TITO 3:2 - Zapotec Mixtepec: Diidz ne rdeed guielmban

² Guieṉ zho gneenëd zho samiech zho, iṉe zaacse gbannie zho samiech zho, niowse gac zho, niowse gnee zho, ni zeeṉe cho lo gnee zho none ndooladz gac zho, ndooladz gnee zho.

TITO 3:2 ပူးပေါင်းရင်းမြစ်များ

MATEO 11:29

Nligaa goḻbig lo naa, goḻtënaḻ zhiwseed naa, goḻgac tib miech tibliladz, tib miech ndooladz zigne nac naa; zeeṉa gap to descans co.

1 CORINTIOS 6:10

Scaque: zha ne nac ngbaan, zha ne zienie guic loxaque dieṉ zha guṉlo dimi, zha ne nac ngonziu, zha ne rzhixcuaa diidzguizh, zha ne ruṉgüet miech par cuan zho zho; ni tib zho ygaad guieḻnzaac co.

1 CORINTIOS 9:19

Stiba mazdragaa wena, znu choot noneedzd ncuaaṉe yquiin naa, sac sca grieelod cho gnabey naa; per niicle ne nagoṉ choot rnabeyd naa, zhaal naa rac naa zig tib nguṉdziin lo grëse miech, parne gdeeda diidz tso guic zho sëëb zho xnëz Jesús.

2 CORINTIOS 10:1

Ziyon naa rnee zho i, zeeṉe zose naa zit nguieex rzë xtidz naa rxeḻ naa; laa zeeṉe zo naa lo to, rdzield naa pe gne naa. Saṉgue teḻ naa, tibaque nac naa, ndooladz rac naa lo to, niicle zeeṉ teḻ pe diidz ne rsogaa naa, ndooladz rne naaw; zig guṉ Jesús, teḻ niaca miṉe mezhal gnee lo to.

2 CORINTIOS 12:20

Sac goṉ, rdziladzd naa teḻne glanso naa lo to i, ni gaṉ naa racde to zigne racladz naa; dzigo niicle togaaw, tsod zdoo to zeeṉe gaṉ to laa naa glisquiw. Adeḻ goṉ zeeṉe laa naa glanso i, leḻ diḻ no to; zha ne në rac zdoo dieṉ cho stib noded, zha ne nozhixcuaa diidzguizh, zha ne quianeenë, zha ne quiayacniats; nend haxta chop tsoṉ diile nac to.

GALATAS 5:22

Saṉgue zha ne zienaḻ miṉe racladz Espíritu Sant, znu nac zha co: rleynie zho samiech zho, tibaque nguieeḻ rac zho, peet dzeb nonied guic zho, rxecw zho, rieedniobd zho, niowse rnee zho lo samiech zho, niapse ncuaaṉ wen ruṉ zho lo samiech zho, ruṉ zho miṉe rnee zho guṉ zho,

GALATAS 6:1

Bets, bzian, teḻne gaṉ to laa cho tib zha ne nacgrë to noyuṉ pe tib doḻ, dzigo to ne nac to zha ne nlipaa zienaḻ miṉe rnabey Espíritu Sant, to goḻnee lo zho. Diidz wen, diidz ndooladz goḻco zdoo zho gbiire xixcuaa guic zho; ni scagaa tib tib to none nsin so to, sac goṉ adeḻ nenda yeque to sca sac.

GALATAS 6:10

Zeeṉe gdeedtaaw diidz sca, goḻgotsaa dzioxco ne dziuuṉ ne xyudar grëse samiech ne, ni nana zeeṉe zha ne noque xnëz Dios nac zho, mazdraa rieguiaḻ dziuuṉ ne xyudar zho.

EFESIOS 4:2

Goḻgac tib miech ndooladz, tib miech wen, tib miech nlëëguicd, tib miech ne guieednied samiech sinque iṉe gleynie to zho.

EFESIOS 4:31

None csaan to: guieḻnialadz, tso to gow gzhiizh zdoo to; glëëdraa to, sobzhiandraa to, coredzdraa to, gacntseebdraa to, ni grëragaa guieḻntseeb ne no, guṉde tow.

FILIPENSES 4:5

Goḻguieṉ zaacse goḻbannie grëse samiech to, zeeṉa haxta gzëëb diidz gaṉle ne nli miech ndzinli, miech ndooladz nac to. ¡Goḻguieṉ gaṉle, ile ziaad meṉ ndzon ne rnabey ne!

1 TESALONICENSES 2:7

Laa ne nlu no gaṉle zha rnabey nac no, sac goṉ Jesús pxeeḻ no, leḻ ndooladz goc no lo to. Masaque zigne rleynie meṉ wnaa xpëdyeeṉ me, nda nda raṉ me win; scadaa bleynie no to,

SANTIAGO 3:17

Zha ne nli rap guieḻbiini ne rdeed Dios, ruṉd zho miṉ co, laa zho zienaḻ: ndzinlise gban zho, rleynied zho diḻ, rguib zho zaacse rnee zho lo miech, wen rac zho lo grëse miech, rquia zdoo zho samiech zho, ruṉd zho cue zho zha ne mazdraa gacnie zho, ncuaaṉe ruṉ zho dib zdoo zho ruṉ zhow, niapse ncuaaṉe ndzinli rioxco zho.

SANTIAGO 4:11

Bets, bzian, ib gneenëde to zha ne nacgrë to. Zha ne rneenë bets zho, bzian zho, beḻ zho, ni rdziibdoḻ zho zho, Xley Dios ga rguiits zho. Laa ne so zho gacladz zho zha guṉ guieḻwxtis, mazd tsoxco zho gban zho zigne rnabey ley.

1 PEDRO 2:1

Nana sca: guṉdraa to grë guieḻntseeb, yquidiedraa to samiech to, guṉdraa to ne laglaase glu to guieḻwen, gacnëd zdoo to gaṉ to cho zha stib noded, gzhixcuaadraa to diidzguizh.

1 PEDRO 3:10

Zigne zhobneeque lo Xtiidz me, zaatne rnee: Zha ne racladz iṉe gley zho ne laa zho mban, wen ted zho leṉ ngbidz ne gban zho, none tsoxco zho ycuëëz zho ro zho, gneenëdraa zho, yquidiedraa zho;

1 PEDRO 3:8

Nana sca, tipse goḻgac grë to. Iṉe niowse goḻleynie zha ne nacgrë to, miech wen, miech ndooladz goḻgac.

1 PEDRO 4:4

Grë zha co, rieṉ naa rlëë zho raṉ zho rtsieelsadraa to zho lo grë ncuaaṉe ndzinlid co, gane haxta rneenë zho to.

2 PEDRO 2:10

¡Zig nac zha ne guiaadquidie to ga, miṉcopaa ygaa zho! Ni lalnu gaṉdzed Dios zho; sac goṉ, laa zho zienaḻ loxaque grë guieḻyozh ne gdeed guxt xcuerp zho. Miech nad, miech niats nac zho, rzhidznie zho miṉe rnabey Dios, ni lalnu dzeb guieṉd lo zho rdzibdee zho grë meṉ non ne no gbaa.

JUDAS 1:10

Laa grë zha qui, haxta grë ncuaaṉe ruṉ Dios, ncuaaṉe ni rioguicd zho zha nac, laa zho rdzibdeew; masaque mban zho zigne mban grë ma, laa zho ruṉ ncuaaṉe rdeedtaa guxt xcuerp zho; lëëque zha nonitlo zho ga.

JUDAS 1:8

Ni zha ne goṉ blanso lo to i, scadaa ruṉ zho; sac teḻ zha, niapse guieḻyozh zienaḻ zho, laa zho nosaṉbeed xcuerp zho, ib rond zho miṉe rnee zha ne rnabey, haxta rdzibdee zho grë meṉ non ne no gbaa.