TITO 1:5 - Zapotec Mixtepec: Diidz ne rdeed guielmban

⁵ Rsoladzaxe luu gaṉle, zeeṉe psaṉ naa luu lo guidzliu win ne lë Cret i, laa naa psaṉ luu zeeṉa lozh guṉ luu grëraa dziin ne no gac i, ni psaṉ naa diidz lo luu zha gzo luu zha ne so gnabey lo grë zha ne rliladz Jesús, tib tib guiedz qui.

TITO 1:5 ပူးပေါင်းရင်းမြစ်များ

HECHOS 11:30

Dzigo ptop zho gon co, zeeṉe laaw goclo, pxeeḻ zho Bernabé grop Saul güeysaṉa lo grë zha rnabey ne zo lo zha ne rliladz Jesús nëz Judé.

HECHOS 14:23

Tib tib guiedz co, bzose zho grë zha ne so gnabey lo grë zha ne rliladz Jesús ga; rlozhse rcuan zho grë zho zho ni rzodiidznie zho Dios, dzigo laa zho rsaṉ zha co ladznia me yquianap me zho.

HECHOS 2:11

’Pe zhidaa ne ―rnee zho―, ni diidz ne rneepaa ne tib tib ne laa ne nodzion rnee zha qui grëtaa milagr nroob ne ruṉ Dios.

HECHOS 27:12

Stiba, zaatne nac Buenos Puertos ga rapda zaatne zaacse cuëz miech leṉ mëë naḻ, nacne nzian zho rëb mazd gdziṉ guiedz Fenice, ga zac gbiaaz no gdipse leṉ mëë naḻ. Ro guidzliu win co riaaṉ Fenice, nligaa zhi rcaaṉ me ga.

HECHOS 27:13

Zeeṉe laa ti me win ne znu ziaadquia psilo briee lo nis co, zootle na nli grieedraa me. Nacne lëëlëd bnabey zho bziaab no barcw, blisglaa zho lar nroob ne rcaaṉ me rzëw, laa no zio, gax gax ro guidzliu co zienie zhow.

HECHOS 27:21

Niicle wagw choot rsoladzdraa, dzigo bnee Pabl lo grë zha ne ziogrë no ga, rëb me: ―Tebaa nion to xtidz naa nagoṉ nzhiguieḻ to nrieed ne Cret, zeeṉa ndzieelod ne grë ncuaaṉe nodziaṉ ne nu, niicle nlaaḻdgaa ne grë yo co lo nis.

HECHOS 27:7

Tsow ga zie barcw co, nzian dze goca, nen dzigoraa bdziṉ no gax guiedz Gnid; ib rbëzdaque me, nacne bguib zho dieṉ pa nëz zhi rcaaṉ me, dzigo güeynie zho barcw co nëz Cret. Tib ro guidzliu win co zio no bdieed no Salmon;

1 CORINTIOS 11:34

Teḻ zha ne rieṉgaa lëbd zho lozh gdziṉ grëraa zha ne nacgrë zho, mazd gowgazh zho lidz zho, zeeṉa yguibd zho ygaa zho guieḻnë co. No spalal miṉe racladz naa gacnaṉ to, per naa zeeṉe guiaḻ naa nëz qui dzigo gne naaw lo to.

1 CORINTIOS 14:40

Per zigne rne naa ga, grëse miṉe guṉ to none zaacse guṉ tow, tib tiba gacsew hor ne rieguiaḻa.

1 CORINTIOS 4:17

Ni ible miṉcopaa goṉ laa naa rxeḻ Timoté ziaad lo to i, lëë stib xpëëd naa i, ne nligaa rleynie naa me, tib zha nguzobdiidz nac me lo meṉ ne rnabey me. Laa me ziaad i, me gzodiidz lo to gaṉle zigne rseed naa miech grëse zaatne ziyateed naa, scagaa noxco naa mban naaw.

COLOSENSES 2:5

Niicle ne nli zozhaald naa lo to i, per zhiespíritu naa nacnie naa to, ni rley naa raṉ naa squi zaacse mban to, tiblique nac guic to dib zdoo to rliladz to Jesús.

1 TIMOTEO 1:3

Zigne psoque naa diidz lo luu leṉ dze ne laa naa za nëz xtan zha Macedon ga, laa luu biaaṉ Efés i; scagaa niina laaw rneque naa lo luu stib: Sca no luu i, bnee lo bla zha ne squi no i, cseetraade zho miech grë zhiwseed zho, sac ncuaaṉe paat rquiinda.

2 TIMOTEO 2:2

Grëse miṉe goṉ luu pseed naa miech, scagaa niina bioxco bneew lo zha ne rgobey luu grieelo tsie tsieneew lo stib miech.

TITO 1:12

tib meṉladzaque zho, tib meṉ rac lo zho bzeet gaṉle zha nac zho zeeṉe znu bnee me: “Naṉdraaque zha Cret, loxaque noquidielsa zho samiech zho. Masaque mban zho zigne mban grë ma ntseeb ne no guix; loxaque gowse zho zienie guic zho, rbech zho guṉ zho dziin.”