LUCAS 18:20 - Zapotec Mixtepec: Diidz ne rdeed guielmban

²⁰ Teḻne nli racladz luu ygaa luu guieḻmban co, none tsoxco luu gban luu zigne nac Xley Dios. Naṉle luu gaṉle zha naca, rneew: Tsonied luu zha ne led tsieeld luu, gute luu samiech luu, cuand luu samiech luu, yquiadiidzguizhd luu samiech luu. Goṉ pxoz luu, goṉ xniaa luu, cueed luu xquieḻto me.

LUCAS 18:20 ပူးပေါင်းရင်းမြစ်များ

LUCAS 18:19

Pquiab Jesús rëb me: ―Rnee luu lëë tib miech wen nac naa. ¡Nligaaw, Diosse goṉ nac meṉ wen!

LUCAS 18:21

Dzigo rëbchaa meṉ co: ―Maestro, grëse miṉe bzeet luu i, ni tiba gard quits naa wlal ne nac naa zha nguieg.

ROMANOS 13:9

Sac teḻne rleynie to samiech to zigne rleynie to to, nod pe nacne csacsi to zho; guiab to: laa to yquidie zho, laa to gut zho, laa to cuan zho, laa to tsonie tsieel zho, gzoobladzgaa to grë ncuaaṉe quianie zho. Gacxe waa, zha ne rleynie samiech zigne rleynie zho zho, grële miṉe zhobnee lo Xley Dios ga quiayuṉ zho.

ROMANOS 3:20

Goḻgaṉ sca gaṉle, grieelod guiaaṉmbe ne lo Dios, niicle paraa yquia ne guṉ ne miṉe rnee ley; sinque par guieṉ ne gaṉle ne ngoopdoḻ nac ne, gane biaaṉ ley.

EFESIOS 6:2

Goḻgaṉ gaṉle, lo grë xley Dios no tib miṉe znu rnee: “Bin xtiidz pxoz luu, xtiidz xniaa luu, zeeṉa iṉe niowse gac lo xquieḻmban luu, ni nroob dze ne gban luu lo guidzliu rii.” Ni lëëw glopaa rnee gaṉle pe nac miṉe ygaa zha ne guṉ miṉe rnabeya,

COLOSENSES 3:20

To ne nac to mëëd, goḻgon miṉe rnee pxoz to, miṉe rnee xniaa to, sac sca rdziladz Dios.