LUCAS 19:27 - Zapotec Mixtepec: Diidz ne rdeed guielmban

²⁷ Saṉgue zha ne sca ptsidiḻ niac naa rey, goḻtsiexi zho, niinaga racladz naa gaṉlo naa gut to zho.”

LUCAS 19:27 ပူးပေါင်းရင်းမြစ်များ

MATEO 22:7

Zeeṉe goṉ me sca beeṉ zho, blëë me, bnabey me grë xmeṉguiib me güey zho güeygut zho grë zha ntseeb ne psacsi xmandad me ga, ni bnabey me bzëëg zho guiedz co.

LUCAS 19:14

’Nzianlaa zha ladz me, rlëë zho raṉ zho me, dzigo pxeeḻ zho bla zha ne güey lo meṉ ne rnabey ne zie me ga, güeynab zho gdeete meṉ co dziin co lo me.

LUCAS 20:16

Ib tedsod lëë, zeeṉe gbire me, znitlogazh me zho. Lozhse ga, cuediiṉga me liuṉ me lo zla zha ne guṉdziina. Zeeṉe bin zho sca rëb me, rneechaa zho: ―¡Ib lic Dios qui, dziuuṉscad no!

LUCAS 21:22

Tib guieḻnëdox ne csiaab Dios gaṉ grë miech rii leṉ dze co, ga gac grë miṉe raquiet lo Xtiidz me ted zho.

LUCAS 21:24

Zutxuu miech zho, zha ne tedlaagaa lo guieḻgut zeyzhoo miech zho, zhaase zhaase dan ne gueynie zho zho. Horco laa grë zha zit co, sëëb guṉcheṉ Jerusalén; haxta gdziṉ dze ne gnabey Dios griee zho.

HEBREOS 10:13

quiambëz me gdziṉ dze zeeṉe grëse zha ne rlëë raṉ me, laa zho guiaaṉwin lo me.