1 iziKronike 17:1 - IsiZulu 2020

¹ Kwathi lapho uDavide esehleli esigodlweni sakhe, wathi kuNathani, umphrofethi: “Bheka, mina ngihlala esigodlweni semisedari, kodwa umphongolo wesivumelwano sikaSimakade uphansi kwamakhethini.”

IBHAYIBHELI ELINGCWELE

¹ Kwathi lapho uDavide esehlezi endlini yakhe, uDavide wathi kuNathani umprofethi: “Bheka, mina ngihlala endlini yemisedari,* kepha umphongolo wesivumelwano sikaJehova uphansi kwezilenge.”

Contemporary Zulu Bible 2024

¹ Kwathi uDavida ehlezi endlini yakhe, uDavida wathi kuNathani umprofethi: Khangela, mina ngihlala endlini yesihlahla somsedari, kodwa umphongolo wesivumelwano sikaJehova uhlezi ngaphansi kwamakhetheni.

1 iziKronike 17:1 ပူးပေါင်းရင်းမြစ်များ

2 Samuweli 12:1

USimakade wayesethuma uNathani kuDavide. Wafika kuye wathi: “Kwakukhona amadoda amabili emzini munye, enye icebile, enye impofu.

2 Samuweli 12:25

Wathumela ngomphrofethi uNathani, wamqamba igama wathi nguJedidiya ngenxa kaSimakade.

2 Samuweli 6:17

Bawungenisa umphongolo kaSimakade, bawubeka endaweni yawo, phakathi nethende uDavide ayelimisele wona. UDavide wanikela ngeminikelo yokushiswa nangeminikelo yokuthula, phambi kukaSimakade.

1 AmaKhosi 1:23

Bayibikela inkosi, bathi: “Bheka, sekufike umphrofethi, uNathani.” Wangena enkosini, wayesekhothama wathi mbo ngobuso phambi kwayo.

1 AmaKhosi 1:44

Inkosi ithumele noZadoki umphristi, uNathani umphrofethi, uBhenaya, indodana kaJehoyada, amaKherethi namaPhelethi, bamgibelisa emnyuzini wenkosi.

1 AmaKhosi 1:8

Kepha uZadoki umphristi, uBhenaya indodana kaJehoyada, uNathani umphrofethi, uShimeyi, uReyi namaqhawe kaDavide abamlandelanga u-Adoniya.

1 AmaKhosi 8:17

“Kwakusenhliziyweni kaDavide, ubaba, ukwakhela igama likaSimakade uNkulunkulu ka-Israyeli indlu.

1 iziKronike 14:1

Inkosi yaseThire, uHiramu, yathumela izithunywa kuDavide, imisedari, abakhi nababazi ukuba bayomakhela indlu.

1 iziKronike 15:1

UDavide wakha izindlu emzini wakhe, walungisela umphongolo kaNkulunkulu indawo, wawumisela ithende.

1 iziKronike 16:1

Bawungenisa umphongolo kaNkulunkulu, bawubeka phakathi nethende uDavide ayelimisele wona. Base benikela ngeminikelo yokushiswa nangeminikelo yokuthula phambi kukaNkulunkulu.

1 iziKronike 17:2

UNathani wathi kuDavide: “Yenza konke okusenhliziyweni yakho, ngokuba uNkulunkulu unawe.”

1 iziKronike 17:5

ngokuba angikaze ngihlale endlini kusukela ngosuku engakhuphula ngalo u-Israyeli kuze kube namuhla, kodwa bengisemathendeni ngamathende, nasemathabanakelini.

1 iziKronike 22:6

Wayesebiza uSolomoni, indodana yakhe, wamyala ukuba akhele uSimakade indlu.

1 iziKronike 22:7

UDavide wathi kuSolomoni, indodana yakhe: “Bekusenhliziyweni yami ukuba ngakhe indlu, ngiyakhela igama likaSimakade uNkulunkulu wami.

1 iziKronike 28:2

UDavide, inkosi, wasukuma wama ngezinyawo, wathi: “Ngilaleleni bafowethu, nani bantu bami: bekusenhliziyweni yami ukuba ngakhele umphongolo wesivumelwano sikaSimakade indlu yokuphumula, neyisenabelo sezinyawo zikaNkulunkulu wethu; ngiwenzile amalungiselelo okuba ngakhe.

1 iziKronike 29:29

Izinto ezenziwa nguDavide ekuqaleni nasekugcineni, zonke zilotshiwe encwadini yezindaba zikaSamuweli umboni, encwadini yezindaba zikaNathani umphrofethi, nasencwadini yezindaba zikaGadi umboni.

2 iziKronike 1:4

Kepha umphongolo kaNkulunkulu ayewukhuphulile uDavide eKiriyathi Jeharimi, wayiswa ethendeni uDavide ayelimisele wona, eJerusalema.

AmaHubo 132:5

ngingakamtholeli uSimakade indawo, indlu yonguMninimandla kaJakobe.”

UEksodusi 26:1

“Uyokwenza ithabanakeli ngamakhethini alishumi enziwe ngelineni elicolekileyo lemicu ephothwe ngokuluhlaza okwesibhakabhaka, okubukhwebezane, nokubomvu. Ingcweti iwahlobise ngamakherubhi.

UJeremiya 22:15

“Ukuncintisana ngemisedari ngabe kukwenza ube yinkosi yini na? Angithi uyihlo wadla, waphuza, wenza ubulungiswa nokulunga, kwaba kuhle kuye na?

UDaniyeli 4:4

Mina Nebukhadinezari ngangihlezi ngokuthula, ngitamasa esigodlweni sami.

Hagayi 1:4

“Ngabe sekuyisikhathi senu yini lesi sokuba nihlale ezindlini zenu ezihlotshisiwe, ekubeni le ndlu iyincithakalo, na?”

Hagayi 1:9

“Benilindele okuningi, kodwa niyabona-ke, nithole okuncane, lapho nikuyisa ekhaya, ngakuphephetha. Ngobani na?” Kubuza uSimakade Wamabandla. “Ngoba indlu yami iyincithakalo, kodwa nina niyagijima, kube yilowo nalowo endlini yakhe.

IzEnzo 7:46

owafumana umusa phambi kukaNkulunkulu, wacela ukwenzela uNkulunkulu kaJakobe idokodo.