LUCAS 4:36 - Zapotec Mixtepec: Diidz ne rdeed guielmban

³⁶ Rlozhd gzee zdoo grë miech co, rnabdiidzlsa zho rnee zho: ―¿Zha nac xtiidz meṉ qui, zha nacne haxta meṉdox rdzieb ma me, rzhooṉ ma zeeṉe laa me ractox lo ma?

LUCAS 4:36 ပူးပေါင်းရင်းမြစ်များ

MATEO 9:33

Dzigo beṉcxooṉ Jesús meṉdox co, zeeṉe laa ma bzhooṉ laa meṉ co psilo bnee. Grë miech guizhiu ne ndxie ga, per nli rzee zdoo zho, rnee zho: ―¡Wlaltaa gard dziaṉ ne tib meṉ ne squitaa guṉ grë milagr qui!

MARCOS 1:27

Grëse miech ne ndxie ga, bzee zdoo zho rnabdiidzlsa zho rnee zho: ―¿Bay cho nac meṉ qui? ¡Wseed cub i goṉ ziaadnie me! ¡Rlu zha rnabey nac me, zha haxta meṉdox rdzieb zeeṉe ractox me lo ma!

MARCOS 7:37

sac rzeedox zdoo zho goṉ zho miṉe beeṉ me ga. ―¡Ncuaaṉe gzee zdoo ne i beeṉ meṉ qui! ―rnee zho―. Zha haxta nguaat, haxta ngop, ruṉguiac me.

LUCAS 2:18

Grë zha ne bina, per nli rzee zdoo zho; laa Marí nosew zdoo me, tibaque rsoladz mew.

LUCAS 4:32

Rzee zdoo zho ron zho grë zhiwseed me, grëse miṉe rnee me, rlu zha rnabey nac me.

1 PEDRO 3:22

Saṉgue niina gbaa ga no Jesús, ga zob me cue Dios nëz derech, grëse anjl non, grëse zha non ne no gbaa, rquiitsgzhib zho lo me ni ruṉ zho miṉe rnabey me zho.