JUAN 7:29 - Zapotec Mixtepec: Diidz ne rdeed guielmban

²⁹ Saṉgue naa ruṉbey naa me, sac lo me brie naa, me pxeeḻ naa ziaḻ naa lo to.

JUAN 7:29 ပူးပေါင်းရင်းမြစ်များ

MATEO 11:27

Blozh ga rëb me lo grë miech ne ndxie ga: ―Grëse ncuaaṉe raṉ to quiayuṉ naa, Dios meṉ ne nac Pxoz naa, me bneedz poder rii lo naa; sac ib laa me bzo naa, naa guṉa. Xpëëd me nac naa, wen wen ruṉbey me naa, scagaa naa wen wen ruṉbey naa me. Choot ruṉbeyd me zigne ruṉbey naa me, per zha ne gacladz naa guṉbey me, zuṉbey zho me.

JUAN 1:18

Wlaltaa ib choot gard gaṉ Dios; saṉgue niina ne laa Xpëëd me Jesús biaad, meṉ co biaadlu gaṉle zha nac Dios; sac zaatne no Dios gaque no me.

JUAN 17:18

Sac goṉ, niina laa naa rxeḻ zho lo grëraa miech guidzliu rii, zigne ne pxeeḻaque luu naa.

JUAN 6:46

Zha ne rlanso lo naa, guiabde to togo goṉlo zho me; ni tib choot gard gaṉ me, naase nac meṉ ne ziyaṉ me, sac zaatne no me ga brie naa ziaḻ naa lo to.

JUAN 8:55

Teḻ naa ruṉbey naa me, ni ruṉ naa miṉe rnabey me; saṉgue to goṉ, nlid ruṉbey to me. Teḻ gni naa ruṉbeyd naa me, yele naa ga dzigo noquidie zigne rquidie to.

1 JUAN 1:2

Ni niina laa no quianee lo miech gaṉle cho nac me; goḻgacnaṉ gaṉle, me rneedz tib guieḻmban ne gdziṉd dze lozh. Zaatne no Dios meṉ ne nac Pxoz ne, ga no me; zeeṉe biaad me lo guidzliu dzigo bdziuuṉbey no me.

1 JUAN 4:14

Ni stiba, grop lo no bdzioṉ no biaad Xpëëd me biaadsilaa me miech lo doḻ; ni miṉ co nonee no lo miech niina.

1 JUAN 4:9

Gotsaa gwi ne gaṉle, pa lotaa rleynie me ne: Tibpaa Xpëëd me, ni pxeeḻ me me biaadtizh me xtoḻ ne, zeeṉa ygaa ne tib guieḻmban ndzon ne gdziṉd dze lozh.