LUCAS 6:28 - Zapotec Mixtepec: Diidz ne rdeed guielmban

²⁸ Zeeṉe rdzibdee zho to, goḻnab lo Dios guṉlay me zho; zeeṉe rsacsigaa zho to, goḻnab lo Dios yquia zdoo me zho.

LUCAS 6:28 ပူးပေါင်းရင်းမြစ်များ

MATEO 5:44

Per led scada goṉ, ¡none zaacse gac to lo zha ne rlëë lo to! ¡Zha ne rgodee to, goḻnab lo Dios guṉlay me zho!

LUCAS 23:34

Lo cruz co quia me, zeeṉe nguiedz bnee me rëb me: ―¡Papá! Ncuaaṉe quiayuṉ grë miech rii nu, bzhiguieḻ guṉquizhd luu zhow; sac rieṉd zho pe ruṉ zho. Gza meṉguiib ne bdziṉ ga yquiaanap me, hor co tib tib zho bzheṉse zho tib lë xab me, laa stiba bio zho rif.

LUCAS 6:27

’Goḻquiaadiaga gaṉle: Zha ne rlëë lo to, goḻleynie zho, teḻ pe nac xliaadz zho goḻgacnie zho.

LUCAS 6:35

’Goḻguieṉ sca, none gleynie to zha ne rlëë lo to, none gacnie to zho lo xliaadz zho. Zha ne guiaad tib pextad lo to, goḻdeed ncuaaṉe rnab zho, ib guiabde to nend lega scase guṉ to favor co lo zho. Zha ne guṉ grë miṉ rii, nroob guieḻnzaac ne gdeed Dios lo zho, ni ga glu zho gaṉle nli xpëëd me nac zho; sac goṉ teḻ me wen me lo grëse miech, niicle zha ne ruṉ falt lo mew, niicle zha ne rieṉdgaa gdeed xquizh lo me, rsaand me zho.

HECHOS 14:5

Zha ne rlëë ga, zigtaa zha Israela zigtagaa zha guiedz cow, bnediidz zho grë zho wxtis laa zho tsie tsiedeedquie zho Pabl grop Bernabé.

HECHOS 7:60

Dzigo pquiitsgzhib me, ni pquiaa me stib redz nroob bnab me lo Dios, rëb me: ―Dios, luu ne nac luu meṉ ne rnabey, doḻ ne quiayuṉ miech rii, laa naa rnab lo luu guṉquizhd luu zhow. Loxaque blozh sca bnee me, laa me gut. Ye mgui ne lë Saul ga, bdeed diidz sca beet zho me.

ROMANOS 12:14

Grë zha ne rtsidiḻ to, laa ne gdzibdee to zho, goḻnab guṉlay Dios zho.

1 CORINTIOS 4:12

Ni rlozh ga rrieeque miech rsacsi zho no. Rrieequia zha ne rdzibdee no, per rdziuuṉd no gdzibdeeque no zho, sinque mazd rnab no lo Dios guṉlay me zho; zha ne rtsidiḻ no, rdziuuṉcasd no zho.

SANTIAGO 3:10

¿Pe ga nadieṉ, ro ne rooḻnie ne Dios, ni roque ne rgodee ne samiech ne?

1 PEDRO 3:9

Zha ne gacntseeb lo to, guṉde to ne yeque to gacntseeb lo zho; zha ne coredzgaa lo to, guṉde to ne yeque to coredz lo zho; sinque mazd goḻnab lo Dios guṉlay me zho, zeeṉa scagaa to, zuṉlay me to; sac goṉ, ible miṉ co bredz me to.