LUCAS 19:5 - Zapotec Mixtepec: Diidz ne rdeed guielmban

⁵ Zeeṉe laa Jesús bded ga, blis lo Jesús goṉ Jesús laa me zob ga, dzigo bredz Jesús me, rëb Jesús lo me: ―Zaquew, na zeeṉa biet i. Sac racladz naa, lidz luu cuëz naa nadze.

LUCAS 19:5 ပူးပေါင်းရင်းမြစ်များ

LUCAS 19:10

ni naa ne nac naa Mgui ne pxeeḻ Dios, ible laa naa ziaḻ ziaḻsilaa naa grë zha ne zonziaab.

LUCAS 19:4

Miṉe beeṉ me, rias me bdedner me güeytsep me tib lo yag guigw zob ro nëz co, par gdeeda diidza gaṉ me Jesús, zeeṉe laa Jesús ted ga.

LUCAS 19:6

Rley Zaquew goṉ Zaquew sca rëb Jesús, lëëlëd biet me lo yag co, laa me zienie Jesús nëz lidz me.

JUAN 1:48

―¿Zha nacne ruṉbey luu naa? ―rëb Natanael. Pquiab me rëb me: ―Glole naa beeṉbey luu, dzigoraa bredz Lip luu. Zeeṉe zob luu tib zhan yag guigw, hor co goṉ naa luu.

JUAN 14:23

Pquiab me rëb me: ―Zha ne ruṉ miṉe rnabey naa, lo zha co glu naa cho nac naa; sac rlu zho ne nli rleynie zho naa. Ni haxta ziaad no grop no Pxoz naa gbannie no zho; sac zigne rleynie zho naa, scaque zleynie me zho.

2 CORINTIOS 6:1

Gotsaa gwi ne gaṉle pa lotaa noxco Dios ne. Gacxe waa, no ne nac no zhinguṉdziin me laa no rso diidz lo to: goḻguieṉ goḻgon miṉe nonee me lo to niina.

EFESIOS 3:17

Ni rnab naa lo me tibaque dib zdoo to gliladz to Jesús, zeeṉa scagaa tibaque gbannie to me, parne guieṉ to gaṉle pa lotaa nquialadz me to.

HEBREOS 13:2

Goḻdeed zaatne cuëz grë meṉzit ne zo nëz. Blac zha ne sca bdeed lidz blëz zha ne zo nëz, no hor bieṉd zho haxta xanjl Dios blëz lidz zho.

APOCALIPSIS 3:20

Laa naa quiambëz to goṉ gbiire gbig to lo naa. Rrieequia ro lidz to zo naa, quiabedz naa to. Zha ne yquiabladz cxal ro lidz sëëb naa, zdeed naa, ni haxta sobnie naa zho diowxtsee no grop no.