JUAN 16:17 - Zapotec Mixtepec: Diidz ne rdeed guielmban

^17-18 Zeeṉe bdzion no sca rnee me, blalaa no psilo no rnabdiidzlsa no rnee no: ―¿Bay zha nacne squi rnee me? ¿Zha nacne rnee me, zhilew dziaṉdraa ne me, per gacdaquew xtse laa ne dziaṉlaque lo me stib? Ni rneeque me laa me guey lo Pxoz me.

JUAN 16:17 ပူးပေါင်းရင်းမြစ်များ

MARCOS 9:10

Nacne choot lo bneed zhow, per psilo zho gza tsoṉ zho rnabdiidzlsa zho, zha mod grieeban tib zha ne gutle.

MARCOS 9:32

Per ib rieṉd zho pe nacne sca rnee me, niicle gnabdiidzgaa zho rdzieb zho gnabdiidz zhow lo me.

LUCAS 18:34

Per ib bieṉd zho dieṉ zha nacne sca rnee me.

LUCAS 9:45

Per ib rieṉd zho zha nacne sca rnee me, sac gard gdeed Dios diidzbey hor co guieṉ zho zha naca; niicle par gnabdiidzgaa zho, rdzieb zho gnabdiidz zhow lo me.

JUAN 12:16

Grëse no ne nac no xpëëdscuel me, ni tib no bieṉd hor co ne grëse ncuaaṉe noyac ga, raquietlew lo Xtiidz Dios; sinque haxta zeyle me gbaa, dzigoraa psoladz no nzian grë ncuaaṉe raquiet lo Xtiidz Dios ga, goṉlo no goca; ni bieṉ no Jesús raquiet ga.

JUAN 14:22

Dzigo pquiab Judas (zhaa Judas Iscariot), rëb Judas lo me: ―¿Pe nac waa lose no glu luu cho nac luu? ¿Teḻzhe grëraa miech waa?

JUAN 14:5

Pquiab Mazh rëb Mazh lo me: ―Maestro, peleḻ nëz na gacndioṉ no, ni per ni zaatne tsie luu ndioṉd no.

JUAN 16:1

’Laa naa rne grë miṉ rii lo to zeeṉa peet tsienied guic to, tibaque dib zdoo to gnalo to naa.

JUAN 16:16

Zhilew zeeṉe laa naa gbiche lo to gaṉdraa to naa; per gacdaquew xtse zeeṉe laa to gbiirelaque gaṉ naa stib.

JUAN 16:19

Bieṉ me racladz no gnabdiidz no lo me, dzigo në me lo no: ―¿Racladz to lëë gacnaṉ to zha nacne znu rne naa?

JUAN 16:5

Laa niina nagoṉ laa naa gbiche lo to, laa naa gbire guia lo meṉ ne pxeeḻ naa, per raṉ naa ni tib to zienied guic gnabdiidz dieṉ pa nac zaatne ga naa, dieṉ pe nacgaa ne laa naa ga.