JUAN 6:29 - Zapotec Mixtepec: Diidz ne rdeed guielmban

²⁹ Pquiab me rëb me: ―Miṉe racladz Dios guṉ to: gliladz to cho nac meṉ ne pxeeḻ me.

JUAN 6:29 ပူးပေါင်းရင်းမြစ်များ

MATEO 17:5

Scaque nonee Pedr, zeeṉe znuse pquia tib xcow ngali zaatne zo zho ga, masaque biini ne rroṉ xcow co, lo xcow co bin zho zëëb tsi tib meṉ co, rnee me: ―Lëë xpëëd naa i goṉ, rleynie naa me, rzac zdoo naa miṉe quiayuṉ me. Miṉe rnee me, goḻgona.

MARCOS 16:16

Grëse zha ne dib zdoo gliladza ni chobnis zho, scaania Dios zho; saṉgue zha ne gliladzda, laa zho bnitlole ga.

JUAN 3:36

Grëse zha ne gnalo me, laa zho bgaale tib guieḻmban ne ib gdziṉd dze lozh; saṉgue zha ne gond xtiidz me, gdziṉd zho gbaa, zaatne ygaa zho guieḻmban co. ¡Grëse zha co, ible zgaa zho guieḻnëdox ne csiaab Dios!

JUAN 5:39

’Nli rioxco to rseed to grë guits ne ziaad Xtiidz me, sac rieṉ to ga ziaad dieṉ zha ygaa to guieḻmban ne gdziṉd dze lozh. Ni niicle ne lo co zhobnee gaṉle cho nac naa,

JUAN 6:28

Dzigo bnabdiidz zho lo me, rëb zho: ―¿Zha dzigo dziuuṉ no miṉe racladz Dios? ¿Pe nac ncuaaṉe dziuuṉ no?

JUAN 6:38

Sac goṉ, laa naa bieet gbaa ziaḻguṉ naa miṉe racladz Pxoz naa (meṉ ne pxeeḻ naa); bieete naa par guṉ naa miṉe gacladztaa naa.

JUAN 6:57

Meṉ mban nac Pxoz naa, meṉ ne pxeeḻ naa, me nac meṉ rneedz guieḻmban lo naa; ni scaquegaa zha ne gow xcuerp naa, naa gded guieḻmban lo zho.

HECHOS 16:31

―Dib zdoo luu bliladz Jesús, meṉ rnabey ne pxeeḻ Dios lo guidzliu ―rëb zho―, dzigo silaa me luu lo doḻ, silaa me meṉlidz luu ne.

1 TESALONICENSES 1:3

Ni zeeṉe rzeet no to lo me, rsoladz no grëtaa dziin ne ruṉ to niina ne dib zdoo to rleynie to me, ni zha quialëb to lo grëtaa guieḻnë ne noyaṉ to, tibaque nonie guic to ne ible zdziṉ dze ne laa Jesús guiaad stib.

HEBREOS 5:9

Ni ne sca bin me diidz beeṉ me grëse miṉe bnabey Dios me, gacxe waa grëse miech ne gban zigne nac xtiidz me, me gdeed tib guieḻmban ne gdziṉdraa dze lozh lo zho;

SANTIAGO 2:22

Gotsaa gwi ne gaṉle, zeeṉe beeṉ Abraham miṉe bnabey Dios me ga, ga blu ne nli rnalo me Dios, ni hor co mazdraa dib zdoo me bnalo me Dios.

1 JUAN 3:23

Ni lëë miṉ rii rnabey me: Grëse miech, none dib zdoo zho gliladz zho Jesús meṉ ne nac Xpëëd me, ni gleynie zho samiech zho zigne psaṉle me diidz ga.

1 JUAN 5:1

Grëse zha ne dib zdoo rliladz ne ible lëë Meṉ ne zëëble diidz cxeeḻ Dios lo guidzliu ga nac Jesús, grëse zha co xpëëd Dios nac zho. Grëse zha co, par guieṉ ne dieṉ pe nli rleynie ne zho, none guieṉ ne dieṉ pe nli rleynie ne Dios, dieṉ pe nli ruṉ ne miṉe rnabey me. Nac cuent rii, zig nac tib yu miech, zha ne rleynie pxoz mëëd, scaquegaa rleynie zho mëëd.

APOCALIPSIS 2:26

Sac goṉ, grëse zha ne gdeete diidz lo grë ncuaaṉe guṉctal xtoḻ zho, sinque tibaque tsoxco zho gban zho zigne rnabey naa, haxta gdziṉ dze ne nitlo guidzliu, zded naa tib mel gbaa lo zho, mel ne rlan raḻ sil, ni so naa zho gnabey zho grë guiedz. Naa gded guieḻrnabey co lo zho, zigne bneedz Pxoz naaw lo naa; ni lalnu yquiad zdoo zho, grëse miech ntseeb, zuṉquizh zho zho grëtaa guieḻntseeb ne beeṉ zho.