MARCOS 7:34 - Zapotec Mixtepec: Diidz ne rdeed guielmban

³⁴ Blozh ga, blis lo me bui me nëz gbaa, bneeladz zdoo me, dzigo rëb me: ―¡Bzhial! (¡Efata!)

MARCOS 7:34 ပူးပေါင်းရင်းမြစ်များ

MARCOS 1:41

Pquia zdoo Jesús mgui, pxobnia me guic mgui rëb me: ―Zuṉguiac naa luu. ¡Niinagazh laa luu guiaaṉmbe!

MARCOS 15:34

Horco nguiedz zëëb tsi Jesús, rnee me: ―¡Eloi, Eloi! ¿Lama sabactani? (Diidz co nac zig nacne rnee ne: ¡Luuse name nac xDios naa! ¿Pe nacne psaan luu naa?)

MARCOS 5:41

Wbig me bzheṉ me nia win, rëb me lo win: ―¡Guche i na, ndzoop yeeṉ! (Talita, cumi.)

MARCOS 6:41

Dzigo bzheṉ me gza gaay guietxtil co, ni grop meḻ co, blis lo me bui me nëz gbaa, bdeed me xquizh lo Dios. Blozh ga, beeṉgroḻ me guietxtil co, zigse rdeed mew lo xpëëdscuel me, scase scase noguiiz zhow lo grë miech co. Scaque beeṉ me grop meḻ co.

MARCOS 7:35

Zigne sca bnee me, laa diag mgui co bzhial, niicle ludz mguiw laaw wban, laa mgui psilo bneenal.

MARCOS 8:12

Zeeṉe goṉ me sca rac zho, bio me guieḻnë; dzigo haxta bneeladz zdoo me, rëb me lo zho: ―¿Zha rnaraa milagr ne racladz to gaṉ to? Gneli naa lo to gaṉle, ni stib milagr goṉ gaṉdraa to.

LUCAS 18:42

Dzigo rëbchaa Jesús: ―¡Niinagazh goṉ laa luu gaṉ stib! Laa luu biac, sacne dib zdoo luu bnalo luu naa.

LUCAS 19:41

Zeeṉe bdziṉ me zaatne nieeṉpaa Jerusalén, psilo biab guieḻnë me, biin me goṉ me guiedz co,

LUCAS 7:14

Dzigo bzheṉ Jesús yag ne zhoob ngutoo co. Zeeṉe goṉ gza zha ne nxobyaṉ yag cow, hor co bzodze zho; dzigo bnee me lo mëëd co rëb me: ―Xin, ¡guche i!

JUAN 11:33

Psilo Marí roon Marí. Zeeṉe goṉ Jesús, niicle Maríw, niicle grë zha Israel ne bdziṉ ga, mban rac zho, grëse zho roon, dzigo ye me biab guieḻnë me.

JUAN 11:35

Horco psilo Jesús biin me.

JUAN 11:38

Zeeṉe laa Jesús bdziṉ ro baaṉ Lazh, biire biab guieḻnë me. Zig nac tib bliee niaa baa co; rna tib quie nroob ntse zaatne rsëëb zho ngutoo;

JUAN 11:41

Zeeṉe blozh bdob zho quie co, dzigo blis Jesús lo me nëz gbaa, ni rëb me: ―Dios, luu ne nac luu Pxoz naa, xquizh xquieḻnzaac luu sac rquiaadiag luu miṉe rne naa.

JUAN 11:43

Dzigo nguiedz bredz me, rëb me: ―¡Lazh, briee i!

JUAN 17:1

Blozhse sca në me lo no, blis lo me bui me nëz gbaa. ―Dios, luu ne nac luu Pxoz naa ―rëb me―, niina nagoṉ laa dze co bdziṉ. Blu gaṉle meṉ nroob nac naa ne nac naa Xpëëd luu, zeeṉa ga glu naa lo miech gaṉle pa lotaa meṉ nroob nac luu.

HECHOS 9:34

Dzigo rëbchaa Pedr lo me: ―¡Ené, niinagazh goṉ laa Jesús guṉguiac luu! Na zeeṉ guche i blis xta luu. Zigne sca bnee Pedr laa meṉ co biac, laa me guche ga.

HECHOS 9:40

Dzigo bnabey Pedr briee zho ley grëse zho, laa me biaaṉ ga, pquiitsgzhib me bnab me lo Dios. Blozhse ga wbig me lo ngutoo co, bnee me lo me rëb me: ―Guche i, Tabit. Zigne sca rëb Pedr laa lo ngutoo co bzhial, zeeṉe goṉ me laa Pedr zo ga, laa me bzobli.

HEBREOS 4:15

Sac goṉ mesi rquia zdoo me ne, csaand me ne zeeṉe zootle laa ne guiable lo doḻ, sac teḻ me goṉle me zha nac lo guidzliu rii, goṉle me grëtaa mod ne rquiil meṉdox ne par guṉctal ne xtoḻ ne. Bzhaac me zigne rziaacaque ne niina, lëëraasi biabd me lo doḻ.