LUCAS 14:11 - Zapotec Mixtepec: Diidz ne rdeed guielmban

¹¹ Goḻsoladz gaṉle: grë zha ne lëëque zha ruṉnon zho, leḻ riaaṉwin zho; laa zha ne riaaṉwin, ruṉnon miech zho.

LUCAS 14:11 ပူးပေါင်းရင်းမြစ်များ

LUCAS 1:51

¡Goḻwi gaṉle zha nactaa grë ncuaaṉe ruṉ me! Grë ncuaaṉe no guic zha niats guṉ zho, bnitlo mew,

LUCAS 1:52

ptiche me grë zha ne zob rnabey. Laa grë zha ndooladz, zha ne rzac miech peet nond, beeṉnon me zho.

LUCAS 14:12

Blozh ga, rëbchaa me lo meṉ ne nac lidz ga: ―Scaque luu goṉ, zeeṉe cuedz luu miech guiaad zho tib wagw lidz luu, tsod luu loxaque zha ne ndzieeldiidz luu, loxaque zha bets luu, zha lidzse luu, lo grëgaa zha ne no gax lidz luu zha ne rapcheṉse, zha cose cuedz luu; sac goṉ ib tedsod zbedzaque zho luu lo zhilni zho, stsire zho miṉe beeṉ luu ga.

LUCAS 18:14

’Gneli naa lo to gaṉle ―rëb Jesús―, mazdraa goṉ wen biaaṉ recaudador co lo Dios, lëdle zha farisé co. Sac zha ne lëëque zha ruṉnon zho, racnond zho lo Dios, laa zha ne riaaṉwin, ruṉnon me zho.

SANTIAGO 1:9

No zha bets ne, zha bzian ne, quianied zho ncuaaṉe yquiin zho, par miech peet nond zho; per none goṉ iṉe gley zho sac nroob non zho lo Dios.

SANTIAGO 4:10

¡Ndooladz goḻgac lo Dios, zeeṉa cuee me to lo grë ncuaaṉe nac to, csaṉglaa me to!

SANTIAGO 4:6

Ni teḻ Dios goṉ, noxco me ne, ib zacnie me ne griee ne lo guieḻntseeb; sca rnee lo Xtiidz me, zaatne rnee: “Zacnieṉ Dios grë zha ndooladz, saṉgue grë zha niats, rdziguiend me zho.”

1 PEDRO 5:5

To ne nac to zha nguieg, goḻgon xtiidz grë zha ne zo rnabey lo to. Tib tib to, goḻgon xtiidz zha ne nacgrë to, sac goṉ: “Grë zha niats, rdziguiend Dios zho, saṉgue grë zha ndooladz, racnieṉ me zho.”

1 PEDRO 5:6

Teḻne guiaaṉwin to lo meṉ ro ne nac Dios, iṉe ndooladz gac to lo me, scagaa me zuṉnon me to zeeṉe laa dze co gdziṉ.