JUAN 9:34 - Zapotec Mixtepec: Diidz ne rdeed guielmban

³⁴ ―¡Psioog ro luu! ―rëb zho lo me―. ¡Ib racladzd no guiaad tib ngoopdoḻ nu guiadseed no! Horco wbig zho, blee zho me ga.

JUAN 9:34 ပူးပေါင်းရင်းမြစ်များ

LUCAS 11:45

Horco pquiab tib maistr ley, rëb zho lo me: ―Maestro, ¿ye no dzigo lëë rzoob luu squi nac?

LUCAS 14:11

Goḻsoladz gaṉle: grë zha ne lëëque zha ruṉnon zho, leḻ riaaṉwin zho; laa zha ne riaaṉwin, ruṉnon miech zho.

LUCAS 18:17

Nligaa zha ne gacndooladzd, zha ne gliladzd dib zdoo, zigne ruṉ grë mëëdlas, grieelod gdziṉ zho zaatne rnabey Dios.

LUCAS 6:22

’Zig nac to, zeeṉe csilo miech glëënie zho to, guṉcxooṉ zho to, yquiaago zho to, gneenë zho to, sac zho haxta ni lë to gondraa zho, loxaque ne nac to zha ne no xnëz Mgui ne pxeeḻ Dios nu, ¡wen zie to ga!

JUAN 6:37

Grëse zha ne rxeeḻ Pxoz naa, rlanso lo naa; ni tib zho ctsireed naa.

JUAN 8:41

Ni lalnu zienaḻde to miṉe beeṉ Abraham, sinque laa to noyuṉ miṉe ruṉ zha ne nlipaa nac pxoz to. Pquiab zho rëb zho: ―¡Led-xe mëëd ro nëzd no waa! Tibaque meṉ ne nac pxoz no, ni lëë meṉ co nac Dios.

JUAN 9:2

Dzigo bnabdiidz xpëëdscuel Jesús rëb zho: ―Maestro, ¿bay zha nacne squi golnie meṉ qui guieḻnë qui? ¿Pe no pe xtoḻ mew, te xtoḻ xmeṉgol mew ye?

JUAN 9:22

Sca rëb grop meṉgol co, sac rdzieb zho griee zho xyadoo zho. Biaaṉle grë zha rnabey co diidz: zha ne guiab Jesús nac Meṉ ne zëëble diidz ga cxeeḻ Dios lo guidzliu; csaandraa zho sëëb zho yadoo.

JUAN 9:35

Bin Jesús sca blee zho me ga, dzigo zeeṉe bdzieel Jesús me, rëbchaa Jesús lo me: ―¿Pe rliladz luu meṉ ne nac Xpëëd Dios?

JUAN 9:40

Blalaa zha farisé zo ga, zeeṉe bin zho sca rëb me, rëbchaa zho lo me: ―¿Rzë diidz qui na lëë ye lo no roḻd?

1 CORINTIOS 5:13

Saṉgue zha ne nacgrë ne, zeeṉe noyuṉ zho tib ncuaaṉe ndzinlid, ib rieguiaḻ glisqui new lo zho. Gacxe nana sca, zha ne squi quiayuṉctal xtoḻ i, goḻcueegazh zho lad to, ni spalal gaṉdzedraa to zho.

GALATAS 2:15

Goḻquiaadiaga gaṉle, teḻ no desde gol no zha Israel nac no, nacd no zigne nac grëraa miech ngoopdoḻ ne nac stib nacion; ible pseed no grë miṉe nac xley zha Israel.

EFESIOS 2:3

Grëse ne sca wban ne glo, bionaḻ ne ncuaaṉe ndzinlid ne bzoobladztaa ne, bdziuuṉ ne ncuaaṉe bdeedtaa guxt xcuerp ngoopdoḻ ne, ncuaaṉe biaabtaa guic ne. Ni ne scataa nac ne, ib bioguiaḻ ngaa ne lo guieḻnëdox ne cxeeḻ Dios, lo guieḻnë ne noxtseeb grëraa miech niina.

1 PEDRO 5:5

To ne nac to zha nguieg, goḻgon xtiidz grë zha ne zo rnabey lo to. Tib tib to, goḻgon xtiidz zha ne nacgrë to, sac goṉ: “Grë zha niats, rdziguiend Dios zho, saṉgue grë zha ndooladz, racnieṉ me zho.”

3 JUAN 1:10

Gacxe na, teḻne laa naa guiaḻ i, dzigo laa naa glisqui lo me dieṉ pe nacne quianeenë me no. Ni tebaa miṉcose, na haxta ruṉ me ib rbëzlod me grë zha bets, zha bzian ne rlanso i; niicle rdeetegaa me diidz cho gdeed zaatne cuëz zho. Zha ne ruṉd miṉe racladz me, rbee me zho lad grë zha ne nacgrë zho.

3 JUAN 1:9

Pxeḻle naa tib guits lo grëse zha ne no xnëz Dios i, per zig nac Diótrefes goṉ, meṉ ne racladz so gnabey lo to i, rond me miṉe rnee no.

APOCALIPSIS 13:17

Zha ne tsod bey co, grieelod guṉ zho wzi niicle grieelodgaa cto zho; sac bey co rlu cho nac zha ne ngab lo ma, lëë lë ma ga, lëë número co rlu zha lë ma.