JUAN 9:17 - Zapotec Mixtepec: Diidz ne rdeed guielmban

¹⁷ Dzigo wbiire zho bnabdiidz zho lo me, rëb zho: ―Luu waa, ¿cho rzac luu nac meṉ ne beeṉguiac lo luu ga? Pquiab me rëb me: ―Ible Dios pxeeḻ me. Tib meṉ ne ziadteed xtiidz Dios lo miech nac me.

JUAN 9:17 ပူးပေါင်းရင်းမြစ်များ

MATEO 21:11

Rquiab grë zha ne naḻ zhits me ga, rnee zho: ―¡Lëë Jesús i! ¡Lëë meṉ Galilé qui, noteed xtiidz Dios lo miech!

LUCAS 24:19

―Nligaa ―rëb me―, ¿pe dieṉ goc ga? Rëbchaa zho: ―Leṉ dze rii psacsi zho meṉ Nazaret ne lë Jesús. Tib meṉ ne biadteed xtiidz Dios lo miech nac me, nzian grë milagr nroob ne beeṉ me; miech guizhiu ne bley pquiaadiag zhiwseed me. Rlu tib meṉ nziuu nac me lo Dios.

JUAN 4:19

Zeeṉe bin wnaa co sca rëb Jesús, rëbchaa me: ―Zootne tib zha ne ziadnee xtiidz Dios lo miech nac luu.

JUAN 6:14

Zeeṉe goṉ grë miech co milagr ro ne beeṉ Jesús ga, rneechaa zho: ―¡Ne nlipagaa, lëë meṉ qui ga quiambiaaz ne! ¡Me nac Meṉ ne zëëble diidz ga cxeeḻ Dios lo guidzliu guiadteed xtiidz me!

JUAN 9:15

Grë zha farisé co, biire zho bnabdiidz zho lo me dieṉ zha biac me; dzigo bzodiidz me lo zho zha bdëëb Jesús niip beṉ lo me, blozh ga güeytiib me lo me, zeeṉe laa me wbire laaw biacle.

HECHOS 10:38

Ni naṉaxe to gaṉle, bdeed Dios poder lo Jesús, pxeeḻ me Espíritu Sant gocnie Jesús. Zaatne bdedtaa Jesús, pquia zdoo me miech, grë zha ne nosacsi meṉdox psilaa me zho ladznia ma; sacne nli Dios nacnie me.

HECHOS 2:22

’¡Grëse to, goḻquiaadiaga sca gaṉle! Led naṉwen to gaṉle Dios pxeeḻ Jesús, meṉ Nazaret ne biaad lo guidzliu rii, Dios bnabey beeṉ me grë milagr nroob, beeṉ me grë ncuaaṉe bzee zdoo to; ga blu gaṉle ne nli Dios nacnie me.