JUAN 7:15 - Zapotec Mixtepec: Diidz ne rdeed guielmban

¹⁵ Zeeṉe goṉ zho zha rseed me, rzee zdoo zho rnee zho: ―¿Zha nac squitaa rac meṉ qui, ni laa me pseete me grë zhiwseed yadoo?

JUAN 7:15 ပူးပေါင်းရင်းမြစ်များ

MATEO 13:54

Bdziṉ me ga güey me yadoo, psilo me pseed me grë miech co. Per nli rzee zdoo zho ron zho grë miṉe rnee me, rnabdiidzlsa zho rnee zho: ―¿Pazhe waa squitaa pseed meṉ qui? ¿Zha nac guieḻbiini ne squitaa rap me i, ne rnee miech ndal grë milagr ne ruṉ me?

MATEO 22:22

Zeeṉe goṉ zho sca ptsire me lo xtiidz zho, bzee zdoo zho, mazd miṉe beeṉ zho laa zho wbichese ga, laa zho zey.

MATEO 22:33

Grë miech ne ndxie ga, zeeṉe goṉ zho sca ptsire me lo xtiidz zha saducé co, rzee zdoo zho.

LUCAS 2:47

Rzee zdoo zho raṉ zho scataa nixbiini win, niicle zeeṉe rnee wina, zeeṉe rtsiregaa win lo xtiidz zho.

LUCAS 4:22

Grëse zho rleynie zho me, rlozhd gzee zdoo zho ron zho grëtaa diidz ndzon ne rnee me. Rnabdiidzlsa zho rnee zho: ―¿Bay zha squitaa pseed meṉ qui? ¡Led lëë xingan José i!

JUAN 1:19

Tib dze pxeeḻ grë zha ne nac zha non Jerusalén, bla zha ne nac pxoz ni zla zha ne rquianap yadoo, zienabdiidz zho lo Juan dieṉ cho nac Juan. Bdziṉ zho bnabdiidz zho lo Juan.

JUAN 7:11

Grë zha Israel ne rlëë lo me, quiaguib zho me lo lni co. ―¿Bay yo meṉ co? ―rnee zho―. ¿Pe nacne ib choot gard dziaṉ me?

JUAN 7:13

Per zhliaanse rzodiidz zho rzeet zho me, sac rdzieb zho grë zha Israel ne rlëë lo me.

JUAN 7:46

Pquiab zho rëb zho: ―¡Wlaltaa gard dziaṉ no tib meṉ ne scataa ndzon rnee!

HECHOS 26:24

Tibaque nguiedz bnee Fest rëb me lo Pabl: ―¡Bod rzhiṉle guic luu goṉ Pabl! ¡Ne tibaque nagoṉ rio luu wseed gane squi riots xtiidz luu!

HECHOS 4:13

Zeeṉe goṉ grë zha wxtis co, scataa peet dzeb nod lo Pedr grop Juan, bzee zdoo zho; sac ruṉbey zho Pedr, ruṉbey zho Juan, nacd zho cho zha ne güey wseed nroob. Ga goṉ zho, pa lotaa guieḻbiini ne bgaa Pedr grop Juan ne bzënie zho Jesús.