JUAN 8:54 - Zapotec Mixtepec: Diidz ne rdeed guielmban

⁵⁴ Rëbchaa me: ―Teḻne lëëque naa noyuṉnon naa, nlid miṉe rne naa dzigo. Per na goṉ, Pxoz naa, meṉ ne nac Dios ne rnee to rliladz to, me rlu gaṉle ne nli meṉ non nac naa.

JUAN 8:54 ပူးပေါင်းရင်းမြစ်များ

JUAN 17:1

Blozhse sca në me lo no, blis lo me bui me nëz gbaa. ―Dios, luu ne nac luu Pxoz naa ―rëb me―, niina nagoṉ laa dze co bdziṉ. Blu gaṉle meṉ nroob nac naa ne nac naa Xpëëd luu, zeeṉa ga glu naa lo miech gaṉle pa lotaa meṉ nroob nac luu.

JUAN 17:5

Scagaa luu ne nac luu Pxoz naa, niina ne laa naa glanso lo luu, blu gaṉle meṉ nroob nac naa; sac desde mazd glo zeeṉe gard tsaa grëtaa ncuaaṉe no, tibaque nac lo guieḻndzon ne bdzio ne haxta dze ne blanso naa lo guidzliu rii.

JUAN 2:11

Milagr ne beeṉ Jesús guiedz Caná ga, ga glopaa blu me lo miech gaṉle nli tib meṉ nroob nac me. Grëse no ne nac no xpëëdscuel me, zeeṉe bdzioṉ now, hor co bliladz no nli me nac Meṉ ne zëëble diidz ga cxeeḻ Dios.

JUAN 5:41

Nëde to guṉbey to naa, nëde to guieṉ to cho nac naa, per peet nacd miṉ co;

JUAN 7:18

Sac grë zha ne rnee grë miṉe riab guicse zho, laa zho ruṉa zeeṉa gacnziuu zho lo miech; saṉgue zha ne rioxco glu ne non meṉ ne pxeeḻ zho, zha cosi niapse diidzli rnee zho, ruṉd zho ne yquidie zho miech.

JUAN 7:39

Sca bzeet Jesús Espíritu Sant. Ga bzeet me, grëse zha ne gliladz cho nac me zacnie Espíritu Sant zho. Gard guiaad Espíritu Sant leṉ dze co, sac gard gbire Jesús lo guieḻndzon ne no me gbaa hor co.

JUAN 8:41

Ni lalnu zienaḻde to miṉe beeṉ Abraham, sinque laa to noyuṉ miṉe ruṉ zha ne nlipaa nac pxoz to. Pquiab zho rëb zho: ―¡Led-xe mëëd ro nëzd no waa! Tibaque meṉ ne nac pxoz no, ni lëë meṉ co nac Dios.

JUAN 8:50

Noguibd naa dieṉ zha guiaaṉnon naa, per Dios goṉ racladz me ne sca gaca; ni mesi naṉ me pe ruṉ me.

HECHOS 3:13

Goḻgacnaṉ gaṉle led scada; sinque Dios meṉ ne bliladz Abraham, meṉ ne bliladz Isaac, meṉ ne bliladz Jacob, meṉ ne bliladz grëraa xmeṉgol ne, meṉ co blu lo to niina ne nli meṉ nroob nac Xpëëd me Jesús. Lëë Jesús co ga goṉ bnaaz to, bloo to me ladznia zhiwxtis ne, ni zeeṉe gocladz Pilat nsilaa Pilat me, pe liaadz to ndeed to diidz.

2 CORINTIOS 10:18

Sac paat rquiinda ne lëëque ne guṉnon ne, miṉe mazdraa rquiin nacne Dioszhal glu zha non nac ne.

1 PEDRO 1:12

Nacne blu Dios lo zho gocnaṉ zho nacda ncuaaṉe gac leṉ dze co, sinque haxta nele ygaa dziaṉa. Saṉgue niina, naṉwen to gaṉle laa grë miṉ co gocle, lëë diidz cub co i gocnaṉ to niina, gbaa biet Espíritu Sant bdeed me guieḻbiini lo zha ne biadneew lo to. ¡Ncuaaṉe ndzona, haxta grë anjl racladz tebaa zha gacnaṉraa zho dieṉ zha naca!

1 PEDRO 1:21

Gacxe waa, zrieelo dib zdoo to gnalo to Dios, mese none gliladz to. Me nac meṉ ne bleeban Jesús, blu me ne meṉ non nac Jesús.

2 PEDRO 1:17

guic gui ne scataa pxobneṉ Dios ne meṉ non, meṉ ro nac me. Binpaa naa zëëb tsi Dios gbaa hor co, në me: “Lëë Xpëëd naa i goṉ, rleynie naa me, nziuu me lo naa.”