JUAN 3:5 - Zapotec Mixtepec: Diidz ne rdeed guielmban

⁵ Rëbchaa Jesús: ―Ible none gal miech, none gal zho zigne racladz Dios. Sac teḻne chobnisd zho ni ygaad zho Espíritu Sant, grieelod sëëb zho zaatne rnabey Dios.

JUAN 3:5 ပူးပေါင်းရင်းမြစ်များ

MATEO 18:3

rëb me: ―Gneli naa lo to gaṉle, teḻne csaande to xquieḻntseeb to, teḻne gacnguudzladzde to, gac to zig mëëdwin rii, per ni xnëz Dios grieelod sëëb to.

MATEO 19:24

¡Ne nligaa ngaṉ rzac zhow! Mazd ngaṉdse rded tib camell guieer guzh lëdle sëëb tib zha ne squi rapcheṉ xnëz Dios.

MATEO 21:31

’Goḻnë dieṉ, lo grop mëëd co, ¿cho nac zha ne bin xtiidz pxoz? Pquiab zho rëb zho: ―Zha glo cow. Dzigo rëbchaa me: ―Gneli naa lo to gaṉle, miṉcodaa quiayac nu niina: Grë zha ne rzac to mazdraa ngoopdoḻ, zig nac grë zha ne rtop dimi ne razh lo zha Roma, zig nac grë wnaa ro nëz, mazd glole zha co nozëëb xnëz Dios, lëdle to.

MATEO 28:19

Niina nagoṉ, laa naa rsaṉ diidz lo to: goḻtsie dipse lo guidzliu, goḻtsieseed miech gac zho zha ne sëëb xnëz naa, goḻchoobnis zho, goḻguiab lo zho lëë miṉ co rnabey Pxoz naa, rnabey naa ne nac Xpëëd me, ni rnabeygaa Espíritu Sant.

MATEO 3:11

’Nli tib wrobnisse nu rnedz naa lo to, nacsew zig tib señ, sac lëë gdib rluw laa to psaan xquieḻntseeb to, laa to bzëëb xnëz Dios. Saṉgue meṉ ne no guiaad ga, mesi Espíritu Sant gdeed me lo zha ne gliladz me; ni scagaa zha ne gliladzd me, sonëz me zho zaatne nitlo zho. Ne nligaa tib meṉ non nac me, teḻ naa peet nond naa, per ni par tib nguṉdziin ne glit lab me raguiaḻd naa gac naa.

MATEO 5:20

’Rso naa diidz lo to sca, zaacse goḻgac guṉde to zigne ruṉ grë maistr ley, grë zha farisé; sac teḻne tsoxcode to gban to zigne racladz Dios, grieelod gdziṉ to zaatne rnabey me.

MARCOS 10:14

Zeeṉe goṉ me sca quiayuṉ zho, wbiṉladz guic me, dzigo rëb me lo zho: ―Ctsirede to grë mëëdlas yeeṉ qui, goḻsaan guiaad win lo naa. Sac goṉ grë mëëdlas yeeṉ, ni zha ne nac zigne nac win, zha co nac zha ne sëëb ygab lo Dios.

MARCOS 16:16

Grëse zha ne dib zdoo gliladza ni chobnis zho, scaania Dios zho; saṉgue zha ne gliladzda, laa zho bnitlole ga.

MARCOS 9:47

Teḻ tib logaa zho nac miṉe rquiaqui ruṉctal zho xtoḻ zho, mazd cueegazh zho bziaalo co zho. Peet nacd maase tibaque bziaalo zho zob totsaque ygaa zho guieḻmban ndzon co, lëdle zob grop bziaalo zho ni laa zho guey gabiḻ.

LUCAS 13:24

―Nligaa zhis zho, sac masaque naca zig tib puert niase. Goḻtsoxco sca niinasraa goḻsëëb xnëz me ycaania me to, sac zdziṉ dze ne nzian zho gacladz sëëb, per grieelodraaw.

LUCAS 13:3

¡Lëda goṉ! Zigtaa ngoopdoḻ zha co, scaque to ngoopdoḻ nac to; teḻne csaande to xquieḻntseeb to gbig to lo Dios, ye to znitlo to.

LUCAS 13:5

Per gacnaṉ to gaṉle, ¡lëda! ¡Zig rne naa ga, ye to miech ngoopdoḻ nac to, ni teḻne csaande to xquieḻntseeb to gbig to lo Dios, ye to zdziṉ dze ne nitlo to!

JUAN 1:13

¡Grëse zho, rrieequia gol zho stib! Per guiabd ne togo gol zho zigne ral grë miech guidzliu rii, sinque laa zho gol zigne racladz Dios; gane niina xpëëd me nac zho.

JUAN 3:3

―Gneli naa lo luu gaṉle Nicodem ―rëb Jesús―, grëse miech, teḻne gald zho stib grieelod gdziṉ zho zaatne rnabey Dios.

JUAN 3:4

Pquiab Nicodem, rëb Nicodem: ―¿Gal zho stib ye? ¿Zha grieelo gal miech stib? Tib zha ne nacle meṉgol, ¿niacxe zrieelo sëëb zho zdoo xniaa zho gbiire gal zho?

HECHOS 2:38

Dzigo rëb Pedr lo zho: ―Tib tib to, goḻsaan xquieḻntseeb to, goḻbig lo Dios, ni none chobnis to zeeṉa guiaaṉmbe to lo xtoḻ to; scagaa ible sxeeḻ Dios Espíritu Sant gacnie to.

HECHOS 3:19

’Doḻ nroob ga goṉ beeṉ to, gacxe nana goṉ waa goḻsaan xquieḻntseeb to, goḻbig lo Dios; zeeṉa csaṉmbe me to lo xtoḻ to. Me gneedz guieḻbley lo to stib,

ROMANOS 14:17

Zha ne ngab lo Dios, miṉe none tsienie guic zho nac ne ndzinli gban zho, tiḻnied zho samiech zho, iṉe nley gac zho (miṉ co nac miṉe rdeed Espíritu Sant); led tsod zho dieṉ pe zac gow zho, pe zac guie zho, pegaa gacda.

ROMANOS 8:2

sac zha ne ngab xnëz me, laa Espíritu Sant psilaale zho lo doḻ, laa me psilaale zho ladznia guieḻgut, laa me bdeedle tib guieḻmban cub lo zho.

1 CORINTIOS 15:50

Goḻgacnaṉ sca gaṉle, cuerp ne rdziaap ne lo guidzliu rii, grieelod gdziṉa zaatne rnabey Dios; sac rdziṉ dze ne rnitlow, grieelod gaca tib cuerp ne guete.

1 CORINTIOS 2:12

Ni teḻ no, Espíritu co nacnie no (nacnied no espíritu ne quianzë lo guidzliu rii), ni ible laa Dios pxeeḻ me lo no zeeṉa gacndioṉ no zha nactaa grë ncuaaṉe nole guic Dios gneedz me lo ne.

1 CORINTIOS 6:11

Blalaa to bio lo grë doḻ co glo, saṉgue niina miech mbele nac to nëz lo Dios, laa Jesús ni Espíritu Sant psaṉle to zig tib zha ne peet xtoḻd, laa me psaṉwenle to nëz lo Dios.

GALATAS 6:15

Grëse zha ne ygab xnëz Jesús, nacda ne dieṉ cho no bey ne rio zha Israel, chogaa noda; sinque miṉe non nacne ctsëë Dios lo xquieḻmban zho.

EFESIOS 5:26

blee me zho lo doḻ, ni biaaṉmbe zho zeeṉe laa zho pquiaadiag xtiidz me, wban zhow ni brobnis zho;

1 PEDRO 1:2

Dios meṉ ne nac Pxoz ne, ible me bzooblo to mazd padzeela, sac naṉle me laa to gac xpëëd me. Bdziṉ dze, zeeṉe laa me pxeeḻ Espíritu Sant bleextso to laa to ngab xnëz me, zeeṉa gban to zigne rnabey me, ni lozh csaṉmbe Jesús to; sac ible miṉ co nacne bzhiee xchen me. Dios glu gaṉle pa lotaa noxco me to, zeeṉa peet zhgab ctsebde to.

1 PEDRO 3:21

(Lega rrieequia goc nis co zig nis ne rrobnis ne. Zeeṉe rrobnis ne, ga rlu ne laa ne brieele ladznia doḻ, ygaadraa ne guieḻnëdox ne tsieguiaḻ zha ngoopdoḻ, sac goṉ por miṉcopaa gut Jesús ni brieeban me; ni guiabd ne togo nis co rsaṉmbe ne lo xtoḻ ne, sinque ga rxobneṉ ne ne laa ne rnab lo Dios ctsëë me lo xquieḻmban ne.)

1 JUAN 2:29

Naṉle to gaṉle, mesi zigne rieguiaḻ gac guieḻwxtis sca ruṉ mew; gacxe waa, grëse zha ne nac xpëëd me ible zdeed me miṉe rieguiaḻ zho.

1 JUAN 5:1

Grëse zha ne dib zdoo rliladz ne ible lëë Meṉ ne zëëble diidz cxeeḻ Dios lo guidzliu ga nac Jesús, grëse zha co xpëëd Dios nac zho. Grëse zha co, par guieṉ ne dieṉ pe nli rleynie ne zho, none guieṉ ne dieṉ pe nli rleynie ne Dios, dieṉ pe nli ruṉ ne miṉe rnabey me. Nac cuent rii, zig nac tib yu miech, zha ne rleynie pxoz mëëd, scaquegaa rleynie zho mëëd.