LUCAS 17:2 - Zapotec Mixtepec: Diidz ne rdeed guielmban

² Mazd zhi guieḻnëw lo zho ygadoo tib quie molin zhobxtil yaṉ zho tsieroṉ zho zho nisdoo, lëdle guieḻnëdox ne gaṉ zho; sac goṉ doḻ nroob ga guṉ zho yquiil zho zha ndooladz ne no xnëz naa.

LUCAS 17:2 ပူးပေါင်းရင်းမြစ်များ

MATEO 17:27

per par guiabd zho rdziond ne diidz, güey güeyroṉ xanzuel luu lo nis. Meḻ ne glopaa ygaa low, bzheṉ ma pxal ro ma, ga gdziel luu dimi; dimi co güeynie bdiizh miṉe no dizh ne grop ne.

MATEO 18:10

’Ib guṉde to csaṉwin to grëraa zha ne no xnëz naa, zha ne nac zha mban, sac goṉ non zho lo Dios, anjl ne quianap zho, tibaque zo me lo Pxoz naa meṉ ne zob gbaa.

MATEO 18:14

Scadaa nagoṉ rzac Pxoz naa miech, grë zha ne nole xnëz me, ib racladzd me gziaab zho.

MATEO 26:24

Naa ne nac naa Mgui ne pxeeḻ Dios, niina laa miech gut naa zigne raquietsew lo Xtiidz Dios; per, ¡probsaxe zha ne tsielo naa ladznia zho! ¡Mazd wen nie zho, ib niacd zho miech lo guidzliu!

MARCOS 9:42

Saṉgue zha ne yguib guṉctal zho xtoḻ zho ne nac zho zig tib mëëdlas yeeṉ; mazd lëëtaa miṉe ted zha co sobdoo tib quie molin zhobxtil yquiaw yaṉ zho tsieroṉ zho zho nisdoo.

JUAN 21:15

Blozhse bdioowxeren no, bredz Jesús Pedr, psilo zho bzë zho grop zho; dzigo rëb me lo Pedr: ―Simón (xingan Jonás), ¿pe nli dzigo rleynieraa luu naa que grë zha qui? ―Nquialadz naa luu ―rëb Pedr―, ni naṉlegaa luuw gaṉle. ―Pteedlo grë xpëcwxiil win naa sca ―rëb me.

1 CORINTIOS 9:15

Per teḻ naa goṉ, wlaltaa peet gard gnab naa lo miech. Laa naa rzet miṉ rii lo to, per guiabde to togo ruṉ naaw parne csilo to pe gneedz to lo naa. Ib zanaḻd naa miṉ co, sac rley naa znu quiayazhd naa quiayuṉ naa xtsiiṉ Jesús, mazd maase guetgbin naa, lëdle ctiche zho guieḻbley rii lo naa.

1 CORINTIOS 9:22

Grë zha ne pense quiayacnaṉ zha nac Xtiidz Dios, zeeṉe no naa lo zho, ruṉd naa gne naa grë ncuaaṉe gard guieṉ zho zha nac, ruṉd naa csaṉwin naa zho, sac miṉe rioxco naa lozh gliladz zho cho nac Dios. Tib tib miech, rguib naa rac naa zigne rac zho, parne grieelo gzodiidz naa lo zho cho nac Jesús, zeeṉa gacnaṉ zho zha sëëb zho xnëz Dios.