LUCAS 2:34 - Zapotec Mixtepec: Diidz ne rdeed guielmban

³⁴ Dzigo bnab Simeón lo Dios gacnieṉ Dios me gza me mëdyeeṉ co. Blozh ga, rëbchaa Simeón lo xniaa win: ―Tib guieḻbley nroob ne gac mëëd rii lo zha Israel, por win ndal zho griee lo guieḻcow ne no zho, laa zho gbig lo Dios. Ni scagaa zrieequia zha ne glëënie win, per lëëque zha csacsi zho ga. Mban gac zdoo luu, nroob guieḻnë ne tso luu gaṉ luu zha sac miech win.

LUCAS 2:34 ပူးပေါင်းရင်းမြစ်များ

MATEO 11:19

Blozh ga ziaad Mgui ne pxeeḻ Dios, raṉ zho row me, rie me, laa zho rneeque, lega rowcho me, lega riecho me, ib rieṉd me cho rtsieelsa me, haxta grë zha ngoopdoḻ, haxta grë zha yozh ne rtop dimi ne razh lo zha Roma rzënie me. Sca rnee zho, saṉgue zha ne rgaa guieḻbiini ne rdeed Dios, rieṉ zho cho nac zha ne ziaadguṉ xtsiiṉ me.

MATEO 12:46

Laa me bii noneeque, zeeṉe laa xniaa me ni zha bets me bdziṉ, racladz zho gzodiidznie zho me. Per brieelod nzëëb zho haxta leṉ yu, sac scataa miech guizhiu ne ndxie lo me ga.

MATEO 21:44

Zha ne tsietsobe lo quie ne raquiet ga, zac zho zig tib ncuaaṉe rac tsoṉ tap lë; laa teḻ lëëgaaw tsobe lad zho, zac zho zig tib ncuaaṉe die die rac.

MATEO 27:63

rëb zho: ―Guṉ luu dispensar, laa no ziaadaque lo luu stib. Naraa rsoladz no, leṉ dze ne bii mban meṉ ntseeb ne sca biaadquidie miech ga, rëb me, zeeṉe gac tsoṉ ngbidz guet me laa me grieeban.

LUCAS 2:35

Ga glu gaṉle zha nac zdoo tib tib miech.

JUAN 3:20

Grëse zha ne ruṉ guieḻntseeb, rlëë zho raṉ zho biini. Ib rbigd zho lo biini, sac racladzd zho xoobneṉ grë guieḻntseeb ne quiayuṉ zho.

JUAN 5:18

Zeeṉe goṉ zho sca rëb me, mazdraa blëë zho lo me rzac zho tebaa zha gutgazh zho me. Rlëë zho, sac zienaḻd me dieṉ pa dze nda; mazdraa zeeṉe rëb me Dios nac Pxoz me, sac ga rlu me ne lalga nac me con Dios.

HECHOS 13:45

Zha ne rnabey lo grë zha Israel ne no ga, zeeṉe goṉ zho scataa ndal miech ne goclo ga, blëë zho lo Pabl, ndox zho lo me, rëb zho led diidzlid nac miṉe rseed me.

HECHOS 17:6

Zeeṉe goṉ zho bgaad grop zha co lo zho, bnaazaque zho Jasón ni zla zha ne rliladz Jesús, bdobniu zho zho bdziṉnie zho zho lo wxtis, roptsie zho rnee zho: ―¡Goḻgaṉ gaṉle laa zha ne sca quianzë nocots guic grë miech, laa zho blansole nu!

HECHOS 24:5

’Masaque nac me lo no zig nac ti guieḻguidz dox ne rded, grëse guiedz quianzë me noyuṉgüet me meṉladz no gacndaan zho lo meṉ ne rnabey no. Lëë me ga zo lo grë zha ne rnee zho nazaren.

HECHOS 28:22

Per na laga laa luu ziaad nu, siguieḻ luu sodiidz luu lo no dieṉ zhapaa nac wseed ne rliladz luu i, sac blactaa zidzion no, zaatne notaa zha ne rliladza rlëënie miech zho.

HECHOS 4:26

Grëse zha non ne rnabey grë guiedz, tipse rac zho laa zho racntseeb lo Dios rlëënie zho me, ni rlëënie zho meṉ ne bzooblo me pxeeḻ me lo guidzliu.

HECHOS 6:7

Zigse zie dze, laa Xtiidz Dios quiagaazraa dib Jerusalén. Nzian grë zha ne rzëëb xnëz Jesús, haxta grë meṉ ne nac pxoz, nzian zho laa zho bliladz me dib zdoo zho.

ROMANOS 9:32

Laad zho, sac zienied guic zho gnalo zho Dios, rzac zho por grë ncuaaṉe guṉse zho laa zho laa lo doḻ. Miṉcocxe waa, zeeṉe laa Jesús biaad, bzhaac zho me zig tib quie ne rrieḻ ni ne riab ne liu.

1 CORINTIOS 1:23

Gacxe waa zeeṉe rnee no lo zho Jesús meṉ ne pquia lo cruz, meṉ cose csilaa miech, rlëë zha Israel ron zhow; laa zha Gres, rzhidznie.

HEBREOS 7:1

Naṉle to gaṉle Melquisedec goc rey guiedz Salem, ni meque goc pxoz lo Dios ro ne zob gbaa. Goḻsoladz gaṉle, zeeṉe znu wbirele Abraham güeyguṉcxooṉ me zha ne no grë guiedz ne rlëë lo me, Melquisedec goc pxoz ne güeydzieelo me, beeṉlay Melquisedec me.

HEBREOS 7:7

Ni ndioṉ ne gaṉle meṉ nroob nac zha ne ruṉlay.

1 PEDRO 4:14

Zeeṉe rgodee miech to, rquiaago zho to loxaque ne no to xnëz Jesús, nley goḻgac; wen zie to ga, sac goṉ zhiEspíritu Dios nacnie to.