JUAN 12:20 - Zapotec Mixtepec: Diidz ne rdeed guielmban

²⁰ Lad grë miech ne bdziṉ Jerusalén ga, ziegaṉ Dios leṉ ngbidz Pascw co, lad co no blalaa zha zit ne nacd zha Israel,

JUAN 12:20 ပူးပေါင်းရင်းမြစ်များ

JUAN 12:1

Sxoop ngbidz gdziṉ dze lni Pascwa, güey Jesús guiedz Betain, zaatne no Lazh, meṉ ne bleeban me ga.

JUAN 12:19

Grë zha farisé, zeeṉe goṉ zho grë miech guizhiu co, rneechaa zho: ―¡Pe zhidaa grë miech qui racnie meṉ qui! ¡Peraa nadieṉ dziuuṉ ne!

JUAN 7:35

Grë zha ne ndxie ga, zeeṉe bin zho sca rëb me, rzee zdoo zho. ―¿Pa naczhe zaatne tsie me? ―rnee zho―. ¿Zha nacne ib gdzield ne me? Nend grë zha ladz ne tsieseed me, grë zha ne no stib ladz beṉ.

HECHOS 14:1

Zeeṉe bdziṉ Pabl Icon grop me Bernabé, güey zho tib xyadoo zha Israel zob lad guiedz co, bnee zho Xtiidz Dios lo grë zha ne pcaalsa ga. Zigtaa zha Israela, zigtagaa zha lad guiedz cow, nzian zho bliladza.

HECHOS 16:1

Leṉ dze co güey Pabl grop Silas güeyted zho Derb ni güeyted zho Listr. Listr ga beeṉbey zho tib zha nguieg ne rliladzaque Jesús lë Timoté, ti meṉ Israel ne rliladzle Jesús nac xniaa me, laa pxoz me nac meṉ Gres.

HECHOS 17:4

Ndal zha ne pquiaadiag xcodiidz Pabl, bieṉ zho ne nli sca naca, laa zho bliladz Jesús, ndal zho nac zha nëz Gres, zha ne noxcole miṉe rnabey Dios, ye blalaa meṉ wnaa ne nac meṉ non lad guiedz co. Laa zha Israel ne rnabey yadoo co, zeeṉe goṉ zho scataa ndal zha ne bliladz Jesús, blëë zho; güey zho güeytop zho grë zha yozh ne quianzë lad guiedz co, ti ruid ne beeṉ zho lad guiedz. Güey zho güeysëëb zho lidz Jasón naṉ zho niebee zho Pabl ga grop Silas, ngo zho zho ladznia grë miech co.

HECHOS 20:21

Grëse miecha, tibaque miṉe pseed naa zho, miṉe bne naa lo zha Israel miṉcoque bne naa lo miech stib guiedz; grëse zho bnee naa lo zho none csaan zho xquieḻntseeb zho dib zdoo zho gnalo zho Jesús, zeeṉa gbig zho lo Dios.

HECHOS 21:28

bzheṉ zho zhicw me, roptsie zho rnee zho: ―¡Grëse to meṉguiedz! ¡Goḻguṉ xyudar no gnaaz ne meṉ rii! Sac lëë me ga quianzë quiaseed me zha wladz glëënie zho ladz zho, rnee me lo zho guṉdraa zho grë miṉe rnabey ley, gapdraa zho respet yadoo rii; haxta grë zha zit zizëëbnie me nu. ¡Noguitniele me lugar nda rii!

HECHOS 8:27

Dzigo güey Lip nëz co. Tib dan ngana, lëëtaque laa tib meṉ ne nac dziin lo rein ne lë Candás zie ga, dziin nroob nac me lo rein co, sac me ngotsow grëtaa dimi ne no Etiopí.

ROMANOS 1:16

Teḻ naa, ib rtoladzd naa gne naa Diidz Ndzon rii lo miech, sac ncuaaṉ ro ne ruṉ Dios zeeṉe rquiaadiag miecha. ¡Grëse miech ne gliladza, ib zlaa zho lo xtoḻ zho! Laa guieḻnzaac co no niina par grëse miech. Glose lo zha Israel bdziṉa, laa niina laaw quiadziṉ lo grëraa miech, zeeṉa grëse zho gbig sëëb xnëz Dios.

ROMANOS 10:12

Grëse miech, niicle zha Israela, niiclegaa zha stib guiedza ible sca ycaania me zho, sac led yed me rbe; me rnabey zho grëse zho, ni grëtaa ncuaaṉe rap me, zdeed mew lo zha ne gnaba lo me.

GALATAS 2:3

Ni nligaa bley zho bin zhow. Niicle ne led zha Israeld nac Tit, per bnabeyd zho niopaa Tit bey ne rio grë zha Israel.

GALATAS 3:28

Miṉcocxe nagoṉ waa, grëse ne tibaque nac ne niina, guieṉdraa ne gooṉ cho nac zha Israel, cho nacgaa zha zit; dieṉ cho nac nguṉdziin, cho nacgaa zha ne rnabey; gooṉ dieṉ cho nonraa pe mguiw te wnaaw ye; sac grëse zha ne nacniele Jesús, tibaque nac zho grë zho.

COLOSENSES 3:11

Zha ne bgaale guieḻmban cub rii, led yedraa zho cue dieṉ cho zha nac zha Israel, dieṉ cho zhagaa nac zha zit; dieṉ cho no bey, dieṉ cho nodgaaw; dieṉ cho ziaad guiedz nroob, dieṉ cho ziaadgaa guiedz win; dieṉ cho rac, cho gacdgaa; dieṉ cho ruṉ xtsiiṉ beṉ, dieṉ chogaa nac zha rnabey. Miṉe rquiinraa niina, nacne grëse zho guieṉ gaṉle Jesús nac meṉ ne mazdraa non, me none gnalo zho.