LUCAS 4:16 - Zapotec Mixtepec: Diidz ne rdeed guielmban

¹⁶ Tib dzew, laa me bdziṉ Nazaret, zaatne broob me. Goḻ dze ne rdziiladz zha Israel lo dziin, güey me xyadoo zho zig ruṉaque me grëraa zaatne ziye me. Zeeṉe goḻ horne rlab zho Xtiidz Dios, dzigo bded me,

LUCAS 4:16 ပူးပေါင်းရင်းမြစ်များ

MATEO 2:23

Goḻ zho Galilé, bdziṉaque zho guiedz Nazaret, ga wbannie zho mëdyeeṉ co. Ga brieequia miṉe bzeet grë zha ne biadteed xtiidz Dios padzeela, zeeṉe rëb zho: meṉ Nazaret guiab miech nac Jesús.

LUCAS 2:39

Blozhse beeṉ José miṉe rnabey xley Dios grop me Marí, dzigo laa me wbi ga. Bdedraa ga, beynie me mëëd co Nazaret, zaatne nac ladz me.

LUCAS 2:51

Dzigo laa win zienaḻ zhits me, laa me zeynie win Nazaret; nose grë miṉ co zdoo xniaa win. Tib mëëd nguzobdiidz nac win, ron win xtiidz me.

LUCAS 4:15

Zaatne rdziṉtaa me, rie me xyadoo zho, rseed me zho Xtiidz Dios, rleynie zho me, rley zho ron zho grë miṉe rnee me.

LUCAS 4:17

bdeed zho miṉe pquiaa Isá glab me. Pxal me low, lëëtse zaatne znu rnee blab me:

LUCAS 4:21

dzigo bnee me lo zho, rëb me: ―Grë diidz ne blozh blab naa lo to nu, leṉ dze rii goṉ laaw noyac cumplir.

LUCAS 4:23

Dzigo rëb me lo zho: ―No tib diidz ne rnee: “Zha ne racnie stib miech, none guieṉ zho glo meṉladz zho gacnie zho.” Rieṉpaa naa goṉ, miṉ co racladz to gnë to lo naa; quiambëz to gaṉ to grë milagr ne ziyon to beṉ naa guiedz Capernaum.

JUAN 18:20

Dzigo pquiab Jesús, rëb me: ―Grëse miech, naṉwen zho gaṉle pe nac zhiwseed naa. Sac zeeṉe pseed naa zho, beṉd naa ne ngueets zhliaan nseed naa zho; sinque zaatne rcaalsa nzian miech, ga bne naa lo zho. No hor pseed naa zho leṉ grë yadoo win, nogaa hor pseed naa zho leṉ yadoo nroob ne zob lad guiedz nu.

HECHOS 17:2

dzigo güey Pabl güeynee me Xtiidz Dios lo grë zha ne rcaalsa ga, zigne ruṉaque me grëraa guiedz ne zieded me. Blëz zho ga tsoṉ zhmal, gzobse dze ne rdziiladz miech lo dziin güey Pabl güeyzodiidznie Pabl grë zha co,