LUCAS 14:13 - Zapotec Mixtepec: Diidz ne rdeed guielmban

¹³ Mazd bredz grëse miech, zig nac zha ne guieṉd pe yquiin, zig nac zha ne guieṉd tib nia, zha ne guieṉd tib ni, zha ne roḻdgaa lo;

LUCAS 14:13 ပူးပေါင်းရင်းမြစ်များ

MATEO 15:30

Ga zob me rdziṉ grë miech co rdziṉnie zho grë zhimguidz zho lo me, no zho zienie grë zha ne në ni, no zho zienie grë zha ne roḻd lo, grë zha ne guieṉd tib nia, grë zha ne guieṉd tib ni, grë zha ngop, ni grëragaa zha ne rlan pe stib guieḻguidz; grëse zho beeṉguiac me.

MATEO 22:10

’Dzigo briee zho güey zho, miech ne bdzieeltaa zho, zigtaa zha ndzinliw, zigtaa zha ntseeba, grëse zho bredz zho bdziṉnie zho zho lo lni. Goḻ hor wagw, biodzëse leṉ yu ndxie miech.

LUCAS 11:41

Laa ne squi no to noban to, mazd goḻdeed ncuaaṉe naccheṉpaa to lo grë zha ne guieṉd pe yquiin, zeeṉa gac to miech ne nlipaa wen.

LUCAS 14:12

Blozh ga, rëbchaa me lo meṉ ne nac lidz ga: ―Scaque luu goṉ, zeeṉe cuedz luu miech guiaad zho tib wagw lidz luu, tsod luu loxaque zha ne ndzieeldiidz luu, loxaque zha bets luu, zha lidzse luu, lo grëgaa zha ne no gax lidz luu zha ne rapcheṉse, zha cose cuedz luu; sac goṉ ib tedsod zbedzaque zho luu lo zhilni zho, stsire zho miṉe beeṉ luu ga.

LUCAS 14:14

zeeṉa gaḻ dze ne grieeban grë zha ne bioxco wban zigne racladz Dios, iṉe gley luu ygaa luu guieḻnzaac ne tsieguiaḻ luu gneedz me lo luu.

LUCAS 14:21

’Bdziṉ nguṉdziin co bzodiidz zho lo me zha rzë xtiidz grë zha co. Zeeṉe bin mew, wbiṉladz guic me, bnabey me zho güey zho dib lad guiedz güeyxi zho grë zha ne guieṉd pe yquiin, grë zha ne guieṉd nia, zha ne guieṉd ni, zha ne roḻd lo, grëse zho bdziṉnie zho ga.

HECHOS 9:39

Zigne bdziṉnie zha co diidz, zienaḻgazh Pedr zhits zho. Bdziṉ zho lidz meṉ co, zolinëz güeynie zho Pedr zaatne zhoob me. Nzian grë wnaa viud ndxie ga, wbigbe zho lo Pedr, roon zho rlu zho grë lar ne bdib me.

1 TIMOTEO 3:2

Per ga nagoṉ rquiin: tib zha ne zaacse mban, zha ne mbannie loxaque wnaa ne nacse tsieel zho, zha ne tibliladz, zha ne nixbiini, rieṉ pe ruṉ, zha ne mbe lo, choot lega gzhidznied zho, zha ne iṉe nley rac, rbëzlo zho miech lidz zho; zha ne rieṉ zha rseed miech, zha ne rquiad lo nziu, zha ne rleynied diḻ, zha ne wen zdoo, zha ne zaacse mbannie samiech, zha ne rzonaḻd dimi, zha ne zaacse mban lidz, zha ne rrieelo rnabey lidz, rnabey xpëëd, zha ne nguzobdiidz nac xpëëd, rbeed mëëd xquieḻto zho.

TITO 1:8

Sinque none gac zho tib zha ne: ndzinli nac guic, iṉe niowse rdeed zho zaatne rbëz miech ne rdziṉtaa lidz zho, rioxco zho ruṉ zho niapse ncuaaṉe rquiin lo samiech zho, zienaḻ zho gac niapse miṉe nac diidzli, rioxco zho ruṉ zho niapse miṉe rnabey Dios, rrieelo zho rnabey zho guic zho, rnabey zho xcuerp zho.

FILEMON 1:7

Rley naa goṉ bets, sac zigtaa naa zigtagaa grëraa zha ne ngab lo Diosa, blactaa ziechoobladz luu, zigonley luu zdoo no, rlu luu gaṉle nli rleynie luu no.

HEBREOS 13:2

Goḻdeed zaatne cuëz grë meṉzit ne zo nëz. Blac zha ne sca bdeed lidz blëz zha ne zo nëz, no hor bieṉd zho haxta xanjl Dios blëz lidz zho.