MARCOS 1:8 - Zapotec Mixtepec: Diidz ne rdeed guielmban

⁸ Laa naa rchoobnis to niina con nis; saṉgue me con Espíritu Sant cchoobnis me to.

MARCOS 1:8 ပူးပေါင်းရင်းမြစ်များ

MATEO 3:11

’Nli tib wrobnisse nu rnedz naa lo to, nacsew zig tib señ, sac lëë gdib rluw laa to psaan xquieḻntseeb to, laa to bzëëb xnëz Dios. Saṉgue meṉ ne no guiaad ga, mesi Espíritu Sant gdeed me lo zha ne gliladz me; ni scagaa zha ne gliladzd me, sonëz me zho zaatne nitlo zho. Ne nligaa tib meṉ non nac me, teḻ naa peet nond naa, per ni par tib nguṉdziin ne glit lab me raguiaḻd naa gac naa.

MARCOS 1:7

Zeeṉe rseed me grë miech co, rnee me lo zho: ―Iraa ziaad meṉ ne mazdraa non lo naa. Teḻ naa peet nond naa, tib guieḻnzaac nroob ga ygaa naa teḻne niaca miṉe grieelo maase lab me glit naa; per na ni miṉ co rdziṉd naa.

MARCOS 1:9

Leṉ ngbidz coquew, laa Jesús briee guiedz Nazaret xtan zha Galilé, güey me pchoobnis Juan me leṉ guiubee Jordán.

LUCAS 3:16

Dzigo rëb Juan lo zho: ―Tib wrobnisse nu rnedz naa lo to, saṉgue meṉ ne no guiaad ga Espíritu Sant gdeed me lo zha ne gliladz me; ni scagaa zha ne gliladzd me, sonëz me zho zaatne nitlo zho. Ne nligaa meṉ non nac me, teḻ naa peet nond naa, per ni par tib nguṉdziin ne glit lab me ni me, raguiaḻd naa gac naa.

JUAN 1:26

Pquiab Juan rëb Juan: ―Teḻ naa niab nis rchoobnis naa miech, per no tib meṉ ne gard guṉbey to.

JUAN 1:33

―Ne nligaa ruṉbeyd naa me ―rëb Juan―. Per zeeṉe pxeeḻ Dios naa ziaḻchobnis naa miech, hor co në me lo naa: “Zeeṉe gaṉ luu guiet Espíritu Sant gbaa cuëz me guic tib mgui ne nochoobnis luu, dzigo gocnaṉ lëë meṉ co nac meṉ ne rxeeḻ Espíritu Sant zdoo miech.”

HECHOS 1:5

―Goḻsoladz gaṉle laa naa nile lo to: nli laa Juan pchoobnis, per niab nisa; saṉgue to zgaa to guieḻbiini ne gneedz Espíritu Sant, rrieequia Espíritu co chobnis to; ni zhile gdziṉ dze ne laa miṉ co gac.

HECHOS 10:45

Grë zha Israel ne ziegza Pedr ga, zeeṉe goṉ zho laa grë zha co psilo quianee stib diidz, ni rdeed zho xquizh lo Dios, bzee zdoo zho goṉ zho ye grë meṉzit rgaa guieḻbiini ne rdeed Espíritu Sant.

HECHOS 2:17

Znu rnee Dios: Zeeṉe wzhile ruṉfalt gaḻ dze co, laa naa cxeḻ zhiEspíritu naa zdoo grëse miech; grë xingan zhow, grë xindzoop zhow, laa zho cteed xtidz naa, grë zha nguieg, nzian grë ncuaaṉe glulo lo zho, grë meṉgol, nzian grë ncuaaṉe glu mcaaḻ lo me.

HECHOS 2:4

Horco grëse zho pcaania guieḻbiini ne bdeed Espíritu Sant, psilo zho rnee zho grë xtiidz stib miech miṉe rsiaabtaa me guic zho.

1 CORINTIOS 12:13

Ndal miech ne nac xcuerp me, no zho nac zha Israel, no zho nac zha zit, lo grë zho no zho ngadoo lo beṉ, nogaa zho zonlaa, per grëse ne tibaque Espíritu ne nacnie ne, sac tibaque Espíritu bgaa ne zeeṉe brobnis ne.