JUAN 20:22 - Zapotec Mixtepec: Diidz ne rdeed guielmban

²² Dzigo blub me lo no grëse no. ―Goḻcaania Espíritu Sant ―në me―.

JUAN 20:22 ပူးပေါင်းရင်းမြစ်များ

JUAN 14:16

Scagaa naa, laa naa gnab lo Pxoz naa cxeeḻ me tib meṉ ne tibaque gacnieṉ to, tibaque cchoobladz zdoo to; ib gdziṉd dze ne csaan me to. ¡Lëë meṉ co ga nac Espíritu Sant, meṉ ne rlu pa miṉ nac diidzli; ni ible sxeeḻ Pxoz naa me!

JUAN 15:26

’Laa naa nile lo to gaṉle, ible sxeḻ naa Espíritu Sant gacnie to, niapse diidzli rnee me. Lo Pxoz naa griee me guiaad me, me cchoobladz zdoo to, ni me gneedz guieḻbiini lo to lozh guieṉ to cho nac naa.

JUAN 16:7

’Gneli naa lo to gaṉle: Mazd wen goṉ tsie to zeeṉe laa naa guia lo meṉ ne pxeeḻ naa, sac teḻne cuëz naa nu, grieelod guiaad meṉ ne guiadchoobladz zdoo to ga. Saṉgue teḻne guia naa, dzigo naazhal cxeḻ me.

JUAN 20:21

Blozh ga, në me lo no: ―¡Laa naa rnedz tib guieḻbley zdoo to, zeeṉa peet tsienied guic to! Zigne pxeeḻ Pxoz naa naa biaḻ naa, scagaa niina laa naa rxeḻ to.

JUAN 20:23

Ni zeeṉe goṉ guṉ to tib miech perdon, scaque Dios zuṉ me zho perdon; laa teḻne siguieḻd zho guṉ to zho perdon, laa zho biaaṉle lo xtoḻ zho ga.

JUAN 7:39

Sca bzeet Jesús Espíritu Sant. Ga bzeet me, grëse zha ne gliladz cho nac me zacnie Espíritu Sant zho. Gard guiaad Espíritu Sant leṉ dze co, sac gard gbire Jesús lo guieḻndzon ne no me gbaa hor co.

HECHOS 10:47

Dzigo rëbchaa Pedr: ―¿Peraa nadieṉ gbiaaz ne, ne cchoobnisgazhd ne zha rii? Laa ne bdziaṉle gaṉle zigne rdeed Espíritu Sant guieḻbiini lo zha Israel, scaque bdeed me guieḻbiini lo zho.

HECHOS 19:2

dzigo bnabdiidz me lo zho, rëb me: ―¿Pe bgaa to guieḻbiini ne rneedz Espíritu Sant, zeeṉe bliladz to Jesús? Pquiab zho rëb zho: ―¿Guieḻbiini ye? Gard goṉ dzion no rdeed Espíritu Sant guieḻbiini. Dzigo rëbchaa Pabl:

HECHOS 2:38

Dzigo rëb Pedr lo zho: ―Tib tib to, goḻsaan xquieḻntseeb to, goḻbig lo Dios, ni none chobnis to zeeṉa guiaaṉmbe to lo xtoḻ to; scagaa ible sxeeḻ Dios Espíritu Sant gacnie to.

HECHOS 2:4

Horco grëse zho pcaania guieḻbiini ne bdeed Espíritu Sant, psilo zho rnee zho grë xtiidz stib miech miṉe rsiaabtaa me guic zho.

HECHOS 4:8

Horco laa Espíritu Sant bdeed guieḻbiini lo Pedr, pquiab Pedr rëb Pedr lo zho: ―Grëse to ne nac to zha ne rnabey lo meṉguiedz, grëse to ne nac to zha gol ne non xtiidz.

HECHOS 8:15

Laa zho zie gnab zho lo Dios ygaa grë zha ne bliladzle Jesús ga guieḻbiini cheṉ Espíritu Sant;

GALATAS 3:2

Zhal to goḻcobey dieṉ, ¿pe ne beeṉ to grë miṉe nac xley zha Israel, laa to bgaa guieḻbiini cheṉ Espíritu Sant, te ne bliladz to Xtiidz Diosa ye?