MATEO 2:2 - Zapotec Mixtepec: Diidz ne rdeed guielmban

² bnabdiidz zho rëb zho: ―¿Pa lo dieṉ no mëëd ne gac meṉ ne gnabey ladz to nu, mëëd ne griiṉ gol ga? Bdzioṉ no tib mel nëz ne no no, mel co blu lo no laa win gol-le, miṉ co ne ziaad no nu ziaaddziaṉ no win.

MATEO 2:2 ပူးပေါင်းရင်းမြစ်များ

MATEO 2:3

Grë meṉguiedz Jerusalén, zeeṉe bin zhow bzee zdoo zho. Laa Herod, rieṉdraa me zha guṉ me, bnabey me pcaalsa grë zha ne nac pxoz non, grë zha ne rseed miech ley, bnabdiidz me lo zho dieṉ pa lo nac diidz gal Meṉ ne nole diidz cxeeḻ Dios guiaad lo guidzliu ga.

MATEO 21:5

Goḻguiab lo meṉ Jerusalén: “Goḻwi gaṉle, laa meṉ ne nac zhirey to ziaad i. Tib meṉ ligase rlu me, zob me lad tib burr win, tib ladse ma ne rey yo zob me.”

MATEO 27:11

Bdziṉnie zho Jesús lo Pilat, ga bnabdiidz Pilat lo Jesús rëb Pilat: ―Bnë dieṉ, ¿pe nli luu nac zhirey zha Israel? Pquiab me rëb me: ―Nliw.

LUCAS 19:38

rnee zho: ―¡Nasi laa Dios pxeeḻ zhirey ne! ¡Zha ndzontaa Dios! ¡Haxta gbaa noyac guieḻbley dze rii!

LUCAS 2:11

Meṉ ne goṉ quiambëz to ga guiaad csilaa to, laa me blansole lo guidzliu. Me nac Meṉ ne zëëble diidz ga cxeeḻ Dios, me nac meṉ ndzon ne rnabey. Belén, zaatne goc ladz rey David, ga gol me naguieel.

LUCAS 23:3

Dzigo bnabdiidz Pilat lo me, rëb Pilat: ―¿Pe nli na luu nac Rey ne rnabey lo zha Israel? Pquiab me rëb me: ―Nliw, rey nac naa zigne rnee luu i.

LUCAS 23:38

Glaa guic zhicruz me quia choplan diidz ne pquiaa zho, rneew: “LËË ZHIREY ZHA ISRAEL NU.”

JUAN 1:49

Rzee zdoo Natanael, rëb me lo Jesús: ―¡Nlique nagoṉ luu nac Xpëëd Dios! ¡Luu nac zhirey zha Israel!

JUAN 12:13

psilo zho briee zho ziaad-xinëz zho me; tib tib zho nzheṉse zho tib lë zin. Lo guieḻbley co, zeeṉe goṉ zho me, psilo zho nguiedz roptsie zho, rnee zho: ―¡Zha meṉ nroobtaa nac Dios! ¡Zha ndzontaa meṉ rii pxeeḻ Dios ziaad lo ne! ¡Lëë meṉ rii gnabey Israel!

JUAN 18:37

Pquiab Pilat, rëb Pilat: ―¿Rey luu dzigo lëë? ―Scaw goṉ ―rëb Jesús―, nli rey naa; zigne rnee luu i. Ible miṉ co nacne biaḻ naa gol naa lo guidzliu rii, ni biaḻ naa biaḻseed naa miech guṉbey zho miṉe nac diidzli. Ni zha ne zienaḻ miṉe nac diidzli, zha co ngab lo naa.

JUAN 19:19

Bnabey Pilat pquia bla lan diidz guic zhicruz me, rneew: “LËË JESUS MEṈ NAZARET NU, MEṈ NE NAC ZHIREY ZHA ISRAEL.” Pquiaw xtiidz zha Israel, xtiidz zha Roma ni xtiidz zha Gres. Nzian zha Israel goṉ sca quia guic zhicruz me, sac gaxpaa ro guiedz nac zaatne pquiaa zho me lo cruz ga.

JUAN 20:28

Dzigoraa bliladz Mazh ne nli mban me. ―Nasi rliladz naa mban luu ―rëb Mazh―. Luu nac meṉ ne rnabey naa, luu nac xDios naa.

JUAN 5:23

zeeṉa grëse miech guieṉ gaṉle zigne nonaque Pxoz me, scaque meṉ non nac me, ni sca none guṉnon zho me. Sac teḻ zha ne guṉnond me, yele Pxoz me ga (meṉ ne pxeeḻ me) ruṉnond zho. Ni rëb me:

JUAN 9:38

Dzigo pquiitsgzhib me lo Jesús, ni rëb me: ―Dib zdoo naa rliladz naa ne nli Xpëëd Dios nac luu.

HEBREOS 1:6

Ni zeeṉe biaad Jesús lo guidzliu; meṉ ne nac Xpëëdpaa me ga, rëb me: “Grëse xanjl naa, none yquiitsgzhib zho lo me.”

APOCALIPSIS 22:16

Naa goṉ nac Jesús, naa pxeḻ xanjl naa ziaadlu grë ncuaaṉ rii lo luu, zeeṉa grëse zha ne no xnëz naa gacnaṉa. Naa ga brieequia lo xtii rey David, per naa psaṉ grëse xmeṉgol me. Rrieequia naa nac mel ngol ne rziini raḻ sil.