JUAN 15:11 - Zapotec Mixtepec: Diidz ne rdeed guielmban

¹¹ Laa naa rzet miṉ rii lo to, zeeṉa guiaad tib guieḻbley zdoo to. Ne nligaa, zeeṉa guiaad tib guieḻbley nroob zdoo to; ni naa gnedz guieḻbley co lo to.

JUAN 15:11 ပူးပေါင်းရင်းမြစ်များ

LUCAS 15:23

Bnabey me zho güeyxi zho tib ngon ne mazdraa ndaan, beet zho, rëb me: “¡Ib none gac tib lni, none dioow ne, none dio ne!

LUCAS 15:32

Per niina ne laa bets luu blanso, ib nonguieḻa znu dziuuṉ ne tib lni gleynie ne me; sac goṉ bnit me, ni na laa me bdziel. ¡Dziuuṉ ne cuent brieeban me nu!”

LUCAS 15:5

Zeeṉe rdziel ma lo to, lo guieḻbley co haxta rxobyaṉ to ma rdziṉnie to ma ro yu.

LUCAS 15:9

Zeeṉe rdziel mew, rley me rzodiidz mew lo grë zha ne ndzieeldiidz me, lo grë zha ne no gax lidz me.

JUAN 16:24

Haxta lo nadze peet gard gnab to, niicle ne xnëz naa ngab to; laa niina laa naa rne lo to ncuaaṉe rquiin to goḻnaba lo me, ni ible zneedz mew goṉ. Nroob guieḻbley ne tso to hor co.

JUAN 16:33

Grëse ncuaaṉe bne naa lo to nu, laaw bne naa zeeṉa peet tsienied guic to, beṉque naṉle to gaṉle tibaque nacnie naa to. Parga nli, laga no to lo guidzliu rii, nzian grë guieḻnë ne ted to, per gdziebde to; sac goṉ naa rnabey, ladznia naa no grëtaa ncuaaṉe no lo guidzliu.

JUAN 17:13

’Zhilew laa naa glanso zaatne no luu i; per leṉ dze ne blëz naa lo zho nu, nzian grë ncuaaṉe bne naa lo zho, zeeṉa ye zho tso guieḻbley nroob ne no naa.

JUAN 3:29

Ible lo me none gdziṉ miech. Nac me niina zig tib mgui ne notsieelnia: Mgui ne notsieelnia, ¡led zha lëë rzobnie ndzoop ne notsieelnia zho! Ni grë zha ne ndzieeldiidz zho, rley zho raṉ zho laa xamigw zho notsieelnia, rley zho ron zho pe rnee xamigw zho. Scadaa nagoṉ rzaac naa niina: rley naa ron naa grë ncuaaṉe ruṉ me.

ROMANOS 15:13

Miṉcocxe waa, to ne nac to miech stib guiedz, rnab naa lo Dios (meṉ ne psaṉle diidz pe nac grë ncuaaṉe ygaa ne ga) gneedz me guieḻbley lo to, gacnie me to peet zhgab ctsebde to niina ne laa to rliladzle me. Rnab naa lo me, gacnieṉ Espíritu Sant to iṉe gley to yquiambëz to gac grë miṉe psaṉle me diidz ga.

2 CORINTIOS 1:24

Guiabde to sca togo bod racladzd no guiaad no. Nli rquiindraa to guiadnee no lo to zha gliladz to Dios, sac dib zdoole to rliladz to me; per laa no racladz iṉe guiaadlonley no zdoo to i. Goḻguieṉ sca, miṉ co racladz no, racladzd no guiaadloguieḻnë no to.

EFESIOS 5:18

Gzudzde to, sac goṉ lo guieḻgonziu ruṉ miech ncuaaṉe nonguieḻdraa; sinque mazd goḻnab gneedzraa Espíritu Sant guieḻbiini lo to, zeeṉa iṉe:

FILIPENSES 1:25

Miṉcocxe nagoṉ waa, rgobey naa zbanraa naa, zeeṉa lozh cseed naa to choobraa to lo Xtiidz Jesús, iṉe nley gac to laa to rliladza;

1 TESALONICENSES 5:16

Tibaque nley goḻco zdoo to.

1 PEDRO 1:8

Me i squitaa rleynie to, me i squitaa rnalo to, niicle ne goṉde to me, niicle ne raṉde to me. Tib guieḻbley nrooba lo to, tib guieḻbley ndzona, nacda ncuaaṉe grieelo gnee to zha naca;

1 JUAN 1:4

Laa naa rnee grë miṉ rii lo to lo guits ne rxeḻ naa nu, zeeṉa zigne nonley zdoo no scaquegaa to tsonley zdoo to.

2 JUAN 1:12

Ndal grë ncuaaṉe no gne naa lo to, per racladzd naa gzet naaw lo guits rii. Laa guic naa no guiaḻgaṉ naa to i, dzigo mazd hor co naazhal gnew lo to; zeeṉa nroob guieḻbley ne dzio ne grë ne.