LUCAS 1:79 - Zapotec Mixtepec: Diidz ne rdeed guielmban

⁷⁹ Biini co gziini lo grë zha ne mban lo guieḻcow, zeeṉa biini co glu nëz lo ne, guio ne nëz ne peet zhgab, peet dzeb guieṉd.

LUCAS 1:79 ပူးပေါင်းရင်းမြစ်များ

MATEO 4:16

miech ne no lo ncow nac zho, per niina tib biini nroob biab lo zho. Ladzniale guieḻgut no zho, per laa biini co biab lo zho par griee zho ga.

LUCAS 2:32

¡Grëse miech ne ndxie lo guidzliu, me nac biini ne gziini lo zho! ¡Me csaṉnziuu zha Israel, ne nac zho zha ne ngab lo luu!

JUAN 1:9

Bdziṉ dzew laa Jesús biaad, ni niina me nac meṉ ne noziini lo grëse miech, sac mepaa nac biini co.

JUAN 12:46

Naa nac zig tib biini ne rziini lo miech, ni grëse zha ne dib zdoo gliladz cho nac naa, zriee zho lo guieḻcow ne no zho.

JUAN 8:12

Bded ga, tib dze nonee Jesús lo grë zha ne noquiaadiag zhiwseed me, rëb me lo zho: ―Nac naa zig nac tib biini ne rziini lo miech. Grëse zha ne gbig lo naa, led yed zho sorieḻ ni lo ncow, sac naa gziini lo zho zeeṉa ygaa zho tib guieḻmban ndzon.

JUAN 9:5

Laga bii no naa lo guidzliu rii, naa nac zig tib biini ne rziini lo grë miech rii.

HECHOS 10:36

Rgobey naa ziyonle to Diidz Ndzon ne pxeeḻ Dios lo meṉladz naa niina wriiṉ. Lo Diidz Ndzon co rnee, ne zac guiaaṉwen miech lo Dios, totsaque gliladz zho cho nac Jesús, meṉ ne zëëble diidz ga cxeeḻ me (ni Jesús goṉ bzaa grëtaa ncuaaṉe no). Zig nac dib Judé, desde ne psilo Juan pseed me miech Galilé, laa zho gocnaṉa.

HECHOS 26:18

tsienee luu lo miech gacnaṉ zho miṉe nacpaa diidzli, zeeṉa griee zho lo ncow gbig zho nëz lo biini, griee zho ladznia meṉdox ygab zho lo Dios. Dib zdoo zho gliladz zho naa zeeṉa guṉ Dios zho perdon, ni ygaa zho zaatne gdziṉ grëse zha ne mbe zdoo.”

ROMANOS 3:17

Ib naṉd zho ne zaacse gbannie zho samiech zho;

EFESIOS 5:8

Nli, ¿lëë?, ndzinlid wban to glo, rrieequia lo ncow ga bio to, gocnie to meṉdox; saṉgue niina ne laa to nacnie Jesús meṉ ne nac biini, rrieequia lo biinile no to. Goḻguieṉa sca, zaacse goḻban,