LUCAS 9:42 - Zapotec Mixtepec: Diidz ne rdeed guielmban

⁴² Zeeṉe laa mëëd co ziegax lo Jesús, hor co broṉ meṉdox co win liu, nix win ga masaque rzhidz win. Dzigo goctox Jesús lo ma, beṉcxooṉ me ma. Horcogazh biac mëëd co, laa me bdeed win lo pxoz win.

LUCAS 9:42 ပူးပေါင်းရင်းမြစ်များ

MARCOS 9:20

Güey zho güeynie zho mëëdwin co lo me. Zigne goṉ meṉdox co me, psilo beeṉcxidz ma win, znuse biab win liu, rtiibxto win ni rdzib mtsiiṉ ro win.

LUCAS 7:15

Horcogazha brieeban niib co, bzobli niib, laa niib psilo bnee. Rley xniaa niib, pcaania me niib.

LUCAS 9:39

ni na laa meṉdox nosacsi win. Zeeṉe rdziṉ ma rcoptsiedan ma win, rroṉ ma win liu, ga nix win ruṉcxidz ma win, ni masaque rdzib mtsiiṉ ro win; nen rsaan ma win.

LUCAS 9:41

Dzigo rëbchaa Jesús: ―¡Pe nac squitaa miech ntseeb nac to, ib nëde to gnalo to Dios! ¿Pa lal dze ne so naa gne naa lo to? ¡Ncuaaṉe cxecwdraa naa lo to squitaa nac to! Dënie xpëëd luu nu ―rëb me lo meṉ co.

LUCAS 9:43

Grë miech ne ndxie ga, per nli rzee zdoo zho goṉ zho scataa nroob poder ne rap Dios. Grëse miech ne raṉ grëtaa milagr ne ruṉ Jesús, rzee zdoo zho.

JUAN 6:19

Maase gaay kilómetro o xoopgaaw goc zio no, tibaque zeeṉe bdzioṉ no laa me ziaad-zë lo nis co, gaxle lo no ga. Zeeṉe bdzioṉ no sca ziaad-zë me lo nis, bdzieeb no.

HECHOS 9:41

Bzheṉ Pedr nia me, bliso Pedr me, dzigo bredz Pedr grë zha ne rliladz Jesús ga, ni grë wnaa viud co; goṉ zho laa me brieebanle.

APOCALIPSIS 12:12

¡Gacxe waa tib guieḻbley nroob ne rac gbaa niina! ¡Grëse to ne nac to zha ne no gbaa, goḻley! ¡Per probsaxe grë zha ne no lo guidzliu, sac laa meṉdox co tsiesacsi zho! Ntseeb rac ma laa ma zie nëz co, rieṉ ma riaaṉdraa nroob dze ne sonlaa ma.