TITO 1:8 - Zapotec Mixtepec: Diidz ne rdeed guielmban

⁸ Sinque none gac zho tib zha ne: ndzinli nac guic, iṉe niowse rdeed zho zaatne rbëz miech ne rdziṉtaa lidz zho, rioxco zho ruṉ zho niapse ncuaaṉe rquiin lo samiech zho, zienaḻ zho gac niapse miṉe nac diidzli, rioxco zho ruṉ zho niapse miṉe rnabey Dios, rrieelo zho rnabey zho guic zho, rnabey zho xcuerp zho.

TITO 1:8 ပူးပေါင်းရင်းမြစ်များ

LUCAS 2:25

Lëëtaaque dze ne bdziṉnie zho win leṉ yadoo, laa tib meṉ lë Simeón no ga. Meṉ Jerusalén nac meṉ co, rleynie me Dios, rioxco me mban me zigne rnabey Dios, ni nacnie Espíritu Sant me. Quiambëz me gaṉ me Meṉ ne nole diidz ga cxeeḻ Dios csilaa zha Israel,

HECHOS 24:25

Zeeṉe bzeettaa Pabl, zha nac guieḻwxtis, zha none tsoxco miech guṉd zho miṉe riaabtaa guic zho, ni zha gdziṉ dze ne guṉ Dios guieḻwxtis, dzigotaa laa me bdzieb, rëbchaa me lo Pabl: ―¡Lëëlewga na nadieṉ! Na zeeṉe guioba, dzigo naazhal cuedz luu guiaad luu ziodiidz ne stib.

1 TESALONICENSES 2:10

Dios zobwi raṉ me gaṉle zha nac lo xquieḻmban no, ni niicle togaaw (ne nac to zha ne ngab lo me) goṉ to gaṉle ndzinli wban no zeeṉe biaad no i, bdziuuṉd no ncuaaṉe mbee no diidz ro miech, sinque laa no bdziuuṉ miṉe rdziladz Dios.

1 TIMOTEO 3:2

Per ga nagoṉ rquiin: tib zha ne zaacse mban, zha ne mbannie loxaque wnaa ne nacse tsieel zho, zha ne tibliladz, zha ne nixbiini, rieṉ pe ruṉ, zha ne mbe lo, choot lega gzhidznied zho, zha ne iṉe nley rac, rbëzlo zho miech lidz zho; zha ne rieṉ zha rseed miech, zha ne rquiad lo nziu, zha ne rleynied diḻ, zha ne wen zdoo, zha ne zaacse mbannie samiech, zha ne rzonaḻd dimi, zha ne zaacse mban lidz, zha ne rrieelo rnabey lidz, rnabey xpëëd, zha ne nguzobdiidz nac xpëëd, rbeed mëëd xquieḻto zho.

1 TIMOTEO 4:12

Nli lëë tib zha nguiegse nac luu, per blu lo zho gaṉle zha none gban zho: Zeeṉe gnee luu, niowse bguib diidz ne gnee luu, zaacse goc, iṉe bleynie samiech luu, tibaque dib zdoo luu bliladz Xtiidz Dios, iṉe ndzinli wban; zeeṉa gaṉ zho gaṉle niicle ne zha nguieg luu, per nixbiini luu.

1 TIMOTEO 6:11

Saṉgue luu goṉ, bieṉ gaṉle xnëz Dios no luu, guṉd luu grë ncuaaṉ co. Bioxco zaacse wban, tibaque bioxco gban luu zigne racladz Dios, dib zdoo luu bliladz me, bleynie me ni bleynie samiech luu, ndooladz goc lo zho, ni lalnu ib guiaaṉd zdoo luu.

2 TIMOTEO 2:22

Nac lo guieḻnguieg, ndal grë ncuaaṉe ndzinlid rio guic miech ruṉ zho, saṉgue luu goṉ tsienied grë ncuaaṉ co guic luu, bioxco zaacse wban, dib zdoo luu bnalo Dios, iṉe bleynie grëse samiech luu, tiḻnied luu zho; grë zha ne squi nli mbe zdoo, rbedz zho Dios, zaacse wbannie zho.

2 TIMOTEO 3:3

Gacnaṉdraa zho pe nac guieḻwleynie, ib yquiad zdoo zho, loxaque diidz gzhixcuaa zho, lëbd zho gnabey zho xcuerp zho, sacsi zho samiech zho, stsidiḻ zho grëse ncuaaṉe rquiin,

TITO 2:7

Luuzhal zaacse beeṉ grëse ncuaaṉe no guṉ luu, zeeṉa ga gwi zho gaṉle zha none gban zho. Zeeṉe cseed luu zho, iṉe tibliladz goc, guṉd luu ne quitnie luu zho.

1 JUAN 3:14

Saṉgue ne rleynie ne samiech ne, gane ndioṉ ne noxtseebdraa ne guioo ne gabiḻ, laa ne bgaale tib guieḻmban ndzon ne gdziṉdraa dze lozh; sac zha ne rleynied samiech, nëz ne nitlo zho ga zie zho.

1 JUAN 5:1

Grëse zha ne dib zdoo rliladz ne ible lëë Meṉ ne zëëble diidz cxeeḻ Dios lo guidzliu ga nac Jesús, grëse zha co xpëëd Dios nac zho. Grëse zha co, par guieṉ ne dieṉ pe nli rleynie ne zho, none guieṉ ne dieṉ pe nli rleynie ne Dios, dieṉ pe nli ruṉ ne miṉe rnabey me. Nac cuent rii, zig nac tib yu miech, zha ne rleynie pxoz mëëd, scaquegaa rleynie zho mëëd.