LUCAS 11:29 - Zapotec Mixtepec: Diidz ne rdeed guielmban

²⁹ Miech guizhiu ne quiadziṉraa lo me ga, dzigo bnee me rëb me: ―Nadzpaa ntseeb zdoo to nac to miech ne mban leṉ dze rii. Tibaque quia to racladz to gaṉ to pe stib milagr, parne gliladz to Dios pxeeḻ naa, ¿zha rnaraa milagr ne racladz to gaṉ to? Gacnaṉ to gaṉle, stibaque milagr goṉ gaṉ to, tib miṉe csoladz to zha goc Jonás.

LUCAS 11:29 ပူးပေါင်းရင်းမြစ်များ

MATEO 3:7

Laa zeeṉe raṉ me grë zha farisé, zha saducé ne rdziṉ lo me ga racladz zho ye zho chobnis, dzigo rnee me lo zho: ―¡Miech ngoopdoḻ, masaque nac to zig nac meeḻ! Naṉ to na lëë, loxaque chobnis to laa to laale lo grë guieḻnëdox ne ziaadyob.

MARCOS 8:38

Naa ne nac naa Meṉ ne pxeeḻ Dios ziaḻ naa lo guidzliu, zha ne ctoladz guiab zho lo grë miech ngoopdoḻ rii laa zho no xnëz naa, o ctoladzniegaa zho xtidz naa, scaque naa stoladznie naa zho gaḻ dze ne laa naa guiaḻ stib. Dze ne guiaḻnie naa grë anjl, ni glu naa grë guieḻndzon ne rap Dios.

LUCAS 11:16

Brieequia spalal zho, rnab zho lo me guṉ me pe stib milagr, parne gliladz zho nli Dios pxeeḻ me.

LUCAS 11:50

Gacnaṉ to sca gaṉle, grë to miech ne mban leṉ dze rii, grë to guṉquizh Dios xchen grë zha ne pxeeḻ me biadteed xtiidz me wlal ne ndxie guidzliu,

LUCAS 12:1

Miech guizhiu ne pcaalsa lo Jesús, haxta rcheeplsa zho. Dzigo bnee me lo xpëëdscuel me, rëb me: ―Goḻguieṉ goṉ, guṉde to miṉe ruṉ zha farisé, teḻ zha rquiaalose zho miech wen nac zho.

LUCAS 9:41

Dzigo rëbchaa Jesús: ―¡Pe nac squitaa miech ntseeb nac to, ib nëde to gnalo to Dios! ¿Pa lal dze ne so naa gne naa lo to? ¡Ncuaaṉe cxecwdraa naa lo to squitaa nac to! Dënie xpëëd luu nu ―rëb me lo meṉ co.

JUAN 2:18

Blalaa zha non lo meṉguiedz Israel, zeeṉe goṉ zho sca beṉcxooṉ me grë miech co, wbig zho lo me rëb zho: ―¿Cho nac luu ne squitaa noyuṉ luu grë ncuaaṉ qui? ¡Beeṉ tib milagr, dzigo zliladz no meṉ rnabey nac luu!

JUAN 6:30

―Teḻne scaw ―rëb zho―, none dziaṉlo no guṉ luu nzian milagr, zeeṉa gliladz no luu. ¡Nligaa peet milagr nroob gard dziaṉ no guṉ luu!

JUAN 8:44

Goḻgacnaṉ sca gaṉle, lëë pxoz to ga goṉ nac meṉdox, lo ma ngab to, gacxe waa rdziladz to ruṉ to grë ncuaaṉe ruṉ ma. Teḻ meṉdox, haxta zeeṉe biaaṉ guidzliu tibaque nonitlo ma miech, ni ib rneed ma miṉe nac diidzli, sac ib naṉd ma zha nac diidzli. Ible lëë xtsiiṉ ma ga nac guieḻwquidie, gacxe waa ma nac pxoz zha ne rquidie.

1 CORINTIOS 1:22

Zig nac grë zha Israel, grë zha Gres ncuaaṉe paat rquiinda rzac zho. Grë zha Israel, racladz zho gaṉlo zho grë milagr nroob par glu ne diidzliw; laa zha Gres na zienaḻgaa gaca zigne nac zhiwseed zho, sac laa zho zienaḻ guieḻrac ne no lo guidzliu rii.