TITO 3:4 - Zapotec Mixtepec: Diidz ne rdeed guielmban

⁴ Per bdziṉ dze, zeeṉe laa Dios (meṉ ne psilaa ne lo doḻ) blu gaṉle pa lotaa nac xquieḻwen me, pa lotaa nquialadz me miech,

TITO 3:4 ပူးပေါင်းရင်းမြစ်များ

LUCAS 1:47

Rleynie naa me nac me meṉ ne psilaa naa, sac goṉ niicle peet nond naa, tib nguṉdziin winse nac naa lo me, per laa me bzooblo naa. Grë miech, zigtaa leṉ dze riiw, zigtaa leṉ dze ne ziaadragaaw, ziab zho naa nac tib wnaa ne mazdraa dichos.

ROMANOS 2:4

None guieṉ zho gaṉle pa lotaa nquialadz Dios zho, pa lotaa noyap me zho paciens noxecw me grëtaa ncuaaṉe ruṉ zho; sac laa me quiambëz csaan zho xquieḻntseeb zho, yguudz zdoo zho gban zho zigne rnabey me.

1 TIMOTEO 1:1

Naa nac Pabl, tib zha ne pxeeḻ Jesús nonee Xtiidz Ndzon me lo miech. Ible Dios meṉ ne psilaa ne lo doḻ, ni Jesús meṉ ne rnalo ne, me bnabey quiayuṉ naa dziin rii.

1 TIMOTEO 2:3

Sca nagoṉ nonguieḻ dziuuṉ ne, ni scagaa rdziladz Dios, meṉ ne pxeeḻ Jesús biaadsilaa grëse miech lo doḻ;

1 TIMOTEO 4:10

Ni gacxe waa, laa ne quia dieṉ zha gliladz zhow, niicle ne nroob grë guieḻnë ne quiadziaṉ ne; sac ible Dios nac meṉ ne rnalo ne, meṉ nguiamban ne rsilaa grëse miech lo doḻ; sac grëse zha ne dib zdoo rliladz me, rsilaa me zho.

2 TIMOTEO 1:10

Ni niina ne laa me pxeeḻ Jesús (meṉ ne rsilaa miech lo doḻ), laa me blu gaṉle ne nli nquialadz me ne. Jesús nac meṉ ne biaadtiche poder ne rap guieḻgut, ni biaadlu me gaṉle parne ygaa miech tib guieḻmban ne gdziṉd dze lozh, none gliladz zho Xtiidz Ndzon me.

TITO 1:3

Ni niina ne laa dze co bdziṉ, laa me blu lo ne gaṉle zha nac xtiidz me, miṉcopaa nagoṉ bzo me naa none naa lo miech. Lëë me ga nac Dios ne psilaa ne lo doḻ.

HEBREOS 9:26

Teḻne ye me niuṉ zig ruṉ grëraa pxoz co, pe zhistaale vuelt na ziyet me wlal ne bre guidzliu, ¡per na, led yed me! Zeeṉe laa dze bdziṉ, laa me biaad, xchenpaa me bzhiee, ni tibaque vuelt bzhieew psaṉmbew ne lo doḻ grëse ne ne nac ne miech.

1 PEDRO 2:3

Laa to goṉle gaṉle zha wentaa zdoo me, Xtiidz me sca goḻtsoxco.