TITO 2:2 - Zapotec Mixtepec: Diidz ne rdeed guielmban

² Grë meṉ bgui ne nac zha gol lo to i, bnee lo zho: tibliladz gac zho, guṉd zho ncuaaṉe cuee xquieḻto zho, quix zho biini, ncuaaṉe ndzinli tsienaḻ zho guṉ zho; tiblique gac zho lo Xtiidz Jesús, gleynie zho samiech zho, ni dziits so zho teḻ pe nactaa grë guieḻnë ne noyaṉ zho.

TITO 2:2 ပူးပေါင်းရင်းမြစ်များ

MARCOS 5:15

Zeeṉe bdziṉ zho, per nli bdzieb zho, sac goṉ zho laa mgui ne sca bdziitnie meṉdox ga zobse lo Jesús, laa mgui nacwxable, rlu ndzinlile nac guic mgui.

LUCAS 8:35

Nacne briee grë miech co ziewi zho. Zeeṉe bdziṉ zho, per nli bdzieb zho goṉ zha laa meṉ co zob gax lo Jesús, laa me nacwxable, rlu niinile nac guic me.

HECHOS 24:25

Zeeṉe bzeettaa Pabl, zha nac guieḻwxtis, zha none tsoxco miech guṉd zho miṉe riaabtaa guic zho, ni zha gdziṉ dze ne guṉ Dios guieḻwxtis, dzigotaa laa me bdzieb, rëbchaa me lo Pabl: ―¡Lëëlewga na nadieṉ! Na zeeṉe guioba, dzigo naazhal cuedz luu guiaad luu ziodiidz ne stib.

ROMANOS 12:3

Ne znu nac naa zha ne pquia zdoo Dios noyuṉ naa dziin rii, nligaa laa naa rso diidz lo to, ndzinli goḻgac, ib glude to ncuaaṉe ni nacde to, sinque goḻguieṉ cho nac to, zha rnalo to Dios.

1 CORINTIOS 15:34

Goḻquix biini sca, guṉctaldraa to xtoḻ to; pe rtoladzde to, goḻwi gaṉle no bla to i gard sëëb xnëz Jesús, haxta ni rieṉd zho zhapaa nac Dios.

1 CORINTIOS 9:25

Grë zha ne sca rio tib lo wguit, par grieelo guṉ zho gan rioxco zho raṉ zho xcuerp zho, ruṉd zho ncuaaṉe csiaab xfuers zho. Nroob cuidad ne rap zho zho par guṉ zho gan tib coron guizh nguia ne znuse rgooḻ. Scase nac premio ne rgaa zho, saṉgue ne goṉ, laa ne noxco ygaa ne tib premio ne gdziṉd dze nitlo.

2 CORINTIOS 5:13

Nligaa, dib zdoo no noxco no xtsiiṉ Dios, laa miech masaque rzac zho riotsle guic no. Nana niicle teḻ riotsgaaw, per xtsiiṉ Dios nodziuuṉ no. Saṉgue no, ndioṉpaa no riotsd guic no; laa no rdziuuṉ grë miṉ rii, sacne noxco no cseed to Xtiidz me.

GALATAS 5:23

miech ndooladz nac zho, zha rnabey xcuerp zho. Ni teḻne gban ne zigne nac grëse miṉ rii, ni tib ley noguiitsd ne ga.

FILIPENSES 4:8

Bets, bzian, nu ne laa naa csiaaḻle guits rii laa naa rnab lo to, miṉ rii goḻconie guic to: niapse miṉe nac diidzli, niapse grë ncuaaṉe nonguieḻ gac, niapse grë ncuaaṉe rac zigne nac diidzli, niapse grë ncuaaṉe mbe, niapse grë ncuaaṉe gleynie miech, niapse grë ncuaaṉe gley miech gon zho, niapse grë ncuaaṉe yquiin, niapse grë ncuaaṉe gzee zdoo miech ni gleynie zho. Grë miṉ rii goḻconie guic to, ni lëëw goḻtsoxco guṉ to.

1 TESALONICENSES 5:6

gacxe nagoṉ waa, niini goḻso, tsienaḻde to miṉe ruṉ zha ne zienaḻ guieḻntseeb; sac nac grë zha co zig nac zha ne nixguies, tibaque guieel no zho.

1 TESALONICENSES 5:8

Saṉgue ne ne nac ne zha ne niini zo, none guieṉ ne pe nac ncuaaṉe noyac. Tibaque dib zdoo ne gliladz ne Dios, gleynie ne samiech ne, zeeṉa csaaca ne zig rsaac ncuaaṉe racw meṉguiib lo grë ncuaaṉe gnitlo zho; ni csoladz ne gaṉle laa Dios psilaale ne lo guieḻgut, gotsaa ziaac new zig rzac meṉguiib pchog ne rzob guic zho rsilaaw zho lo guieḻgut.

1 TIMOTEO 1:14

¡Pa lotaa pquia zdoo Dios naa! Ga blu me gaṉle zha noxcotaa me naa, pxobnia me guic naa bliladz naa cho nac Jesús, ni zig nac niina dib zdoo naa rleynie naa me.

1 TIMOTEO 1:2

Laa naa rxeḻ guits rii lo luu, rzaac naa luu zig tib xpëëd naa ne squi dib zdoo luu rliladz luu Jesús. Dios meṉ ne nac Pxoz ne, ni Jesús meṉ ndzon ne rnabey ne, me yquia zdoo luu, me tsoxco grë zhizhgab luu zeeṉa peet tsienied guic luu. Miṉ co racladz naa, ni miṉ co rnab naa lo Dios.

1 TIMOTEO 1:5

Laa naa rso diidz rii lo luu, sac racladz naa guiaaṉmbe zdoo grëse miech qui, guiaaṉmbe xquieḻrien zho ni dib zdoo zho gliladz zho Dios; zeeṉa scagaa grieelo gleynie zho samiech zho.

1 TIMOTEO 3:2

Per ga nagoṉ rquiin: tib zha ne zaacse mban, zha ne mbannie loxaque wnaa ne nacse tsieel zho, zha ne tibliladz, zha ne nixbiini, rieṉ pe ruṉ, zha ne mbe lo, choot lega gzhidznied zho, zha ne iṉe nley rac, rbëzlo zho miech lidz zho; zha ne rieṉ zha rseed miech, zha ne rquiad lo nziu, zha ne rleynied diḻ, zha ne wen zdoo, zha ne zaacse mbannie samiech, zha ne rzonaḻd dimi, zha ne zaacse mban lidz, zha ne rrieelo rnabey lidz, rnabey xpëëd, zha ne nguzobdiidz nac xpëëd, rbeed mëëd xquieḻto zho.

1 TIMOTEO 3:8

Scaquegaa zha ne so guṉ xyudar zha ne gnabey ga, ga rquiin: tib zha ne zaacse mban, zha ne rnee niapse diidzli, zha ne rleynied guieḻgonziu, zha ne zienaḻd dimi, zha ne dib zdoo rliladz grëse miṉe zhobnee lo Xtiidz Dios (miṉe rliladz ne, miṉe nac diidzli), zha ne mbe lo, zha ne mbannie wnaa ne nacse tsieel zho, zha ne rrieelo rnabey lidz, zha ne rrieelo rnabey xpëëd. Ni stiba, antes ne so zho none glugazh zho dieṉ pe nli zrieelo guṉ zho dziin co. Zig nac tsieel zhow, none gac me: tib wnaa ne zaacse mban, wnaa ne rleynied diidzguizh, wnaa ne rleynied nziu, wnaa ne rquidied.

1 TIMOTEO 5:1

Grë zha bgui gol ne nac bets ne i, zeeṉe zha rxiṉ zho, bieṉ gactoxd luu lo zho, sinque zaacse bnee lo zho zig nac zeeṉe lo pxoz luu nonee luu; niiclegaa zha nguiega, zaacse goc lo zho, beeṉ zho cuent zig tib bets luu.

TITO 1:13

Ni nligaa sca nac zho. Gacxe waa, bieṉ gdziguiend luu grë miṉe ruṉ zho, goctox lo zho zeeṉa sodziits zho lo Xtiidz Ndzon Jesús miṉe no gliladz zho.

TITO 1:8

Sinque none gac zho tib zha ne: ndzinli nac guic, iṉe niowse rdeed zho zaatne rbëz miech ne rdziṉtaa lidz zho, rioxco zho ruṉ zho niapse ncuaaṉe rquiin lo samiech zho, zienaḻ zho gac niapse miṉe nac diidzli, rioxco zho ruṉ zho niapse miṉe rnabey Dios, rrieelo zho rnabey zho guic zho, rnabey zho xcuerp zho.

TITO 2:7

Luuzhal zaacse beeṉ grëse ncuaaṉe no guṉ luu, zeeṉa ga gwi zho gaṉle zha none gban zho. Zeeṉe cseed luu zho, iṉe tibliladz goc, guṉd luu ne quitnie luu zho.

FILEMON 1:9

per gnabeyd naa luu, sinque laa naa rnab lo luu yquiaadiag luu gaṉle zha racladz naa; sac goṉ ndioṉ ne zigne rleynie naa luu, scaque luu rleynie luu naa. (Goṉ gaṉle, meṉgol ne nac Pabl nu nonee lo luu, laa naa nioogyu nu loxaque ne quiayuṉ naa xtsiiṉ Jesús.)

1 PEDRO 1:13

Goḻquix biini xquieḻrien to sca. Tiblique goḻguṉ guic to ne laa to ygaa grëtaa miṉe ral zdoo Dios gneedz me lo to, zeeṉe laa Jesús guiaad stib.

1 PEDRO 4:7

Zhile gdziṉ gdze ne laa grë ncuaaṉe rac lo guidzliu rii nitlo; goḻquix biini zaacse goḻban, tibaque goḻzodiidznie Dios.

1 PEDRO 5:8

¡Nsin goḻso lo meṉdox, sac goṉ tibaque quianaḻ ma gnitlo ma ne! Masaque rac ma zig rac grë meedz ne rgobeedz quiaguib ma ne gow.