12

Nkulunkulu wethu, awuyukubehlulela yini na? Ngokuba thina asinawo amandla okubhekana nalesi sixuku esikhulu kangaka esizayo. Futhi asazi ukuthi sizokwenzenjani, kodwa amehlo ethu abheke kuwe.”

2 iziKronike 26:7

UNkulunkulu wamsiza kumaFilisti, nakwabase-Arabhiya ababehlala eGuri Bhari nakumaMehuni.

2 iziKronike 33:13

Wakhuleka kuye, wamncenga; wakuzwa ukunxusa kwakhe, wambuyisela futhi eJerusalema embusweni wakhe. UManase wayesazi ukuthi uSimakade nguye onguNkulunkulu.

U-Ezra 8:23

Ngakho-ke sazila, samnxusa uNkulunkulu wethu ngalokhu, wakuzwa ukunxusa kwethu.

AmaHubo 37:39

Insindiso yabalungileyo ivela kuSimakade, uyinqaba yabo ngesikhathi senhlupheko.

AmaHubo 37:40

USimakade uyobasiza, abakhulule; ubakhulula kwababi, abasindise, ngokuba bayamethemba.

AmaHubo 46:1

UNkulunkulu uyisiphephelo sethu namandla ethu, ufunyaniswa elusizo impela ekuhluphekeni.

AmaHubo 9:10

Abalaziyo igama lakho bethembela kuwe; Simakade awubalahli labo abakufunayo.

UEksodusi 17:11

Noma nini lapho isandla sikaMose siphakeme, u-Israyeli wayenqoba, kodwa uma esehlisa esiphumuza, kunqobe ama-Amaleki.

IzAga 29:25

Ukwesaba abantu ngukuzibekela ugibe, kepha owethemba uSimakade uyalondeka.

UJeremiya 39:18

Impela ngiyakukukhulula, awuyukuwa ngenkemba, kodwa ukuphila kwakho kuyofana nempango kuwe, ngokuba ungethembile, kusho uSimakade.’ ”

UDaniyeli 6:23

Inkosi yajabula kakhulu, yayala ukuba uDaniyeli akhushulwe emphandwini. UDaniyeli wayesekhushulwa kuwo, akutholakalanga myocu kuye, ngokuba wayemethembile uNkulunkulu wakhe.

UNahume 1:7

USimakade muhle, uyinqaba ngosuku lwenhlupheko, uyabazi labo abaphephela kuye.

Kwabase-Efesu 1:12

ukuze thina esethembele kuKhristu ngaphambilini, sibe ludumo lwenkazimulo yakhe.

UJoshuwa 10:14

Aluzange lube khona usuku olunjengalolo ngaphambi kwalo noma ngasemuva kwalo, lapho uSimakade alalela khona izwi lomuntu; wamlwela u-Israyeli.

UJoshuwa 10:42

UJoshuwa wawanqoba wonke lawo makhosi namazwe awo ngasikhathi sinye, ngokuba uSimakade uNkulunkulu ka-Israyeli wamlwela u-Israyeli.

UJoshuwa 23:10

Oyedwa kini uxoshe inkulungwane, ngokuba nguSimakade uNkulunkulu wenu onilwelayo njengalokhu ayekhulume kini.

1 Samuweli 19:15

USawule wathumela izithunywa ukuba ziyombona uDavide, wathi: “Mkhuphuleni nimlethe lapha kimi ngombhede ukuze ngimbulale.”

1 Samuweli 7:12

USamuweli wathatha itshe, walimisa phakathi kweMizpha neSheni. Waliqamba wathi yi-Ebheni Ezeri, ethi: “USimakade usisizile kwaze kwaba lapha.”