LUCAS 14:26 - Zapotec Mixtepec: Diidz ne rdeed guielmban

²⁶ ―Lo grë to ne ziaadnaḻ to zhits naa, gacnaṉ to gaṉle zha ne racladz ygab xnëz naa, ib none gleynie zho miṉe rnabey naa. Sac zha ne mazdraa rleynie pxoz, mazdraa rleynie xniaa, mazdragaa rleynie zho tsieel zho, xpëëd zho, bets zho, bziangaa zho, xquieḻmban zhow, rquia zdoo zhow, peet xtsiiṉd grë zha co par sëëb zho xnëz naa.

LUCAS 14:26 ပူးပေါင်းရင်းမြစ်များ

MATEO 10:37

’Zha ne mazdraa rquia zdoo glëënie pxoz zho zho, glëënie xniaa zho zho, glëëniegaa xpëëd zho zho, porne guṉ zho miṉe rnabey naa, peet xtsiiṉd zha co par ygab zho xnëz naa.

LUCAS 14:20

Laa stib zho rëb: “Grieelod së naa, sac niina wriiṉ ptsieelnia naa, bzhiguieḻ gudz lo me gacd guiaḻ naa.”

LUCAS 14:25

Laa Jesús no nëz zie me nëz Jerusalén, miech guizhiu ne naḻ zhits me. Tibaque ptsire lo me bui me lo grë miech co, rëb me lo zho:

JUAN 12:25

Sac zha ne rquia zdoo xquieḻmban, znitlonie zhow; saṉgue zha ne cueeladz xquieḻmban, zha cosi zgaa zho tib guieḻmban ndzon ne ib gdziṉd dze lozh.

HECHOS 20:24

Lo guieḻxtseeb co no naa per rquiad zdoo naa xquieḻmban naa; miṉe nziuuraa lo naa laga gdeeda diidz ib laa naa no gne lo miech pa lotaa rleynie Dios zho, zeeṉa iṉe gley naa csiaaḻ naa dziin ne bzo Jesús naa nu quiayuṉ naa.

ROMANOS 9:13

Laaw zhobneeque lo Xtiidz Dios, zaatne znu rëb me: “Ible Jacob bzooblo naa beeṉlay naa, bzoblod naa Esaú.” Gard gal grop mëëd co, per ni gard gacnaṉ win zha nac guieḻntseeb, zha nacgaa guieḻwen, laa me bzooblole tib win. Ga nagoṉ, blu Dios ne mese nac meṉ ne rieguiaḻ rzooblo teḻ cho zha ne ygab lo me, nacda por pe ncuaaṉe noyuṉ zho. Nana, ¿pe zdzieets ne guieḻntseeb ga sca ruṉ Dios? ¡Led guieḻntseebda! Tib vuelt rëb me lo Moisés: “Zha ne gacladz naa yquia zdoo naa, squia zdoo naa zho.”

FILIPENSES 3:8

Ni led loxaque psaṉdse naaw tiblad, sinque grësew peet nondraaw lo naa, miṉe non lo naa niina nacne beeṉbey naa cho nac Jesús, meṉ ndzon ne rnabey naa. Niina ne laa naa ruṉbey me, grëse ncuaaṉ co rzaac naaw zig rzac ne grë pe guizh beed, sac laa naa racladz gbigraa naa lo me, ni gacnieraa naa me.

APOCALIPSIS 12:11

Peet brieelod ma niuṉ ma zho, sac niapse meṉ ne nac Carner yeeṉ ne gut lo cruz ga bnalo zho; ni lalnu ib bdziebd zho, bnee zho lo miech cho nac me, bleeladz zho xquieḻmban zho, no zho haxta beet miech zho.