MATEO 13:3 - Zapotec Mixtepec: Diidz ne rdeed guielmban

^3-4 Ndal grë ncuaaṉe pseed me zho, per niapse con cuent rnee mew lo zho. Lëë tib cuent ne bzodiidz me ga nu, rëb me: ―Tib zha name güey gon zhobxtil. Zeeṉe laa zho quialaaḻ zhob co, now bliaaḻ gax ro nëz, now bliaaḻ lad quie, now bliaaḻ leṉ yag guiets. Miṉe bliaaḻ gax ro nëz ga, güey grë mguiṉ znuse dow maw.

MATEO 13:3 ပူးပေါင်းရင်းမြစ်များ

MATEO 13:53

Blozhse sca bzodiidz me grë cuent co lo zho, laa me briee ga zie me nëz ladz me.

MATEO 22:1

Bzodiidz Jesús stib cuent lo zho, rëb me:

MATEO 24:32

’Goḻzoob cuidad zha nac yag guigw. Led naṉle to gaṉle, zeeṉe laa grë zhicwa racnieeṉ, ni rsilo rdzib zhiblaga, gase rlu ne laa mëë nëëg ziaadgaxle.

MARCOS 12:1

Dzigo psilo Jesús bzodiidz me tib cuent, rëb me: ―Tib mgui name, nroob lbë uv beeṉbni me lo liuṉ me. Psilo me ptse me igose liu co, bzaa me zaatne gzhii grë uv co, ni bzaa me tib yu glaa zaatne sob zha ne yquiaanapa. Blozh ga, blediiṉ me liu co lo bla zha ne ran liu, dzigo laa me briee ga, laa me zey zit.

MARCOS 12:12

Zeeṉe goṉ zho sca bnee me, gocladz zho naazgazh zho me ga; sac bieṉ zho miṉe ruṉ zho ga bzeet me. Per bnaazd zho me, sac rdzieb zho grë miech guizhiu ne ndxie ga, nacne zeyga zho.

MARCOS 3:23

Dzigo bredz me zho bzodiidz me tib cuent lo zho, rëb me: ―¿Pa naṉ to na grieelo lëëque meṉdox guṉcxooṉ sameṉdox ma?

MARCOS 4:13

’Nana to, teḻne bieṉde to zha nac cuent co, ¿zha guieṉ to grëraa miṉe gne naa dzigo? Goḻquiaadiaga gaṉle, znu goṉ naca:

MARCOS 4:33

Nzian grë cuent rii pquiin me par cseed me grë miech co, ni laa me bnee miṉe rgobey me guieṉ zho.

LUCAS 12:41

Zeeṉe blozh sca bnee me, rëbchaa Pedr lo me: ―Maestro, miṉe blozh bnee luu i, ¿pe par nose naca, te ye par grëraa miecha ye?

LUCAS 8:10

Rëbchaa me lo zho: ―Teḻ to, Dioszhal rlu lo to gaṉle zha rnabey me, niicle ncuaaṉe mazdraa ngueetsa; saṉgue grëraa zha ne squi gard gbig lo me, niapse con cuent rzodiidz naaw lo zho, parne guieṉ zhow; per niicle scaw, ib rzoobdiagd zhow, ib rioguicd zho zha naca.

JUAN 16:25

Nzian grë ncuaaṉe zine naa lo to, rned naaw clar; per laa dze bdziṉ zeeṉe grëse ncuaaṉe gne naa, clar gne naaw lo to, zig nac zeeṉe gzet naa Pxoz naa.